ਕੈਂਸਰ ਪੀੜਤ ਪਰਿਵਾਰਾਂ ਨੂੰ ਵਿੱਤੀ ਸਹਾਇਤਾ ਵੰਡੀ

ਬਠਿੰਡਾ, 1 ਅਗਸਤ (ਜਸਵਿੰਦਰ ਸਿੰਘ ਜੱਸੀ) – ਸਥਾਨਕ ਸ੍ਰੋਮਣੀ ਅਕਾਲੀ ਦਲ ਦੇ ਐਸ ਜੀ ਪੀ ਸੀ ਮੈਂਬਰ ਅਮਰੀਕ ਸਿੰਘ ਕੋਟਸ਼ਮੀਰ ਦੇ ਉਪਰਾਲੇ ਕਾਰਨ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਲੋਂ ਕੈਂਸਰ ਪ੍ਰੀੜਤਾ ਦੀ ਸਹਾਇਤਾ ਕਰਨ  ਲਈ ਕੈਂਸਰ ਮਰੀਜ਼ ਦੇ ਮਰਨ ਉਪਰੰਤ ਵਿੱਤੀ ਸਹਾਇਤਾ ਦਿੱਤੀ ਗਈ। ਇਸ ਵਿੱਤੀ ਸਹਾਇਤਾ ਵੰਡਣ ਦੀ ਅਗਵਾਈ ਦਿਹਾਤੀ ਐਮ ਐਲ ਏ ਦਰਸ਼ਨ ਸਿੰਘ ਵਲੋਂ ਕੀਤੀ ਗਈ। ਇਸ ਮੌਕੇ ਪੀੜਤ ਪਰਿਵਾਰਾਂ ਦੇ ਮੁਖੀ ਮੇਜਰ ਸਿੰਘ ਦਿਉਣ, ਮੇਜਰ ਸਿੰਘ ਅਕਾਲ ਝਰਾਣੀ, ਬੀਬੀ ਅੰਗਰੇਜ਼ ਕੌਰ ਫੁੱਲੋਮਿੱਠੀ, ਮਨਪ੍ਰੀਤ ਸਿੰਘ ਮੀਆ ਪਿੰਡ ਵਾਲਿਆਂ ਨੂੰ 20-20 ਹਜ਼ਾਰ ਰੁਪਏ ਦੇ ਚੈਂਕ ਵੰਡਣ ਮੌਕੇ ਐਸ ਜੀ ਪੀ ਸੀ ਮੈਂਬਰ ਬੱਲੂਆਣਾ ਅਮਰੀਕ ਸਿੰਘ ਕੋਟਸ਼ਮੀਰ, ਹਰਚਰਨ  ਸਿੰਘ , ਮਲਕੀਤ ਸਿੰਘ ਪੀਟਰ ਬੱਲੂਆਣਾ ਜਿਲ੍ਹਾ ਪ੍ਰੀਸ਼ਦ ਮੈਂਬਰ, ਕੁਲਦੀਪ ਸਿੰਘ ਬੱਲੂਆਣਾ, ਬੱਬ ਪੰਚ ਅਤੇ ਭੋਲਾ ਸਿੰਘ ਦਿਉਣ ਕੌਮੀ ਜਨਰਲ ਸਕੱਤਰ ਅਕਾਲੀ ਦਲ ਬਾਦਲ ਦਿਹਾਤੀ ਵੀ ਹਾਜ਼ਰ ਸਨ।