ਵਿਆਹ ਮਗਰੋਂ ਆਪਣੀ ਮਾਂ ਨਾਲੋਂ ਟੁੱਟ ਗਈ,
ਭਰਾਵਾਂ ਦੇ ਰੱਖੜੀ ਬੰਨਣੀ ਛੁੱਟ ਗਈ।
ਘਰ ਦੇ ਰਸਤੇ ਡੰਡੀਆਂ ਬਣ ਗਏ,
ਬਚਪਨ ਵਾਲੇ ਰਾਹਾਂ ਤੋਂ ਟੁੱਟ ਗਈ।
ਮਾਂ ਬਣਨ ਦੇ ਪਿੱਛੋਂ, ਗਮਾਂ ਦੇ ਵਹਿਣਾ ਦੇ ਵਿਚ ਵਹਿ ਗਈ,
ਕੁੱਝ ਧੀਆਂ ਨਾਲੇ ਲੈ ਗਈਆਂ, ਕੁੱਝ ਪੁੱਤਰਾਂ ਕੋਲ ਰਹਿ ਗਈ।
ਕੁੱਝ ਵੀਰਾਂ ਮਾਂ ਬਾਪ ਚਾਚਿਆਂ ਤੇ ਤਾਇਆਂ ਲਈ,
ਬਾਕੀ ਰਹਿੰਦਾ ਹਿੱਸਾ ਪਤੀ ਦੇ ਹਿੱਸੇ ਆਇਆ ਵੀ।
ਪਤੀ ਹੈ ਕਿਤੇ, ਧੀ ਭੈਣ ਬਾਪ ਹੈ,
ਬਾਕੀ ਜੇ ਕੁੱਝ ਰਹਿ ਗਿਆ ਉਹ ਮਾਂ ਆਪ ਹੈ।
ਕੁੱਝ ਕਾਮ ਹੈ, ਕ੍ਰੋਧ ਹੈ, ਸੰਤਾਪ ਹੈ,
ਸਾਰਾ ਹੀ ਉਹ ਪੁੰਨ, ਬਾਕੀ ਜੇ ਕੁੱਝ ਬਚਦਾ ਉਹ ਪਾਪ ਹੈ।
ਸਭ ਦਾ ਖ਼ਿਆਲ ਰੱਖਦੀ ਉਹ ਰਸੋਈ ਦੇ ਵਿਚ ਰਹਿ ਗਈ,
ਬਾਕੀ ਜੋ ਕੁੱਝ ਬਚ ਗਿਆ ਜਾ ਬਿਸਤਰ ਦੇ ਵਿਚ ਪੈ ਗਈ।
ਸਭ ਦੇ ਸੁਪਨੇ ਵੱਡੇ ਹੋ ਗਏ ਦਿਲ ਛੋਟੇ ਛੋਟੇ ਰਹਿ ਗਏ,
ਸਭਨਾਂ ਦੇ ਰਿਸ਼ਤਿਆਂ ਦੇ ਵਿਚ ਵੰਡਿਆ,
ਵੰਡਣ ਮਗਰੋਂ ਸਭਨਾਂ ਨੇ ਆਪਣੇ ਹਿੱਸੇ ਆਪਣੇ ਹਿੱਸੇ ਦਾ ਭੰਡਿਆ।
ਥੋੜ੍ਹੇ ਹੀ ਰਹਿ ਗਏ ਦੁੱਖ ਨੇ, ਥੋੜ੍ਹੇ ਹੀ ਬਚੇ ਮਨੁੱਖ ਨੇ,
ਰਿਸ਼ਤਿਆਂ ਦਾ ਸੇਕ ਲੈ ਕੇ ਸਭਨਾਂ ਨੇ ਹੈ ਛੱਡਿਆ,
ਮਾਂ ਜਿਹਾ ਛਾਂ ਦਾਰ ਰੁੱਖ ਹੈ ਭੱਟ ਜਿਸ ਨੇ ਕਿਸੇ ਨੂੰ ਨਾ ਛੱਡਿਆ।
ਹਰਮਿੰਦਰ ਸਿੰਘ ਭੱਟ
ਬਿਸਨਗੜ੍ਹ (ਬਈਏਵਾਲ)
ਸੰਗਰੂਰ 9914062205