ਸੋਨੀ ਵੱਲੋਂ ਦੰਦਾਂ ਦੀ ਰਾਸ਼ਟਰੀ ਵਰਕਸ਼ਾਪ ਦਾ ਉਦਘਾਟਨ

ਅੰਮ੍ਰਿਤਸਰ, 25 ਅਗਸਤ (ਪੰਜਾਬ ਪੋਸਟ- ਸੁਖਬੀਰ ਸਿੰਘ) – ਸਥਾਨਕ ਸਰਕਾਰੀ ਡੈਂਟਲ ਕਾਲਜ ਵਿੱਚ ਦੰਦਾਂ ਦੀਆਂ ਬੀਮਾਰੀਆਂ ਬਾਰੇ ਲਗਾਈ ਗਈ ਰਾਸ਼ਟਰੀ ਵਾਰਕਸ਼ਾਪ ਦਾ ਉਦਘਾਟਨ ਕਰਦਿਆਂ ਮੈਡੀਕਲ ਸਿੱਖਿਆ ਮੰਤਰੀ ਓ.ਪੀ ਸੋਨੀ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦੀਆਂ ਨੀਤੀਆਂ ਸਦਕਾ ਸੂਬਾ ਸਿਹਤ ਤੇ ਸਿੱਖਿਆ ਵਿੱਚ ਦੇਸ਼ ਦੀ ਅਗਵਾਈ ਕਰੇਗਾ।ਉਨ੍ਹਾਂ ਨੇ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਸੋਚ ਸਦਕਾ ਸਿਹਤ ਤੇ ਸਿੱਖਿਆ ਵਿੱਚ ਪੰਜਾਬ ਸਭ ਤੋਂ ਵੱਧ ਖਰਚ ਕਰ ਰਿਹਾ ਹੈ ਅਤੇ ਅਧਿਕਾਰੀ ਵੀ ਲਗਾਤਾਰ ਦੋਵਾਂ ਖੇਤਰਾਂ ਤੇ ਨਿਗ੍ਹਾ ਰੱਖ ਰਹੇ ਹਨ। ਉਨ੍ਹਾਂ ਸਮਾ ਰੋਸ਼ਨ ਕਰਕੇ ਕਾਨਫਰੰਸ ਦਾ ਉਦਘਾਟਨ ਕੀਤਾ ਅਤੇ ਕਾਲਜ ਨੂੰ 2 ਲੱਖ ਰੁਪਏ ਦੇਣ ਦਾ ਵੀ ਐਲਾਨ ਕੀਤਾ।
    ਇਸ ਮੌਕੇ 100 ਤੋਂ ਵੱਧ ਡੈਲੀਗੇਟ ਅਤੇ ਸਾਰੇ ਭਾਰਤ ਤੋਂ 28 ਬੁਲਾਰੇ ਵੱਖ-ਵੱਖ ਮਰੀਜ਼ਾਂ ਦੇ ਭਾਸ਼ਣ ਅਤੇ ਟੇਬਲ ਵਿਚਾਰ ਵਟਾਂਦਰੇ ਲਈ ਸ਼ਾਮਲ ਹੋਏ।ਪ੍ਰੋਫੈਸਰ ਡਾ. ਜੇ.ਐਨ ਖੰਨਾ ਵਿਸ਼ੇਸ਼ ਮਹਿਮਾਨ ਸਨ ਅਤੇ ਪ੍ਰਬੰਧਕੀ ਟੀਮ ਨੂੰ ਕਾਨਫਰੰਸ ਦੇ ਆਯੋਜਨ ਲਈ ਵਧਾਈ ਦਿੱਤੀ ।ਵਰਕਸ਼ਾਪ ਦੇ ਆਯੋਜਨ ਦੇ ਚੇਅਰਪਰਸਨ ਅਤੇ ਪ੍ਰਿੰਸੀਪਲ ਡਾ: ਜੀਵਨ ਲਤਾ ਨੇ ਪਤਵੰਤੇ ਸੱਜਣਾਂ ਨੂੰ ਸੰਬੋਧਨ ਕੀਤਾ। ਡਾ. ਰਾਜੇਸ਼ ਧੀਰਵਾਨੀ, ਰਾਸ਼ਟਰੀ ਸੈਕਟਰੀ, ਡਾ. ਡੀ.ਜੀ ਅਡਵਾਨੀ (ਵਿਗਿਆਨਕ ਚੇਅਰਮੈਨ), ਡਾ. ਰਾਧਿਕਾ ਰਾਮਸਵਾਮੀ (ਕਾਰਜਕਾਰੀ ਸਕੱਤਰ) ਵੀ ਮੌਜੂਦ ਸਨ। ਡਾ: ਨਿਤਿਨ ਵਰਮਾ, ਆਰਗੇਨਾਈਜ਼ਿੰਗ ਸੈਕਟਰੀ ਨੇ ਜਬਾਨ ਟਿਉਮਰਾਂ ਦੀਆਂ ਘਟਨਾਵਾਂ ਵਿੱਚ ਵਾਧੇ ਬਾਰੇ ਵਿਚਾਰ ਵਟਾਂਦਰਾ ਕਰਦਿਆਂ ਕਿਹਾ ਕਿ ਵੱਖ-ਵੱਖ ਕੁੰਜੀਵਤ ਬੁਲਾਰਿਆਂ ਵਲੋਂ ਇਲਾਜ ਦੇ ਵੱਖ-ਵੱਖ ਤਰੀਕਿਅਂ ਬਾਰੇ ਚਰਚਾ ਕੀਤੀ ਜਾਵੇਗੀ।ਇਸ ਮੌਕੇ ਡਾ. ਆਰ.ਪੀ ਸਿੰਘ, ਡਾ. ਪਰਮਜੀਤ ਤੇ ਜਗਦੀਸ਼ ਠਾਕੁਰ ਵੀ ਮੌਜੂਦ ਸਨ।