ਆਰਟਿਸਟ ਪ੍ਰਭਲੀਨ 30 ਮਨਮੋਹਕ ਪੇਂਟਿੰਗਾਂ ਨਾਲ ਹੋਵੇਗੀ ਦਰਸ਼ਕਾਂ ਦੇ ਰੂਬਰੂ

22 ਤੋਂ 24 ਸਤੰਬਰ ਤੱਕ ਚੱਲੇਗੀ ਪੇਂਟਿੰਗ ਪ੍ਰਦਰਸ਼ਨੀ
ਅੰਮ੍ਰਿਤਸਰ, 10 ਸਤੰਬਰ (ਪੰਜਾਬ ਪੋਸਟ- ਦੀਪ  ਦਵਿੰਦਰ ਸਿੰਘ) – ਪਟਿਆਲਾ ਦੀ ਨਾਮਵਰ ਆਰਟਿਸਟ ਪ੍ਰਭਲੀਨ 30 ਮਨਮੋਹਕ ਪੇਂਟਿੰਗਾਂ ਨਾਲ ਅੰਮ੍ਰਿਤਸਰ ਦੇ ਦਰਸ਼ਕਾਂ ਦੇ ਰੂਬਰੂ ਹੋਵੇਗੀ।ਪ੍ਰਭਲੀਨ ਕੌਰ ਪਟਿਆਲਾ ਦੇ ਪ੍ਰਸਿੱਧ ਆਰਟਿਸਟ ਅਤੇ ਆਰਟ ਪ੍ਰਮੋਟਰ ਆਵਿਨਾਸ਼ ਗਾਗੇਟ ਦੀ ਅਗਵਾਈ ਵਿਚ ‘ਸਪਨੋਂ ਕੇ ਰੰਗ’ ਦੇ ਬੈਨਰ ਹੇਠ ਸਥਾਨਕ ਆਰਟ ਗੈਲਰੀ ਵਿਖੇ ਮਾਡਰਨ ਤੇ ਫਲੱਡ ਆਰਟ ਵਿੱਚ ਚਿੱਤਰੀਆਂ ਆਪਣੀਆਂ 30 ਮਨਮੋਹਕ ਪੇਂਟਿੰਗਾਂ ਦੀ ਪ੍ਰਦਰਸ਼ਨੀ ਲਗਾਏਗੀ।ਆਰਟਿਸਟ ਪ੍ਰਭਲੀਨ ਕੌਰ ਦੀ ਇਹ ਪ੍ਰਦਰਸ਼ਨੀ ਸਤੰਬਰ ਮਹੀਨੇ ਦੀ 22 ਤਰੀਕ ਤੋਂ ਸ਼ਰੂ ਹੋ ਕੇ 24 ਤੱਕ ਜਾਰੀ ਰਹੇਗੀ।
ਪ੍ਰਸਿੱਧ ਆਰਟਿਸਟ ਅਵਿਨਾਸ਼ ਗਾਗੇਟ ਅਤੇ ਪ੍ਰਭਲੀਨ ਕੌਰ ਨੇ ਗੱਲਬਾਤ ਕਰਦਿਆਂ ਦੱਸਿਆ ਹੈ ਕਿ ਇਸ ਤਿੰਨ ਦਿਨਾਂ ਪੇਂਟਿੰਗ ਪ੍ਰਦਰਸ਼ਨੀ ਦਾ ਸ਼ੁੱਭ ਆਰੰਭ ਆਰਟ ਗੈਲਰੀ ਦੇ ਪ੍ਰਧਾਨ ਰਜਿੰਦਰ ਮੋਹਨ ਸਿੰਘ ਛੀਨਾ ਵਲੋਂ ਕੀਤਾ ਜਾਵੇਗਾ, ਜਦ ਕਿ ਆਰਟ ਗੈਲਰੀ ਦੇ ਸੈਕਟਰੀ ਡਾ. ਪੀ.ਐਸ ਗਰੋਵਰ ਗੈਸਟ ਆਫ ਆਨਰ ਹੋਣਗੇ।ਇਸ ਸਮੇਂ ਫਾਇਨੈਂਸ ਸੈਕਟਰੀ ਅਰਵਿੰਦਰ ਸਿੰਘ ਚਮਕ ਤੇ ਗੁਰੂ ਨਗਰੀ ਦੇ ਪ੍ਰਸਿੱਧ ਆਰਟਿਸਟ ਅਤੁੱਲ ਮਹਿਰਾ ਹੌਸਲਾ ਅਫਜਾਈ ਕਰਨ ਲਈ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰਨਗੇ।
ਪ੍ਰਭਲੀਨ ਕੌਰ ਇਸ ਤੋਂ ਪਹਿਲਾਂ ਵੀ ਗੁਰੂ ਨਗਰੀ ਦੀ ਆਰਟ ਗੈਲਰੀ ਵਿਚ ਗਰੁੱਪ ਸ਼ੋਅ ਤੇ ਨੈਸ਼ਨਲ ਕਲਾ ਪ੍ਰਦਰਸ਼ਨੀ ਵਿਚ ਹਿੱਸਾ ਲੈ ਕੇ ਆਪਣੀ ਆਰਟ ਨਾਲ ਧਮਾਲ ਪਾ ਚੁੱਕੀ ਹੈ ਅਤੇ ਇਸ ਪੇਂਟਿੰਗ ਪ੍ਰਦਰਸ਼ਨੀ ਵਿਚ ਉਸ ਨੇ ਆਪਣੀਆਂ ਪੇਟਿੰਗਾਂ ਨੂੰ ਐਬਸਟ੍ਰਕ ਆਰਟ ਤੇ ਫਲੱਡ ਆਰਟ ਤੋਂ ਇਲਾਵਾ ਕੁਦਰਤੀ ਦ੍ਰਿਸ਼ ਅਤੇ ਪੰਛੀਆਂ ਨੂੰ ਵੀ ਏਕਰੇਲਿਕ ਕਲਰ, ਆਇਲ ਕਲਰ ਅਤੇ ਮਿਕਸ ਮੀਡੀਆ ਨਾਲ ਸ਼ਿੰਗਾਰਿਆ ਗਿਆ ਹੈ।