ਵਾਜਰਾ ਕੋਰ ਦੁਆਰਾ 8ਵਾਂ ਅੰਤਰਰਾਸ਼ਟਰੀ ਯੋਗਾ ਦਿਵਸ ਮਨਾਇਆ ਗਿਆ

ਜਲੰਧਰ, 21 ਜੂਨ (ਪਂਜਾਬ ਪੋਸਟ ਬਿਊਰੋ) – ਵਜਰਾ ਕੋਰ ਨੇ ਅੱਜ ਆਪਣੇ ਸਾਰੇ ਸਟੇਸ਼ਨਾਂ ਅੰਮ੍ਰਿਤਸਰ, ਫਿਰੋਜ਼ਪੁਰ, ਲੁਧਿਆਣਾ, ਤਿਬੜੀ, ਖਾਸਾ ਅਤੇ ਬਿਆਸ ਵਿਖੇ `ਮਨੁੱਖਤਾ ਲਈ ਯੋਗ` ਵਿਸ਼ੇ `ਤੇ 8ਵਾਂ ਅੰਤਰਰਾਸ਼ਟਰੀ ਯੋਗ ਦਿਵਸ ਮਨਾਇਆ।ਸਾਰੇ ਰੈਂਕਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਸਰੀਰਕ, ਮਾਨਸਿਕ, ਭਾਵਨਾਤਮਕ ਅਤੇ ਅਧਿਆਤਮਿਕ ਸਿਹਤ ਨੂੰ ਬਿਹਤਰ ਬਣਾਉਣ ਲਈ ਆਸਣ, ਪ੍ਰਾਣਾਯਾਮ ਅਤੇ ਧਿਆਨ ਸੈਸ਼ਨਾਂ ਸਮੇਤ ਆਮ ਯੋਗਾ ਪ੍ਰੋਟੋਕੋਲ ਕਰਵਾਏ ਗਏ।ਅੱਜ ਸਵੇਰੇ 06.00 ਵਜੇ ਵਜਰਾ ਵਾਹਿਨੀ ਦੇ ਸਾਰੇ ਰੈਂਕ ਅਤੇ ਪਰਿਵਾਰਾਂ ਨੇ ਯੋਗ ਦਿਵਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ ਅਤੇ ਪ੍ਰਮਾਣਿਤ ਯੋਗ ਨਿਰਦੇਸ਼ਕਾਂ ਦੀ ਅਗਵਾਈ ਵਿੱਚ ਯੋਗਾ ਦਾ ਅਭਿਆਸ ਕੀਤਾ।
                   ਇਸ ਮੌਕੇ ਲੈਫਟੀਨੈਂਟ ਜਨਰਲ ਦੇਵੇਂਦਰ ਸ਼ਰਮਾ, ਜਨਰਲ ਅਫਸਰ ਕਮਾਂਡਿੰਗ ਵਜਰਾ ਕੋਰ ਅਤੇ ਸ਼੍ਰੀਮਤੀ ਰਾਣੀ ਸ਼ਰਮਾ, ਜ਼ੋਨਲ ਪ੍ਰਧਾਨ ਵਜਰਾ ਆਵਾ ਨੇ ਵੀ ਸ਼ਿਰਕਤ ਕੀਤੀ।ਸੈਸ਼ਨ ਦੇ ਅੰਤ ‘ਚ ਸਾਰੇ ਭਾਗੀਦਾਰਾਂ ਦੁਆਰਾ ਆਪਣੀ ਜੀਵਨ ਸ਼ੈਲੀ ਵਿੱਚ ਸਵੈ ਅਨਸ਼ਾਸਨ ਦੀ ਪਾਲਣਾ ਕਰਨ ਅਤੇ ਯੋਗਾ ਤਕਨੀਕਾਂ ਨੂੰ ਜੀਵਨ ਢੰਗ ਵਜੋਂ ਸ਼ਾਮਲ ਕਰਨ ਦਾ ਸੰਕਲਪ ਲਿਆ ਗਿਆ।