ਸਥਾਪਨਾ ਦਿਵਸ ਮੌਕੇ ਸਾਈ ਦੀ ਮੂਰਤੀ ਨੂੰ ਕਰਵਾਇਆ ਇਸ਼ਨਾਨ

ਕੋਰੋਨਾ ਮਹਾਂਮਾਰੀ ਦੇ ਚਲਦਿਆਂ ਸਰਬੱਤ ਦੇ ਭਲੇ ਦੀ ਕੀਤੀ ਕਾਮਨਾ
ਧੂਰੀ, 8 ਜੂਨ (ਪੰਜਾਬ ਪੋਸਟ – ਪ੍ਰਵੀਨ ਗਰਗ) – ਬੀਤੇ ਦਿਨੀਂ ਸ਼੍ਰੀ ਸਿਰਡੀ ਸਾਈ ਸੇਵਾ ਪਰਿਵਾਰ ਸੋਸਾਇਟੀ ਧੂਰੀ ਵੱਲੋਂ ਦੋਹਲਾ ਰੋਡ ਤੇ ਸਥਿਤ ਸ਼੍ਰੀ ਸਾਈ ਮੰਦਰ

ਵਿਖੇ ਮੂਰਤੀ ਸਥਾਪਨਾ ਦਿਵਸ ਮੌਕੇ ਕਰਵਾਏ ਇੱਕ ਪ੍ਰੋਗਰਾਮ ਦੌਰਾਨ ਭਗਵਾਨ ਸਾਂਈ ਦੀ ਪ੍ਰਤੀਮਾ ਨੂੰ ਦੁੱਧ, ਜਲ ਆਦਿ ਨਾਲ ਇਸ਼ਨਾਨ ਕਰਵਾਇਆ ਗਿਆ।ਇਨੀਂ ਦਿਨੀਂ ਕੋਰੋਨਾ ਮਹਾਂਮਾਰੀ ਦੇ ਚੱਲਦਿਆਂ ਪਾਠ ਕਰਵਾ ਕੇ ਸਰਬੱਤ ਦੇ ਭਲੇ ਦੀ ਕਾਮਨਾ ਕੀਤੀ ਗਈ।ਸੰਸਥਾ ਦੇ ਪ੍ਰਧਾਨ ਅਸ਼ਵਨੀ ਧੀਰ ਨੇ ਦੱਸਿਆ ਕਿ ਕੋਰੋਨਾ ਮਹਾਂਮਾਰੀ ਦੌਰਾਨ ਬਿਨਾਂ ਕੋਈ ਇਕੱਠ ਕੀਤੇ ਇਹ ਪ੍ਰੋਗਰਾਮ ਉਲੀਕਿਆ ਗਿਆ ਹੈ ਤਾਂ ਜੋ ਜਲਦ ਇਸ ਮਹਾਂਮਾਰੀ ਤੋਂ ਨਿਜ਼ਾਤ ਮਿਲ ਸਕੇ।
                   ਇਸ ਮੌਕੇ ਸੰਸਥਾ ਦੇ ਅਹੁੱਦੇਦਾਰ ਸਤਪਾਲ, ਸੰਜੀਵ ਬਹਿਲ, ਕਰਮਜੀਤ ਢਿੱਲੋਂ, ਰਿੰਕੂ, ਰਜਨੀਸ਼ ਧੀਰ, ਬਿੱਟੂ, ਜੋਨੀ, ਰੋਹਿਤ, ਸੰਦੀਪ ਸੇਠ ਅਤੇ ਦੀਪਕ ਕੁਮਾਰ ਆਦਿ ਹਾਜ਼ਰ ਸਨ।