ਬਲਰਾਮ ਜੀ ਦਾਸ ਟੰਡਨ ਦੀ ਮੌਤ ’ਤੇ ਛੀਨਾ ਵਲੋਂ ਦੁੱਖ ਦਾ ਇਜ਼ਹਾਰ

ਅੰਮ੍ਰਿਤਸਰ, 15 ਅਗਸਤ (ਪੰਜਾਬ ਪੋਸਟ – ਸੁਖਬੀਰ ਸਿੰਘ ਖੁਰਮਣੀਆਂ) – ਭਾਰਤੀ ਜਨਤਾ ਪਾਰਟੀ ਦੇ ਸੀਨੀਅਰ ਨੇਤਾ ਰਜਿੰਦਰ ਮੋਹਨ ਸਿੰਘ ਛੀਨਾ ਨੇ ਅੱਜ ਬਲਰਾਮ ਜੀ ਦਾਸ ਟੰਡਨ ਦੀਆਂ ਰਾਸ਼ਟਰ ਅਤੇ ਪਾਰਟੀ ਪ੍ਰਤੀ ਸੇਵਾਵਾਂ ਨੂੰ ਯਾਦ ਕਰਦਿਆ ਉਨ੍ਹਾਂ ਦੀ ਮੌਤ ’ਤੇ ਗਹਿਰੇ ਦੁੱਖ ਦਾ ਇਜਹਾਰ ਕੀਤਾ।ਉਨ੍ਹਾਂ ਕਿਹਾ ਕਿ ਟੰਡਨ ਦ੍ਰਿੜਤਾਵਾਦੀ ਸਨ, ਜੋ ਇੰਦਰਾ ਗਾਂਧੀ ਸਰਕਾਰ ਵਲੋਂ ਲਗਾਈ ਗਈ ਐਮਰਜੈਂਸੀ ਵਿਰੁੱਧ ਲੜੇ ਸਨ ਤੇ ਲਾਲ ਕਿ੍ਰਸ਼ਨ ਅਡਵਾਨੀ ਅਤੇ ਅਕਾਲੀ ਦਲ ਦੇ ਸੁਪਰੀਮੋ ਪ੍ਰਕਾਸ਼ ਸਿੰਘ ਬਾਦਲ ਦੀ ਤਰਜ਼ ’ਤੇ ਸਭ ਤੋਂ ਸੀਨੀਅਰ ਆਗੂਆਂ ’ਚੋਂ ਇੱਕ ਸਨ।
    ਛੀਨਾ ਨੇ ਕਿਹਾ ਕਿ ਟੰਡਨ ਜੋ ਕਿ ਪਿਛਲੇ ਕੁੱਝ ਸਮੇਂ ਤੋਂ ਬਿਮਾਰ ਚੱਲ ਰਹੇ ਸਨ, ਸੰਨ 1951 ’ਚ ਜਨਸੰਘ ਦੇ ਸੰਸਥਾਪਕ ਮੈਂਬਰ ਸਨ ਅਤੇ 1951 ਤੋਂ 57 ਤੱਕ ਪੰਜਾਬ ਜਨਸੰਘ ਦੇ ਸਕੱਤਰ ਅਤੇ ਸੰਨ 95-97 ਤੋਂ ਪੰਜਾਬ ਭਾਜਪਾ ਦੇ ਪ੍ਰਧਾਨ ਵਜੋਂ ਕਾਰਜਸ਼ੀਲ ਰਹੇ।ਉਹ 6 ਵਾਰ ਵਿਧਾਇਕ ਰਹੇ ਰਹੇ।ਟੰਡਨ ਨੂੰ ਐਮਰਜੈਂਸੀ ਵੇਲੇ ਸੰਨ 1975 ਤੋਂ 77 ਤੱਕ ਜ਼ੇਲ੍ਹ ’ਚ ਡੱਕਿਆ ਗਿਆ। ਉਹ 1977-79 ’ਚ ਅਤੇ ਸੰਨ 97 ਤੋਂ 2002 ’ਚ ਪ੍ਰਕਾਸ਼ ਸਿੰਘ ਬਾਦਲ ਦੀ ਅਗਵਾਈ ’ਚ ਕੈਬਨਿਟ ਮੰਤਰੀ ਬਣੇ।ਛੀਨਾ ਨੇ ਕਿਹਾ ਕਿ ਆਪਣੇ ਸਿਆਸੀ ਕਾਰਜ ’ਚ ਟੰਡਨ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸਮੇਤ ਵੱਖ ਵੱਖ ਅਹੁੱਦਿਆਂ ’ਤੇ ਬਿਰਾਜਮਾਨ ਹੋਏੇ।ਛੀਨਾ ਨੇ ਕਿਹਾ ਕਿ ਉਨ੍ਹਾਂ ਦੀਆਂ ਪਾਰਟੀ ਪ੍ਰਤੀ ਨਿਭਾਈਆਂ ਸ਼ਾਨਦਾਰ ਸੇਵਾਵਾਂ ਨੂੰ ਹਮੇਸ਼ਾਂ ਯਾਦ ਰੱਖਿਆ ਜਾਵੇਗਾ।