ਮਿਹਨਤ ਮਜ਼ਦੂਰੀ ਕਰਨ ਵਾਲੇ ਗਰੀਬਾਂ ਤੇ ਲੋੜਵੰਦਾਂ ਨੂੰ ਵੰਡਿਆ ਰਾਸ਼ਨ

ਅੰਮ੍ਰਿਤਸਰ, 8 ਅਪ੍ਰੈਲ (ਪੰਜਾਬ ਪੋਸਟ – ਸੁਖਬੀਰ ਸਿੰਘ) – ਕਰੋਨਾ ਵਾਇਰਸ ਕਾਰਨ ਦਿਹਾੜੀ ਲਗਾ ਕੇ ਘਰ ਦਾ ਚੁੱਲ੍ਹਾ ਚੌਂਕਾ ਚਲਾਉਣ ਵਾਲੇ ਗਰੀਬ ਤੇ ਲੋੜਵੰਦਾਂ ਦੀ ਸਹਾਇਤਾ ਲਈ ਕਈ ਸਮਾਜ ਸੇਵੀ ਸੰਸਥਾਵਾਂ ਅੱਗੇ ਆਈਆਂ ਹਨ।ਵਾਰਡ ਨੰਬਰ 57 ਅਤੇ ਵਾਰਡ ਨੰ: 59 ਦੀ ਗਲੀ ਮਸਜਿਦ ਵਾਲੀ, ਗਲੀ ਟੋਕੇ ਵਾਲੀ, ਗਲੀ ਡੇਅਰੀ ਵਾਲੀ, ਢਪਈ ਰੋਡ ਦੇ ਲਗਭਗ 100 ਘਰਾਂ ਵਿੱਚ ਪੰਜਾਬ ਮੀਡੀਅਮ ਰਿੰਡਸਟਰੀ ਡਿਵੈਲਪਮੈਂਟ ਬੋਰਡ ਦੇ ਸੀਨੀਅਰ ਵਾਇਸ ਚੇਅਰਮੈਨ ਪਰਮਜੀਤ ਸਿੰਘ ਬੱਤਰਾ, ਅਸ਼ੋਕ ਭਗਤ, ਅਸ਼ੋਕ ਸਾਈਂ, ਜੋਤੀ ਪ੍ਰਕਾਸ਼, ਟਿੰਕੂ, ਗਗਨਦੀਪ ਸਿੰਘ ਦੇ ਸਹਿਯੋਗ ਨਾਲ ਆਟਾ, ਦੁੱਧ, ਚਾਵਲ ਅਤੇ ਦਾਲਾਂ ਆਦਿ ਵੰਡੀਆਂ ਗਈਆਂ।