Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Friday, March 22, 2019
ਤਾਜ਼ੀਆਂ ਖ਼ਬਰਾਂ

ਬਿਗਲ ਚੋਣਾਂ ਦਾ…

ਨੇਤਾ ਮੀਡੀਏ ਦੇ ਵਿੱਚ ਗੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।

ਹੈ ਉਹਨੂੰ ਯਾਦ ਲੋਕਾਂ ਦੀ ਆਈ,
ਮਸਲੇ ਲੱਗ ਪਏ ਦੇਣ ਦਿਖਾਈ,
ਫਿਰਦਾ ਘਰ-ਘਰ ਦੇ ਵਿੱਚ ਭੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।…

ਆਖੇ ਵਾਰਦੂੰ ਕਤਰਾ-ਕਤਰਾ,
ਰੌਲਾ ਪਾਈ ਜਾਏ ਦੇਸ਼ ਨੂੰ ਖਤਰਾ,
ਚੋਹਲਾ ਦੇਸ਼ ਪਿਆਰ ਦਾ ਸੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।…

ਭਾਈ ਨੂੰ ਭਾਈ ਦੇ ਨਾਲ ਲੜਾਇਆ,
ਦਹਿਸ਼ਤ ਦਾ ਹੈ ਮਾਹੌਲ ਬਣਾਇਆ,
ਕਰਾਏ ਦੰਗੇ ਨਾ ਕਦੇ ਲੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।…

ਦੇਸ਼ ਦੇ ਕਿਰਤੀ ਅਤੇ ਕਿਸਾਨ,
ਇਕਦਮ ਬਣ ਗਏ ਬਹੁਤ ਮਹਾਨ,
ਬੇਰੁਜ਼ਗਾਰਾਂ ਨੂੰ ਦਿੱਤੀ ਤਵੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।…

ਬਾਹਲੇ ਹੀ ਸਬਜ਼-ਬਾਗ਼ ਵਿਖਾਏ,
ਐਪਰ ਹੁਣ ਨਾ ਗੱਲਾਂ `ਚ ਆਏ,
ਕੂੜ ਨਾਲ ਸੱਚ ਨਾ ਜਾਏ ਕੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।”

ਤਾਜ਼ ਕਿਸੇ ਕਿਰਤੀ ਦੇ ਸਿਰ ਧਰੀਏ,
ਖਾਬ ਅਸੀਂ ਸ਼ਹੀਦਾਂ ਦੇ ਪੂਰੇ ਕਰੀਏ,
ਫਿਰ ਹਰ ਭੁੱਖਾ ਢਿੱਡ ਹੋਊ ਰੱਜਿਆ ।
ਲਗਦਾ ਬਿਗ਼ਲ ਚੋਣਾਂ ਦਾ ਵੱਜਿਆ ।…
Gurpreet-Rangilpur1

 

ਗੁਰਪ੍ਰੀਤ ਸਿੰਘ ਰੰਗੀਲਪੁਰ
ਗੁਰਦਾਸਪੁਰ।
ਮੋ – 98552 07071

Leave a Reply

Your email address will not be published. Required fields are marked *

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>