ਡਾਕਟਰਾਂ ਤੇ ਸਾਇੰਸਦਾਨਾਂ ਦੀ ਅਣਥੱਕ ਮਿਹਨਤ ਸਦਕਾ ਲਾ-ਇਲਾਜ਼ ਸਮਝੇ ਜਾਂਦੇ ਰੋਗਾਂ ਦਾ ਇਲਾਜ਼ ਸੰਭਵ -ਮੇਅਰ

ਅੰਮ੍ਰਿਤਸਰ, 29 ਮਾਰਚ (ਖੁਰਮਣੀਆਂ) – ਵਰਲਡ ਪਰਪਲ ਡੇਅ ਮੌਕੇ ਮੇਅਰ ਕਰਮਜੀਤ ਸਿੰਘ ਰਿੰਟੂ ਉਪਲ ਹਸਪਤਾਲ ਵਿਖੇ ਆਯੋਜਿਤ ਪ੍ਰੋਗਰਾਮ ਵਿੱਚ ਬਤੌਰ ਮੁੱਖ ਮਹਿਮਾਨ ਸ਼ਾਮਿਲ ਹੋਏ।ਉਹਨਾਂ ਨੇ ਜਯੋਤੀ ਜਗਾ ਕੇ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ।
                    ਇਥੇ ਮੇਅਰ ਰਿੰਟੂ ਨੇ ਆਪਣੇ ਸੰਬੋਧਨ ‘ਚ ਕਿਹਾ ਕਿ ਅੱਜ ਡਾਕਟਰਾਂ ਅਤੇ ਸਾਇੰਸਦਾਨਾਂ ਦੀ ਅਣਥੱਕ ਮਿਹਨਤ ਸਦਕਾ ਪਹਿਲਾਂ ਲਾ-ਇਲਾਜ਼ ਸਮਝੇ ਜਾਂਦੇ ਰੋਗਾਂ ਦਾ ਇਲਾਜ਼ ਕਰਨਾ ਸੰਭਵ ਹੈ।ਅੱਜ ਵਰਲਡ ਪਰਪਲ ਡੇਅ ਮਨਾਉਣ ਦਾ ਮੁੱਖ ਮੰਤਵ ਵੀ ਮਿਰਗੀ ਵਰਗੀ ਬਿਮਾਰੀ ਅਤੇ ਉਸ ਦੇ ਇਲਾਜ਼ ਦੇ ਤਰੀਕਿਆਂ ਬਾਰੇ ਲੋਕਾਂ ਵਿੱਚ ਜਾਗੂਰਕਤਾ ਲਿਆਉਣਾ ਹੈ।ਉਹਨਾਂ ਡਾ: ਉਪਲ ਅਤੇ ਉਹਨਾਂ ਦੀ ਪੂਰੀ ਟੀਮ ਵਲੋਂ ਸਮਾਜ ਪ੍ਰਤੀ ਨਿਭਾਈੳਾ ਜਾ ਰਹੀਆਂ ਸੇਵਾਵਾਂ ਦੀ ਸ਼ਲਾਘਾ ਕੀਤੀ।ਪ੍ਰੋਗਰਾਮ ਵਿਚ ਵਿਸ਼ੇਸ਼ ਮਹਿਮਾਨ ਡਾ: ਚਰਨਜੀਤ ਸਿੰਘ ਸਿਵਲ ਸਰਜਨ ਸਨ।
                     ਇਸ ਮੌਕੇ ਡਾ: ਅਸ਼ੋਕ ਉਪਲ, ਡਾ: ਸਲਿਲ ਉਪਲ, ਡਾ: ਸ਼ਿਖੀਲ ਉਪਲ ਤੇ ਸੁਪਰਡੈਂਟ ਰਜਿੰਦਰ ਸ਼ਰਮਾ ਆਦਿ ਹਾਜ਼ਰ ਸਨ।