Tuesday, March 19, 2024

ਸੋਟੀਆਂ (ਕਾਵਿ ਵਿਅੰਗ)

ਖਾਂਦੇ ਕੁੱਤੇ ਬਰੈਡ ਬਿਸਕੁੱਟ ਇੱਕ ਪਾਸੇ ਤੱਕੇ
ਕਿਧਰੇ ਮਿਲਣ ਨਾ ਇਨਸਾਨਾਂ ਨੂੰ ਰੋਟੀਆਂ ਜੀ

ਉਥੇ ਪੂਰੀ ਕੰਮ ਦੀ ਨਾ ਕਦੇ ਪੈਂਦੀ
ਹੋ ਜਾਣ ਜਿਥੇ ਨੀਤਾਂ ਸਦਾ ਖੋਟੀਆਂ ਜੀ

ਦੁੱਧ ਦਹੀ ਮੱਖਣ ਮਿਲੇ ਵਿੱਚ ਪੈਕਟਾਂ ਦੇ
ਪਤਾ ਨਹੀ ਕੀ ਨੇ ਮੱਝਾਂ ਝੋਟੀਆਂ ਜੀ

ਅੱਜ ਮੂੰਹ ਸਾਡੇ ਬਹੁਤ ਵੱਡੇ ਖੁੱਲਣ
ਅਕਲਾਂ ਰਹਿ ਗਈਆਂ ਬਹੁਤ ਛੋਟੀਆਂ ਜੀ

ਕੁਰਸੀ ਸਾਂਭਣੇ ਨੂੰ ਹਰ ਕੋਈ ਬਹੁਤ ਕਾਹਲਾ
ਕਰਨ ਸਿਆਸਤ `ਚ ਫਿੱਟ ਗੋਟੀਆਂ ਜੀ

ਗਰੀਬ ਬੱਚੇ ਠੰਢ ਵਿੱਚ ਹਨ ਠਰਦੇ
ਦੇ ਸਕੀ ਨਾ ਸਰਕਾਰ ਹਾਲੇ ਕੋਟੀਆਂ ਜੀ

ਭਿ੍ਸ਼ਟਾਚਾਰ ਜੋ ਸੀ ਖਤਮ ਕਰਨ ਆਏ
ਲੈਣ ਲੱਗ ਪਏ ਰਕਮਾਂ ਓਹੀ ਮੋਟੀਆਂ ਜੀ

ਉਸ ਦੇਸ਼ ਦਾ ਭਵਿੱਖ ਕੀ ਹੋਊ ਬੱਬੀ
ਪੈਣ ਮਾਸਟਰਾਂ ਨੂੰ ਜਿਥੇ ਨਿੱਤ ਸੋਟੀਆਂ ਜੀ
Balbir Babbi

 

 
ਬਲਬੀਰ ਸਿੰਘ ਬੱਬੀ
ਪਿੰਡ ਤੱਖਰਾਂ, ਲੁਧਿਆਣਾ।
ਮੋ – 7009107300

Check Also

ਖ਼ਾਲਸਾ ਕਾਲਜ ਵਿਖੇ ‘ਫੂਡ ਇੰਡਸਟਰੀ ਵਿੱਚ ਈ-ਵੇਸਟ: ਨਤੀਜੇ ਅਤੇ ਨਿਵਾਰਣ’ ਬਾਰੇ ਸੈਮੀਨਾਰ

ਅੰਮ੍ਰਿਤਸਰ, 18 ਮਾਰਚ (ਸੁਖਬੀਰ ਸਿੰਘ ਖੁਰਮਣੀਆਂ) – ਖ਼ਾਲਸਾ ਕਾਲਜ ਦੇ ਫੂਡ ਸਾਇੰਸ ਅਤੇ ਟੈਕਨਾਲੋਜੀ ਵਿਭਾਗ …

Leave a Reply