ਸ਼ਰਧਾ ਅੰਨ੍ਹੀ ਨਾ ਵਿਖਾਉ ਲੋਕੋ ਉਏ।
ਬਾਬਾ ਜੀ ਨਾ ਰੱਬ ਬਣਾਉ ਲੋਕੋ ਉਏ ।
ਟੱਬਰ ਹੱਡ ਤੁੜਾਵੇ ਫਿਰ ਵੀ ਭੁੱਖੇ ਓ,
ਵਿਹਲੜਾਂ ਨੂੰ ਨਾ ਐਸ਼ ਕਰਾਉ ਲੋਕੋ ਉਏ।
ਕਹਿ ਪ੍ਰਸ਼ਾਦ ਹੀ ਹਰ ਸ਼ੈਅ ਵੇਚੀ ਜਾਂਦੇ ਨੇ,
ਇਨ੍ਹਾਂ ਦਾ ਨਾ ਵਪਾਰ ਵਧਾਉ ਲੋਕੋ ਉਏ।
ਰਾਜੇ ਵਾਂਗੂੰ ਹੀ ਦਰਬਾਰ ਲਗਾਉਂਦੇ ਨੇ,
ਮਨ ਨੂੰ ਨਾ ਗੁਲਾਮ ਬਣਾਉ ਲੋਕੋ ਉਏ।
ਬਾਬਾ ਜੀ ਦੇ ਕਹਿਣ `ਤੇ ਨੇਤਾ ਚੁਣਿਉ ਨਾ,
ਵੋਟ ਵੀ ਸੋਚ-ਸਮਝ ਕੇ ਪਾਉ ਲੋਕੋ ਉਏ।
ਪੱਤਾਂ ਲੁੱਟਦੇ, ਕਤਲਾਂ ਤੱਕ ਕਰਾਉਂਦੇ ਨੇ,
ਦਾਨ ਚੜਾ ਨਾ ਹੱਥ ਵਢਾਉ ਲੋਕੋ ਉਏ।
ਸੇਵਾ ਦੇ ਨਾਮ ਉਹਲੇ ਪਾਪ ਲੁਕਾਵੇ ਜੋ,
ਰੰਗੀਲਪੁਰੇ `ਚ ਫੜ੍ਹ ਕੇ ਢਾਉ ਲੋਕੋ ਉਏ।
ਗੁਰਪ੍ਰੀਤ ਸਿੰਘ ਰੰਗੀਲਪੁਰ
ਗੁਰਦਾਸਪੁਰ – ਮੋ. 9855207071