ਹੋਲਾ ਮਹੱਲਾ ਜਾਣ ਲਈ 24 ਵੀਂ ਪੈਦਲ ਯਾਤਰਾ ਸ਼ੁਰੂ

ਜੰਡਿਆਲਾ ਗੁਰੂ, 5 ਮਾਰਚ (ਪੰਜਾਬ ਪੋਸਟ – ਹਰਿੰਦਰਪਾਲ ਸਿੰਘ) – ਸ੍ਰੀ ਗੁਰੂ ਅਰਜਨ ਦੇਵ ਜੀ ਸੇਵਕ ਜਥਾ ਵੱਲੋ ਇੱਥੋਂ ਥੋੜੀ ਦੂਰ ਪਿੰਡ ਝੀਤਾ ਕਲਾ ਤੋਂ ਸ੍ਰੀ ਅਨੰਦਪੁਰ ਸਾਹਿਬ ਜਾਣ ਲਈ 24ਵੀਂ ਪੈਦਲ ਯਾਤਰਾ ਅੱਜ ਸ਼ੁਰੂ ਹੋਈ।ਪਿੰਡ ਦੇ ਸਰਪੰਚ ਤੇ ਚੌਂਕੀ ਸਾਹਿਬ ਦੇ ਸੇਵਾਦਾਰ ਕਾਬਲ ਸਿੰਘ, ਪ੍ਰਧਾਨ ਕੇਵਲ ਸਿੰਘ, ਬਾਬਾ ਕਾਲਾ ਸਿੰਘ, ਹਰਦੀਪ ਸਿੰਘ, ਟਹਿਲ ਸਿੰਘ, ਕੁਲਵਿੰਦਰਪਾਲ ਸਿੰਘ, ਪਰਮਜੀਤ ਸਿੰਘ, ਹਰਪਾਲ ਸਿੰਘ, ਮੱਸਾ ਸਿੰਘ ਆਦਿ ਨੇ ਦੱਸਿਆ ਕਿ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਅਪਾਰ ਬਖਸ਼ਿਸ਼ ਦੁਆਰਾ ਚੌਕੀ ਸਾਹਿਬ ਦੇ ਰੂਪ ਵਿੱਚ ਸਮੂਹ ਸਾਧ ਸੰਗਤ ਪਿੰਡ ਝੀਤਾ ਕਲਾਂ ਅਤੇ ਰਾਮਪੁਰਾ ਇਕੱਤਰ ਹੋ ਕੇ ਸਵੇਰੇ 5 ਵਜੇ ਝੀਤਾ ਕਲਾਂ ਗੁਰਦੁਆਰਾ ਬਾਬਾ ਭਾਈ ਜਵਾਹਰ ਸਿੰਘ ਤੋਂ ਯਾਤਰਾ ‘ਤੇ ਰਵਾਨਾ ਹੋਏ। ਇਹ ਯਾਤਰਾ ਅਲੱਗ-ਅਲੱਗ ਸਥਾਨਾਂ ‘ਤੇ ਰਾਤ ਵਿਸ਼ਰਾਮ ਕਰਕੇ 8 ਮਾਰਚ ਨੂੰ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਸ੍ਰੀ ਅਨੰਦਪਾਰ ਸਾਹਿਬ ਵਿਖੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕਰੇਗੀ।ਉਨ੍ਹਾਂ ਕਿ ਯਾਤਰਾ ਵਿਚ ਬਜ਼ੁਰਗ ਤੇ ਬੱਚਿਆਂ ਦੀ ਸੇਵਾ ਲਈ ਟਰਾਲੀਆਂ ਦਾ ਵਿਸ਼ੇਸ਼ ਪ੍ਰਬੰਧ ਕੀਤਾ ਗਿਆ ਹੈ ਜਿਸ ਦੀ ਸੇਵਾਦਾਰ ਅਮਰ ਸਿੰਘ, ਲੱਖਾ ਸਿੰਘ ਦੋਧੀ, ਲਖਬੀਰ ਸਿੰਘ ਸੰਭਾਲਣਗੇ।ਉਨ੍ਹਾਂ ਸੰਗਤ ਨੂੰ ਅਪੀਲ ਕੀਤੀ ਕਿ ਕੋਈ ਵੀ ਵਿਅਕਤੀ ਕਿਸੇ ਵੀ ਪ੍ਰਕਾਰ ਦੇ ਨਸ਼ੇ ਦਾ ਸੇਵਨ ਨਾ ਕਰੇ।