Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Monday, March 25, 2019
ਤਾਜ਼ੀਆਂ ਖ਼ਬਰਾਂ

ਦੋਗਲਾਪਨ

           ਪੰਜਾਬੀ ਭਾਸ਼ਾ ਨਾਲ ਮੁਹੱਬਤ ਰੱਖਣ ਵਾਲੇ ਬੁਧੀਜੀਵੀਆਂ ਦੀ, ਪੰਜਾਬੀ ਭਾਸ਼ਾ ਦੀ ਦਿਨੋ ਦਿਨ ਹੋ ਰਹੀ ਦੁਰਗਤੀ ਸੰਬੰਧੀ ਟੀਚਰ ਹੋਮ ਵਿੱਚ ਹੋਣ ਵਾਲੀ ਮੀਟਿੰਗ ਵਿੱਚ ਭਾਗ ਲੈਣ ਦਾ ਮੌਕਾ ਮਿਲਿਆ।ਜਿਥੇ ਭਾਗ ਲੈਣ ਵਾਲੇ ਜਿਆਦਾਤਰ ਮੈਂਬਰ ਅਧਿਆਪਕ ਵਰਗ ਨਾਲ ਸੰਬੰਧਿਤ ਸਨ।ਉਥੇ ਇਕ ਅਧਿਆਪਕ ਦੇ ਵਿਚਾਰਾਂ ਤੋਂ ਮੈਂ ਬਹੁਤ ਪ੍ਰਭਾਵਿਤ ਹੋਈ।ਉਹਨਾਂ ਦੇ ਵਿਚਾਰਾਂ ਤੋਂ ਉਹਨਾਂ ਦਾ ਆਪਣੀ ਮਾਂ ਬੋਲੀ ਪ੍ਰਤੀ ਪਿਆਰ ਸਾਫ਼ ਝਲਕ ਰਿਹਾ ਸੀ ਅਤੇ ਮਾਤ ਭਾਸ਼ਾ ਦੀ ਹੋ ਰਹੀ ਅਣਦੇਖੀ ਪ੍ਰਤੀ ਦਰਦ ਵੀ ਮਹਿਸੂਸ ਹੋ ਰਿਹਾ ਸੀ।
            ਕੁੱਝ ਦਿਨਾਂ ਬਾਅਦ ਆਪਣੀ ਇੱਕ ਸਾਥਣ ਅਧਿਆਪਕਾ ਨਾਲ ਉਸ ਅਧਿਆਪਕ ਦੇ ਘਰ ਜਾਣ ਦਾ ਮੌਕਾ ਮਿਲਿਆ।ਉਹ ਬਹੁਤ ਪਿਆਰ ਤੇ ਸਤਿਕਾਰ ਨਾਲ ਮਿਲੇ।ਫਿਰ ਸਾਡੇ ਵਿਚਕਾਰ ਮਾਤ ਭਾਸ਼ਾ ਦੇ ਵਿਸ਼ੇ `ਤੇ ਹੀ ਗੱਲਬਾਤ ਹੋਣ ਲੱਗੀ।ਕੁੱਝ ਸਮੇਂ ਬਾਅਦ ਉਹਨਾਂ ਦੀ ਪੰਜ ਕੁ ਸਾਲ ਦੀ ਬੇਟੀ ਖੇਡਦੀ ਖੇਡਦੀ ਉਹਨਾਂ ਕੋਲ ਆਈ ਤੇ ਕੁੱਝ ਦੱਸਣ ਲੱਗੀ ਜੋ ਸਕੂਲ ਵਿੱਚ ਉਹਨਾਂ ਦੇ ਅਧਿਆਪਕ ਨੇ ਕਿਹਾ ਸੀ।ਮੈਂ ਉਸ ਦੀ ਮਿੱਠੀ ਪੰਜਾਬੀ ਬੋਲੀ ਦੀ ਅਜੇ ਤਾਰੀਫ਼ ਹੀ ਕਰਨ ਲੱਗੀ ਸੀ ਕਿ ਉਸ ਅਧਿਆਪਕ ਨੇ ਆਪਣੀ ਬੇਟੀ ਦੇ ਥੱਪੜ ਮਾਰਦਿਆਂ ਕਿਹਾ ਤੈਨੂੰ ਐਨੀਆਂ ਫੀਸਾਂ ਭਰ ਕੇ ਮਹਿੰਗੇ ਸਕੂਲ `ਚ ਪੜ੍ਹਾ ਰਹੇ ਹਾਂ।ਤੈਨੂੰ ਕਿੰਨੇ ਵਾਰ ਕਿਹਾ ਕਿ ਹਿੰਦੀ ਜਾਂ ਅੰਗਰੇਜ਼ੀ ਵਿੱਚ ਗੱਲ ਕਰਿਆ ਕਰ।
            ਉਸ ਅਧਿਆਪਕ ਦੇ ਅਜਿਹੇ ਦੋਗਲੇਪਨ ਨੂੰ ਦੇਖ ਕੇ ਇਹ ਸਮਝਦਿਆਂ ਦੇਰ ਨਾ ਲੱਗੀ ਕਿ ਸਾਡੀ ਮਾਂ ਬੋਲੀ ਦਾ ਅੱਜ ਇਹ ਹਸ਼ਰ ਕਿਉਂ ਹੈ।

Sukhjit Kaur

 

 

 

 

 

 

ਸੁਖਜੀਤ ਕੌਰ
ਲੈਕਚਰਾਰ ਅਰਥ ਸ਼ਾਸ਼ਤਰ
ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਡੱਬਵਾਲੀ ਢਾਬ
ਸ੍ਰੀ ਮੁਕਤਸਰ ਸਾਹਿਬ।
ਮੋ- 98148-78835

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>