ਪਾਲੇ ਕਾ ਮਘਰ ਹਰ ਰਾਜਨੀਤਿਕ ਪਾਰਟੀ ਦੀ ਰੈਲੀ ਤੇ ਸਭ ਤੋਂ ਪਹਿਲਾਂ ਤਿਆਰ ਹੁੰਦਾ ਤੇ ਕਿਸਾਨ ਯੂਨੀਅਨ ਦੇ ਧਰਨੇ ਵਾਲੇ ਦਿਨ ਮੱਘਰ ਨੂੰ ਘਰ ਕੰਮ ਪੱਕਾ ਹੁੰਦਾ।
ਪਿੱਛੇ ਜੇ ਇਕ ਸਿਆਸੀ ਰੈਲੀ ‘ਚ ਮੈਂ ਵੀ ਮੱਘਰ ਨੂੰ ਕਿਹਾ ਮਖਿਆਂ ਬਾਈ ਸਵੇਰੇ ਰੈਲੀ ‘ਤੇ ਜਾਣਾ ਆਪਾਂ, ਤਿਆਰ ਰਹੀ।
ਮੱਘਰ ਕਹਿੰਦਾ ਮੈਂਬਰਾਂ ਆਪਾਂ ਨਹੀ ਹੁਣ ਬਾਈ ਰੈਲੀ ਤੇ ਜਾਂਦੇ, ਆਪਾਂ ਹੁਣ ਕਿਸੇ ਨਾਲ ਵੀ ਨਹੀਂ ਜਾਂਦੇ, ਇਹ ਤਾਂ ਘਾਟੇ ਦਾ ਸੌਦਾ।
ਮੈਂ ਹੈਰਾਨ ਵੀ ਰੈਲੀ ‘ਤੇ ਜਾਣਾ, ਸੌਦਾ ਵਾਲੀ ਤਾਂ ਕੋਈ ਗੱਲ ਨਹੀਂ।
ਮੱਘਰ ਕਹਿੰਦਾ ਭਾਈ ਰੈਲੀਆਂ ‘ਤੇ ਬਟੂਏ ਬਹੁਤ ਚੋਰੀ ਹੁੰਦੇ ਆ।ਇਕ ਰੈਲੀ ‘ਤੇ ਮੇਰਾ ਬਟੂਆ ਚੋਰੀ ਹੋ ਗਿਆ।1200 ਸੋ ਕੱਢ ਕੇ ਚੋਰ ਮੇਰਾ ਬਟੂਆ ਸਟੇਜ਼ ‘ਤੇ ਫੜਾ ਗਿਆ।ਭਲਾਂ ਮੈਂਬਰਾ ਤੁੰ ਦੱਸ ਹਰਿਆਣੇ ਆਲੀ 120 ਦੀ ਬੋਤਲ ਪਿੱਛੇ ਨਾਲੇ ਤਾਂ ਬੰਦਾ ਆਪਣਾ ਕੰਮ ਛੱਡੇ, ਨਾਲੇ ਬਟੂਏ ਚੋਰੀ ਕਰਾਏ।
ਫਿਰ ਇਹ ਸੌਦਾ ਘਾਟੇ ਦਾ ਤਾਂ ਹੈ ਹੀ ਨਾ।
ਮੱਖਣ ਸਿੰਘ ਸ਼ਾਹਪੁਰ
ਸੰਗਰੂਰ।
ਮੋ – 99156 38411