Friday, March 29, 2024

ਪੰਜਾਬ ਦੇ 6 ਨਗਰ ਨਿਗਮਾਂ ਦੇ ਪਾਰਟੀ ਅਨੁਸਾਰ ਨਤੀਜੇ

ਅੰਮ੍ਰਿਤਸਰ, 27 ਫਰਵਰੀ (ਸੁਖਬੀਰ ਸਿੰਘ) – ਪੰਜਾਬ ਵਿੱਚ 6 ਨਗਰ ਨਿਗਮਾਂ ਦੀ ਹੋਈ ਚੋਣ ਵਿੱਚ ਅਕਾਲੀ-ਭਾਜਪਾ ਗਠਜੋੜ ਨੇ ਬਾਜ਼ੀ ਮਾਰੀ ਹੈ।ਇੰਨਾਂ ਚੋਣਾਂ ਵਿੱਚ ਵੱਡੀ ਗਿਣਤੀ ‘ਚ ਅਜ਼ਾਦ ਉਮੀਦਵਾਰਾਂ ਨੇ ਵੀ ਵੱਡੀ ਜਿੱਤ ਹਾਸਲ ਕੀਤੀ ਹੈ, ਜਿੰਨਾਂ ਵਿੱਚ ਕਈ ਅਕਾਲੀ ਦਲ ਤੇ ਭਾਜਪਾ ਪਾਰਟੀਆਂ ਤੋਂ ਬਾਗੀ ਹੋਏ ਉਮੀਦਵਾਰ ਵੀ ਦੱਸੇ ਜਾਂਦੇ ਹਨ।ਪਾਰਟੀ ਅਨੁਸਾਰ ਨਤੀਜੇ ਇਸ ਪ੍ਰਕਾਰ ਹਨ। ਪਠਾਨਕੋਟ ਦੀਆਂ ਕੁੱਲ 49 ਸੀਟਾਂ ਵਿਚੋਂ ਭਾਜਪਾ ਨੇ 29, ਕਾਂਗਰਸ ਨੇ 11 ਅਤੇ ਅਜ਼ਾਦ ਉਮੀਦਵਾਰਾਂ ਨੇ 9 ਸੀਟਾਂ ਜਿੱਤੀਆਂ ਹਨ, ਇਥੋਂ ਅਕਾਲੀ ਦਲ ਨੂੰ ਇੱਕ ਵੀ ਸੀਟ ਹਾਸਲ ਨਹੀਂ ਕਰ ਸਕਿਆ। ਫਗਵਾੜਾ ਦੀਆਂ 50 ਸੀਟਾਂ ਵਿਚੋਂ ਅਕਾਲੀ ਦਲ ਨੂੰ 9, ਭਾਜਪਾ ਨੂੰ 16 ਕਾਂਗਰਸ ਨੂੰ 14, ਬਸਪਾ ਨੂੰ 2 ਅਤੇ ਅਜਾਦ ਉਮੀਦਵਾਰਾਂ ਨੂੰ 9 ਸੀਟਾਂ ਮਿਲੀਆਂ ਹਨ। ਮੋਗਾ ਦੀਆਂ 50 ਸੀਟਾਂ ਵਿਚੋਂ ਅਕਾਲੀ ਦਲ 24, ਭਾਜਪਾ 8, ਕਾਂਗਰਸ 1 ਅਤੇ 17 ਅਜਾਦ ਕਾਮਯਾਬ ਹੋਏ ਹਨ। ਮੁਹਾਲੀ ਦੀਆਂ 49 ਸੀਟਾਂ ਵਿਚੋਂ ਅਕਾਲੀ 16, ਭਾਜਪਾ 7, ਕਾਂਗਰਸ 14 ਅਤੇ ਅਜਾਦ 12 ਸੀਟਾਂ ਤੇ ਕਾਮਯਾਬ ਹੋਏ ਹਨ। ਹੁਸ਼ਿਆਰਪੁਰ ਦੀਆਂ 50 ਸੀਟਾਂ ਵਿਚੋਂ ਅਕਾਲੀ ਦਲ 10, ਭਾਜਪਾ 17, ਕਾਂਗਰਸ 17 ਅਤੇ ਅਜਾਦ 6 ਸੀਟਾਂ ਤੇ ਸਫਲ ਹੋਏ ਹਨ। ਬਠਿੰਡਾ ਦੀਆ 50 ਸੀਟਾਂ ਵਿਚੋਂ ਅਕਾਲੀ ਦਲ 21, ਭਾਜਪਾ 8, ਕਾਂਗਰਸ 10 ਅਤੇ 11 ਅਜਾਦ ਉਮੀਦਵਾਰ ਕਾਮਯਾਬ ਰਹੇ।
ਇਸੇ ਤਰਾਂ ਪਟਿਆਲਾ ਨਗਰ ਨਿਗਮ ਦੀਆਂ ਜੋ 2 ਸੀਟਾਂ ਦੀ ਚੋਣ ਹੋਈ ਸੀ, ਉਹ ਦੋਨੋ ਅਕਾਲੀ ਦਲ ਦੀ ਝੋਲੀ ਪਈਆਂ ਹਨ, ਜਦਕਿ ਜਲੰਧਰ ਦੀ ਜਿਮਨੀ ਚੋਣ ਕਾਂਗਰਸ ਪਾਰਟੀ ਦੇ ਖਾਤੇ ਵਿੱਚ ਗਈ ਹੈ।

Check Also

ਖ਼ਾਲਸਾ ਕਾਲਜ ਫ਼ਿਜ਼ੀਕਲ ਦੇ ਵਿਦਿਆਰਥੀਆਂ ਨੇ ਅੰਤਰ ’ਵਰਸਿਟੀ ਮੁਕਾਬਲੇ ’ਚ ਕਾਂਸੇ ਦੇ ਤਮਗੇ ਜਿੱਤੇ

ਅੰਮ੍ਰਿਤਸਰ 28 ਮਾਰਚ (ਸੁਖਬੀਰ ਸਿੰਘ ਖੁਰਮਣੀਆਂ) – ਸਥਾਨਕ ਖ਼ਾਲਸਾ ਕਾਲਜ ਆਫ਼ ਫ਼ਿਜੀਕਲ ਐਜ਼ੂਕੇਸ਼ਨ ਦੇ ਵਿਦਿਆਰਥੀਆਂ …

Leave a Reply