Friday, March 29, 2024

ਥਾਈਲੈਂਡ ਵਿਖੇ ਏਸ਼ੀਅਨ ਕਿੱਕ ਬਾਕਸਿੰਗ ਇੰਟਰਨੈਸ਼ਨਲ ਚੈਂਪੀਅਨਸ਼ਿਪ ‘ਚ ਰਵਿੰਦਰ ਸਿੰਘ ਅੱਵਲ

ਸੰਗਰੂਰ, 22 ਦਸੰਬਰ (ਜਗਸੀਰ ਲੌਂਗੋਵਾਲ) – ਪਿਛਲੇ ਦਿਨੀਂ ਥਾਈਲੈਂਡ ਵਿਖੇ ਏਸ਼ੀਅਨ ਕਿੱਕ ਬਾਕਸਿੰਗ ਇੰਟਰਨੈਸ਼ਨਲ ਚੈਂਪੀਅਨਸ਼ਿਪ ਕਰਵਾਈ ਗਈ।ਜਿਸ ਵਿੱਚ ਭਾਰਤ ਦੀ ਅਗਵਾਈ ਪੰਜਾਬ ਦੇ ਜਿਲ੍ਹਾ ਸੰਗਰੂਰ ਦੇ ਪਿੰਡ ਮਹਿਲਾ ਵਾਸੀ ਕਿਕ ਬਾਕਸਰ ਰਵਿੰਦਰ ਸਿੰਘ ਪੁੱਤਰ ਐਕਸ ਸੂਬੇਦਾਰ ਹਮੀਰ ਸਿੰਘ ਨੇ 81 ਕਿਲੋ ਭਾਰ ਵਿੱਚ ਹਿੱਸਾ ਲਿਆ।ਚੈਂਪੀਅਨਸ਼ਿਪ ਵਿੱਚ 20 ਦੇਸ਼ ਸ਼ਾਮਲ ਹੋਏ।ਰਵਿੰਦਰ ਸਿੰਘ ਨੇ 81 ਕਿਲੋ ਭਾਰ ਵਰਗ ਵਿੱਚ ਬਰੋਂਨਜ਼ ਮੈਡਲ ਹਾਸਲ ਕਰਕੇ ਪੂਰੇ ਭਾਰਤ ਵਿੱਚ ਪੰਜਾਬ, ਜਿਲ੍ਹਾ ਸੰਗਰੂਰ, ਆਪਣੇ ਪਿੰਡ ਮਹਿਲਾ ਅਤੇ ਮਾਂ-ਬਾਪ ਦਾ ਨਾਂ ਰੌਸ਼ਨ ਕੀਤਾ।ਰਵਿੰਦਰ ਸਿੰਘ ਨੇ ਪ੍ਰੀ ਕਵਾਟਰ ਫਾਈਨਲ ਵਿੱਚ ਪਾਕਿਸਤਾਨ ਨੂੰ ਹਰਾ ਕੇ ਸੈਮੀ ਫਾਈਨਲ ਵਿੱਚ ਉਜ਼ਬੇਕਿਸਤਾਨ ਨੂੰ ਫਾਈਟ ਦਿੱਤੀ ਅਤੇ 3-2 ਦੀ ਸਕੋਰਿੰਗ ਨਾਲ ਹਾਰ ਦੇ ਬਾਵਜ਼ੂਦ ਮੈਡਲ ਹਾਸਲ ਕਰਕੇ ਆਪਣੇ ਦੇਸ਼ ਦਾ ਨਾਂ ਥਾਈਲੈਂਡ ਵਿਖੇ ਵੀ ਰੌਸ਼ਨ ਕੀਤਾ।ਸਮਾਜ ਸੇਵਕ ਹਰਵਿੰਦਰ ਰਿਸ਼ੀ ਸਤੌਜ ਤੇ ਗੁਰਸੇਵਕ ਸਿੰਘ ਬਿਗੜਵਾਲ ਨੇ ਰਵਿੰਦਰ ਸਿੰਘ ਤੇ ਉਸ ਦੇ ਪਰਿਵਾਰਕ ਮੈਬਰਾਂ ਨੂੰ ਮੁਬਾਰਕਾਂ ਦਿੱਤੀਆਂ।ਉਨਾਂ ਕਿਹਾ ਕਿ ਇਸ ਤੋਂ ਪਹਿਲਾਂ ਵੀ ਰਵਿੰਦਰ ਸਿੰਘ ਭਾਰਤ ਲਈ ਲਈ ਮੈਡਲ ਲਿਆ ਚੁੱਕਾ ਹੈ।

Check Also

ਖ਼ਾਲਸਾ ਕਾਲਜ ਫ਼ਿਜ਼ੀਕਲ ਦੇ ਵਿਦਿਆਰਥੀਆਂ ਨੇ ਅੰਤਰ ’ਵਰਸਿਟੀ ਮੁਕਾਬਲੇ ’ਚ ਕਾਂਸੇ ਦੇ ਤਮਗੇ ਜਿੱਤੇ

ਅੰਮ੍ਰਿਤਸਰ 28 ਮਾਰਚ (ਸੁਖਬੀਰ ਸਿੰਘ ਖੁਰਮਣੀਆਂ) – ਸਥਾਨਕ ਖ਼ਾਲਸਾ ਕਾਲਜ ਆਫ਼ ਫ਼ਿਜੀਕਲ ਐਜ਼ੂਕੇਸ਼ਨ ਦੇ ਵਿਦਿਆਰਥੀਆਂ …