ਰਾਸ਼ਟਰਪਤੀ ਕੋਵੰਦ ਨੇ ਰਾਸ਼ਟਰਪਤੀ ਭਵਨ ਦੇ ਬਾਗ `ਚ ਲਾਇਆ ਬਾਓਬਾਬ ਦਾ ਪੌਦਾ

ਦਿੱਲੀ, 3 ਅਪ੍ਰੈਲ (ਪੰਜਾਬ ਪੋਸਟ ਬਿਊਰੋ) – ਭਾਰਤ ਦੇ ਰਾਸ਼ਟਰਪਤੀ ਸ਼੍ਰੀ ਰਾਮ ਨਾਥ ਕੋਵਿੰਦ ਨੇ ਅੱਜ ਰਾਸ਼ਟਰਪਤੀ ਭਵਨ ਦੇ ਬਾਗ ਵਿੱਚ ਬਾਓਬਾਬ ਦਾ ਪੌਦਾ

ਲਗਾਇਆ।ਇਹ ਪੌਦਾ ਮੈਡਾਗਾਸਕਰ (Madagascar)  ਯੂਨੀਵਰਸਿਟੀ ਵਲੋਂ ਜਵਾਬੀ ਸਦਭਾਵ ਵਜੋਂ ਰਾਸ਼ਟਰਪਤੀ ਨੂੰ ਉਸ ਨਿੰਮ ਰੁੱਖ ਦੇ ਬਦਲੇ ਵਿੱਚ ਤੋਹਫ਼ੇ ਵਜੋਂ ਦਿੱਤਾ ਗਿਆ ਹੈ, ਜੋ ਮਾਰਚ ਵਿੱਚ ਆਪਣੇ ਮੈਡਾਗਾਸਕਰ (Madagascar) ਦੌਰੇ ਦੌਰਾਨ ਰਾਸ਼ਟਰਪਤੀ ਨੇ ਐਂਟਾਨੈਨਾਰੀਵੋ (Antananarivo) ਦੇ ਯੂਨੀਵਰਸਿਟੀ ਕੈਂਪਸ ਵਿੱਚ ਲਗਾਇਆ ਸੀ।ਬਾਓਬਾਬ ਦਰਖ਼ਤ ਦਾ ਜੀਵਨ ਕਾਲ 2000 ਸਾਲ ਤੋਂ ਵੱਧ ਹੁੰਦਾ ਹੈ।ਨਿੰਮ ਦਰੱਖ਼ਤ ਵਾਂਗ ਹੀ, ਇਸ ਪੌਦੇ ਦੀਆਂ ਉੱਚ ਮੈਡੀਕਲ ‘ਤੇ ਪੋਸ਼ਿਕ ਵਿਸ਼ੇਸ਼ਤਾਵਾਂ ਹੁੰਦੀਆਂ ਹਨ।ਇਨ੍ਹਾਂ ਪੌਦਿਆਂ ਦਾ ਵਟਾਂਦਰਾ ਭਾਰਤ ਅਤੇ ਮੈਡਾਗਾਸਕਰ ਦੋਹਾਂ ਦੇ ਆਪਣੇ-ਆਪਣੇ ਸੱਭਿਆਚਾਰਾਂ ਵਿੱੱਚ ਪ੍ਰੰਪਰਾਗਤ ਗਿਆਨ ਅਤੇ ਔਸ਼ਧੀ ਦੀ ਕਦਰ ਨੂੰ ਉਜਾਗਰ ਕਰਦਾ ਹੈ।