Thursday, March 28, 2024

ਅੰਨ੍ਹੀ ਸ਼ਰਧਾ

ਸ਼ਰਧਾ ਅੰਨ੍ਹੀ ਨਾ ਵਿਖਾਉ ਲੋਕੋ ਉਏ।
ਬਾਬਾ ਜੀ ਨਾ ਰੱਬ ਬਣਾਉ ਲੋਕੋ ਉਏ ।

ਟੱਬਰ ਹੱਡ ਤੁੜਾਵੇ ਫਿਰ ਵੀ ਭੁੱਖੇ ਓ,
ਵਿਹਲੜਾਂ ਨੂੰ ਨਾ ਐਸ਼ ਕਰਾਉ ਲੋਕੋ ਉਏ।

ਕਹਿ ਪ੍ਰਸ਼ਾਦ ਹੀ ਹਰ ਸ਼ੈਅ ਵੇਚੀ ਜਾਂਦੇ ਨੇ,
ਇਨ੍ਹਾਂ ਦਾ ਨਾ ਵਪਾਰ ਵਧਾਉ ਲੋਕੋ ਉਏ।

ਰਾਜੇ ਵਾਂਗੂੰ ਹੀ ਦਰਬਾਰ ਲਗਾਉਂਦੇ ਨੇ,
ਮਨ ਨੂੰ ਨਾ ਗੁਲਾਮ ਬਣਾਉ ਲੋਕੋ ਉਏ।

ਬਾਬਾ ਜੀ ਦੇ ਕਹਿਣ `ਤੇ ਨੇਤਾ ਚੁਣਿਉ ਨਾ,
ਵੋਟ ਵੀ ਸੋਚ-ਸਮਝ ਕੇ ਪਾਉ ਲੋਕੋ ਉਏ।

ਪੱਤਾਂ ਲੁੱਟਦੇ, ਕਤਲਾਂ ਤੱਕ ਕਰਾਉਂਦੇ ਨੇ,
ਦਾਨ ਚੜਾ ਨਾ ਹੱਥ ਵਢਾਉ ਲੋਕੋ ਉਏ।

ਸੇਵਾ ਦੇ ਨਾਮ ਉਹਲੇ ਪਾਪ ਲੁਕਾਵੇ ਜੋ,
ਰੰਗੀਲਪੁਰੇ `ਚ ਫੜ੍ਹ ਕੇ ਢਾਉ ਲੋਕੋ ਉਏ।

Gurpreet Rangilpur1

 

 

 

 

 

 

 

ਗੁਰਪ੍ਰੀਤ ਸਿੰਘ ਰੰਗੀਲਪੁਰ
ਗੁਰਦਾਸਪੁਰ – ਮੋ. 9855207071

Check Also

ਖ਼ਾਲਸਾ ਕਾਲਜ ਫ਼ਿਜ਼ੀਕਲ ਦੇ ਵਿਦਿਆਰਥੀਆਂ ਨੇ ਅੰਤਰ ’ਵਰਸਿਟੀ ਮੁਕਾਬਲੇ ’ਚ ਕਾਂਸੇ ਦੇ ਤਮਗੇ ਜਿੱਤੇ

ਅੰਮ੍ਰਿਤਸਰ 28 ਮਾਰਚ (ਸੁਖਬੀਰ ਸਿੰਘ ਖੁਰਮਣੀਆਂ) – ਸਥਾਨਕ ਖ਼ਾਲਸਾ ਕਾਲਜ ਆਫ਼ ਫ਼ਿਜੀਕਲ ਐਜ਼ੂਕੇਸ਼ਨ ਦੇ ਵਿਦਿਆਰਥੀਆਂ …

Leave a Reply