ਮਾਮਲਾ ਦਲਿਤਾਂ ਨੂੰ ਸੰਸਕਾਰ ਕਰਨ ਤੋਂ ਰੋਕਣ ਦਾ – ਮੈਡਮ ਪੂਨਮ ਕਾਂਗੜਾ ਵਲੋਂ ਪਿੰਡ ਬਾਦਸ਼ਾਹਪੁਰ ਦਾ ਦੌਰਾ

ਲੌਂਗੋਵਾਲ, 30 ਜਨਵਰੀ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਪਿੰਡ ਬਾਦਸ਼ਾਹਪੁਰ ਜਿਲ੍ਹਾ ਸੰਗਰੂਰ ਵਿਖੇ ਦਲਿਤਾਂ ਦੀ ਸ਼ਮਸ਼ਾਨ ਘਾਟ ਵਾਲੀ ਜਗ੍ਹਾ ਜਿਥੇ ਮਾਰਕੀਟ ਕਮੇਟੀ ਵਲੋਂ ਅਨਾਜ ਮੰਡੀ ਬਣਾ ਕੇ ਕਬਜ਼ਾ ਕੀਤਾ ਕਬਜ਼ਾ ਮਾਣਯੋਗ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਹੁਕਮਾਂ ਅਨੁਸਾਰ ਐਸ.ਸੀ ਕਮਿਸ਼ਨ ਪੰਜਾਬ ਦੇ ਦਖ਼ਲ ਤੋਂ ਬਾਅਦ ਛੁਡਵਾਇਆ ਗਿਆ ਸੀ।ਪ੍ਰੰਤੂ ਕੁੱਝ ਦਲਿਤਾਂ ਨੇ ਕਮਿਸ਼ਨ ਨੂੰ ਸ਼ਿਕਾਇਤ ਕੀਤੀ ਕਿ ਉਨ੍ਹਾਂ ਨੂੰ ਅਜੇ ਵੀ ਇਸ ਜਗ੍ਹਾ ਵਿੱਚ ਜਾਣ ਅਤੇ ਸੰਸਕਾਰ ਕਰਨ ਤੋਂ ਰੋਕਿਆ ਜਾ ਰਿਹਾ ਹੈ।ਇਸ ਲਈ ਐਸ.ਸੀ ਕਮਿਸ਼ਨ ਪੰਜਾਬ ਮੈਂਬਰ ਮੈਡਮ ਪੂਨਮ ਕਾਂਗੜਾ ਨੇ ਦੌਰਾ ਕੀਤਾ।
ਇਸ ਮੌਕੇ ਦਲਿਤ ਭਾਈਚਾਰਾ ਵੀ ਦੋ ਗਰੱਪਾਂ ਵਿੱਚ ਵੰਡਿਆ ਨਜ਼ਰ ਆਇਆ ਅਤੇ ਝਗੜੇ ਦਾ ਕੋਈ ਹੱਲ ਨਾ ਹੋਣ ‘ਤੇ ਮੈਡਮ ਪੂਨਮ ਕਾਂਗੜਾ ਨੇ ਦੋਵੇਂ ਧਿਰਾਂ ਦੀ ਮੀਟਿੰਗ 31 ਜਨਵਰੀ ਨੂੰ ਸੰਗਰੂਰ ਵਿਖੇ ਸੱਦੀ ਹੈ।
          ਇਸ ਸਬੰਧੀ ਮੈਡਮ ਪੂਨਮ ਕਾਂਗੜਾ ਨੇ ਕਿਹਾ ਕਿ ਦੋਵੇਂ ਧਿਰਾਂ ਨਾਲ ਗੱਲਬਾਤ ਕਰਕੇ ਅਗਲੇਰੀ ਕਾਰਵਾਈ ਅਮਲ ‘ਚ ਲਿਆਂਦੀ ਜਾਵੇਗੀ।