ਸਰਕਾਰਾਂ ਦੀਆਂ ਨੀਤੀਆਂ ਕਰਕੇ ਅਣਗੌਲੇ ਹਨ ਉਤਰ-ਪੂਰਬੀ ਰਾਜ – ਸਨਜੋਏ ਹਜ਼ਾਰਿਕਾ

ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਲਿਟਰੇਰੀ ਕਲੱਬ ਵਲੋਂ ਵਿਸ਼ੇਸ਼ ਭਾਸ਼ਣ ਦਾ ਆਯੋਜਨ
ਅੰਮ੍ਰਿਤਸਰ, 1 ਮਾਰਚ (ਪੰਜਾਬ ਪੋਸਟ- ਸੁਖਬੀਰ ਸਿੰਘ ਖੁਰਮਣੀਆ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਲਿਟਰੇਰੀ ਕਲੱਬ ਵੱਲੋਂ “ਉੱਤਰੀ ਪੂਰਬ: ਚੁਣੌਤੀਆਂ ਸਮਾਨਤਾ, ਸੰਘਰਸ਼ ਪ੍ਰਤੀ ਵਿਰੋਧ ਵਿਸ਼ੇ ‘ਤੇ ਵਿਸ਼ੇਸ਼ ਭਾਸ਼ਣ ਕਰਵਾਇਆ ਗਿਆ।ਇਹ ਭਾਸ਼ਣ ਪ੍ਰਸਿੱਧ ਲੇਖਕ, ਮਾਨਵ ਅਧਿਕਾਰ ਐਕਟੀਵਿਸਟ, ਵਿਦਵਾਨ, ਪੱਤਰਕਾਰ, ਫਿਲਮਮੇਕਰ ਅਤੇ ਭਾਰਤ ਸਰਕਾਰ ਦੇ ਨੀਤੀ ਸਲਾਹਕਾਰ, ਮਿਸਟਰ ਸਨਜੋਏ ਹਜ਼ਾਰਿਕਾ ਵੱਲੋਂ ਪੇਸ਼ ਕੀਤਾ ਗਿਆ।
ਵਾਈਸ-ਚਾਂਸਲਰ ਪ੍ਰੋ. (ਡਾ.) ਜਸਪਾਲ ਸਿੰਘ ਸੰਧੂ ਨੇ ਇਸ ਸਮਾਗਮ ਦੀ ਪ੍ਰਧਾਨਗੀ ਕੀਤੀ ਗਈ ਜਦਕਿ ਡੀਨ ਵਿਦਿਆਰਥੀ ਭਲਾਈ ਡਾ. ਐਸ.ਐਸ ਬਹਿਲ ਅਤੇ ਰਜਿਸਟਰਾਰ ਡਾ. ਕੇ.ਐਸ. ਕਾਹਲੋਂ ਨੇ ਇਸ ਸਮਾਗਮ ਵਿਚ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ।ਇਸ ਮੌਕੇ ਵੱਖ ਵੱਖ ਵਿਭਾਗਾਂ ਦੇ ਮੁਖੀਆਂ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਵਿਦਿਆਰਥੀ ਅਤੇ ਅਧਿਆਪਕ ਵੀ ਸ਼ਾਮਿਲ ਹੋਏ।
ਡਾ. ਐਸ.ਐਸ ਬਹਿਲ ਨੇ ਹਜਾਰਿਕਾ ਅਤੇ ਹੋਰਨਾਂ ਮਹਿਮਾਨਾਂ ਨੂੰ ਜੀ ਆਇਆਂ ਆਖਿਆ।ਸਮਾਗਮ ਦੀ ਕੋਆਰਡੀਨੇਟਰ, ਅੰਗ੍ਰੇਜ਼ੀ ਵਿਭਾਗ ਤੋਂ ਡਾ. ਸੁਮਨੀਤ ਕੌਰ ਵਕਤਾ ਬਾਰੇ ਵਿਸਥਾਰ ਵਿਚ ਜਾਣਕਾਰੀ ਸਾਂਝੀ ਕੀਤੀ।
ਉਤਰ-ਪੂਰਬੀ ਰਾਜਾਂ ਦੇ ਭੂਗੋਲਿਕ ਸਥਾਨ ਨੂੰ ਸਮਝਾਉਂਦੇ ਹੋਏ ਡਾ. ਹਜਾਰਿਕਾ ਨੇ ਭਾਸ਼ਣ ਦਿੱਤਾ ਅਤੇ ਕਿਹਾ ਕਿ ਇਹ ਰਾਜ ਭਾਰਤ ਦੇ ਛੋਟਾ ਰਾਜ ਹਨ ਜੋ ਕਿ ਕਈ ਕਬੀਲਿਆਂ ਅਤੇ ਉਤਰ-ਪੂਰਬੀ ਰਾਜਾਂ ਵਿਚ ਬੋਲਣ ਵਾਲੀਆਂ ਬਹੁਤ ਸਾਰੀਆਂ ਭਾਸ਼ਾਵਾਂ ਨਾਲ ਜਾਣਿਆ ਜਾਂਦੇ ਹਨ।ਹਜ਼ਾਰਿਕਾ ਨੇ ਇਨ੍ਹਾਂ ਰਾਜਾਂ ਦੇ ਲੋਕਾਂ ਦੇ ਜੀਵਨ ਬਾਰੇ ਜਾਣਕਾਰੀ ਦਿੱਤੀ।ਉਨ੍ਹਾਂ ਕਿਹਾ ਕਿ ਰਾਜਾਂ ਦੇ ਵਸਨੀਕਾਂ ਨੂੰ ਬਹੁਤ ਸਾਰੀਆਂ ਔਕੜਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ ਅਤੇ ਕੁੱਝ ਸਰਕਾਰਾਂ ਦੀਆਂ ਨੀਤੀਆਂ ਕਰਕੇ ਵੀ ਇਹ ਅਣਗੌਲਿਆਂ ਹੋਇਆ ਹੈ।ਉਨ੍ਹਾਂ ਕਿਹਾ ਕਿ ਡਾਕਟਰੀ ਸਿਹਤ ਸੰਭਾਲ ਅਤੇ ਹੋਰ ਸੇਵਾਵਾਂ ਦਾ ਹਾਲ ਵੀ ਚਿੰਤਾਜਨਕ ਹੈ ਵਿਸ਼ੇਸ਼ ਕਰ ਔਰਤਾਂ ਅਤੇ ਬੱਚਿਆਂ ਦੀ ਹਾਲਤ ਠੀਕ ਹੈ।
ਉਨ੍ਹਾਂ ਇਸ ਖੇਤਰ ਵਿਚ ਸ਼ਾਂਤੀ ਲਈ ਅਪੀਲ ਬਾਰੇ ਵੀ ਗੱਲ ਕਰਦਿਆਂ ਕਿਹਾ ਕਿ ਇਹਨਾਂ ਰਾਜਾਂ ਦੇ ਆਮ ਲੋਕਾਂ ਦੁਆਰਾ ਕੀਤੀ ਗਈ ਇੱਕ ਚੰਗੀ ਪਹਿਲਕਦਮੀ ਹੈ, ਜੋ ਹਿੰਸਾ ਤੋਂ ਥੱਕ ਗਏ ਹਨ।ਉਨ੍ਹਾਂ ਕਿਹਾ ਕਿ ਇਕ ਅਦਿੱਖ ਤਬਦੀਲੀ ਉਦੋਂ ਹੋ ਰਹੀ ਹੈ ਜਦੋਂ ਨੌਜਵਾਨ ਪੱਖਪਾਤ ਵਿਰੁੱਧ ਬਗਾਵਤ ਕਰ ਰਹੇ ਹਨ ਅਤੇ ਬਾਕੀ ਭਾਰਤ ਦੇ ਨਾਲ ਉਤਰ-ਪੂਰਬ ਨੂੰ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
ਇਸ ਮੌਕੇ ਹਜ਼ਾਰੀਕਾ ਨੇ ਆਪਣੀ ਤਾਜ਼ਾ ਕਿਤਾਬ ਅਪਰੈਂਜਰਜ਼ ਨੋਰ ਮੋਰੇ: ਨਵੀਂ ਕਹਾਣੀਆਂ ਤੋਂ ਭਾਰਤ ਦੇ ਉਤਰ-ਪੂਰਬ ਦੇ ਕੁਝ ਅੰਸ਼ਾਂ ਨੂੰ ਵੀ ਪੜ੍ਹਿਆ।ਇਸ ਮੌਕੇ ਸਰੋਤਿਆਂ ਵੱਲੋਂ ਪੁੱਛੇ ਸੁਆਲਾਂ ਦੇ ਜੁਆਬ ਵੀ ਉਨ੍ਹਾਂ ਨੇ ਦਿੱਤੇ। ਇਸ ਮੌਕੇ ਉਨ੍ਹਾਂ ਦੀ ਡਾਕੂਮੈਂਟਰੀ ਫਿਲਮ ‘ਰਾਮਬੁਆਈ: ਮਿਜ਼ੋਰਮਜ਼ ਟਰੱਬਲ ਈਅਰਜ਼ ਵੀ ਵਿਖਾਈ ਗਈ।