ਦੁੱਖਾਂ ਦੇ ਮੁਹੱਲੇ ਵਿੱਚ ਰਹਿ ਕੇ ਗਮ ਵੀ ਬਥੇਰੇ ਆਉਣਗੇ
ਖੁਸ਼ੀਆਂ ਦੇ ਸ਼ਹਿਰ ਜਾਂਦੇ ਰਾਹਾਂ `ਚ ਲੋਕ ਕੰਡੇ ਵੀ ਵਿਛਾਉਣਗੇ।
ਦਿਲ ਵਿੱਚ ਹੌਸਲਾ ਤੇ ਰੱਬ ਉਤੇ ਪੂਰੀ ਆਸ ਰੱਖੀਂ
ਆਪਣੀਆਂ ਕੀਤੀਆਂ ਮਿਹਨਤਾਂ `ਤੇ ਤੂੰ ਵਿਸ਼ਵਾਸ ਰੱਖੀਂ।
ਕੰਮ ਕੋਈ ਵੀ ਨਾ ਮਾੜਾ, ਛੱਡਣਾ ਅਧੂਰਾ ਏ।
ਧੀਏ ਮਾਪਿਆਂ ਦਾ ਸੁਪਨਾ ਕਰਨਾ ਤੂੰ ਪੂਰਾ ਏ।
ਲੈ ਰੱਬ ਦਾ ਓਟ ਆਸਰਾ ਤੂੰ ਮੰਜ਼ਿਲਾਂ ਨੂੰ ਸਰ ਕਰੀਂ
ਪਰ ਇੱਕ ਗੱਲ ਯਾਦ ਰੱਖੀਂ ਕਦੇ ਚਿੱਕੜ `ਚ ਨਾ ਪੈਰ ਧਰੀਂ।
ਮਾਪਿਆਂ ਨੂੰ ਔਲਾਦ ਤੋਂ `ਬਲਤੇਜ ਸੰਧੂ` ਬੜੀ ਹੁੰਦੀ ਆਸ ਏ,
ਏਸੇ ਲਈ ਬੱਚਿਆਂ ਦੀ ਖੁਸ਼ੀ ਮਾਂ-ਬਾਪ ਲਈ ਹੁੰਦੀ ਖਾਸ ਆ।
ਹੋਣ ਚੱਟਾਨ ਜਿਹੇ ਹੌਸਲੇ ਜਿਨ੍ਹਾ ਦੇ ਨਾ ਉਹ ਮਨ ਨੂੰ ਡੁਲਾਉਂਦੇ ਨੇ
ਮਿਹਨਤੀ ਜੋ ਹੋਣ ਉਹੀ ਲੋਕ ਹਨੇਰੇ `ਚ ਵਾਂਗ ਜੁਗਨੂੰ ਜਗਮਗਾਉਂਦੇ ਨੇ।
ਬਲਤੇਜ ਸੰਧੂ
ਬੁਰਜ ਲੱਧਾ, ਬਠਿੰਡਾ।
ਮੋ – 9592708633