ਮਾਸਕ ਬਣਾ ਕੇ ਲੋੜਵੰਦਾਂ ਨੂੰ ਮੁਫ਼ਤ ਵੰਡ ਰਿਹਾ ਹੈ ਸਲਾਇਟ ਸੰਸਥਾ ਦਾ ਲਖਵੀਰ ਸਿੰਘ ਲੱਕੀ

ਸੰਗਰੂਰ, 22 ਅਪ੍ਰੈਲ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਕਰੋਨਾ ਵਾਇਰਸ ਤੋਂ ਬਚਾਅ ਲਈ ਸਲਾਈਟ ਕੰਪਲੈਕਸ ‘ਚ ਰਹਿੰਦਾ ਲਖਵੀਰ ਸਿੰਘ ਲੱਕੀ ਦਾ ਪਰਿਵਾਰ ਆਪਣੇ ਘਰ ਵਿੱਚ ਕੱਪੜੇ ਦੇ ਮਾਸਕ ਬਣਾ ਕੇ ਮੁਫ਼ਤ ਵੰਡ ਰਿਹਾ ਹੈ।ਲੱਕੀ ਅਨੁਸਾਰ ਉਨਾਂ ਨੇ ਹੁਣ ਤੱਕ 400 ਦੇ ਕਰੀਬ ਮਾਸਕ ਬਣਾ ਕੇ ਸਲਾਈਟ ਸੰਗਰੂਰ ਵਿਖੇ ਕੰਮ ਕਰ ਰਹੇ ਮਾਲੀ, ਸਫ਼ਾਈ ਕਰਮਚਾਰੀ, ਸਕਿਉਰਿਟੀ ਗਾਰਡਾਂ, ਸਥਾਨਕ ਲੋਕਾਂ ਤੇ ਆਲੇ ਦੁਆਲੇ ਦੇ ਧਾਰਮਿਕ ਸਥਾਨਾਂ ‘ਚ ਲੋੜਵੰਦਾਂ ਨੂੰ ਵੰਡੇ ਹਨ।