ਕੈਂਪ ਦੇ ਪੰਜਵੇਂ ਦਿਨ ਐਨ.ਐਸ.ਐਸ ਵਾਲੰਟੀਅਰਾਂ ਨੇ ਕੀਤੀ ਪਾਰਕਾਂ ਦੀ ਕਟਿੰਗ ਅਤੇ ਰੁੱਖਾਂ ਨੂੰ ਕਲੀ

ਫਾਜ਼ਿਲਕਾ, 28 ਦਸੰਬਰ (ਵਿਨੀਤ ਅਰੋੜਾ) – ਲੜਕਿਆਂ ਦੇ ਸਰਕਾਰੀ ਮਾਡਲ ਸੇਕੇਂਡਰੀ ਅਤੇ ਡੀਸੀਡੀਏਵੀ ਸਕੂਲ ਫਾਜਿਲਕਾ ਵਿੱਚ ਚੱਲ ਰਹੇ ਦਿਨ ਰਾਤ ਦੇ ਸੱਤ ਦਿਨਾਂ ਕੈਂਪ ਦੇ ਪੰਜਵੇਂ ਦਿਨ ਵਾਲੰਟਿਅਰਾਂ ਨੇ ਸਕੂਲ ਦੇ ਪਾਰਕਾਂ ਵਿੱਚ ਰੁੱਖਾਂ ਦੀ ਕਟਿੰਗ ਕੀਤੀ ਗਈ ਅਤੇ ਰੁੱਖਾਂ ਨੂੰ ਕਲੀ ਕੀਤੀ ਗਈ।ਕੈਂਪ ਦੇ ਕਮਾਂਡੇਂਟ ਪੰਮੀ ਸਿੰਘ ਨੇ ਦੱਸਿਆ ਕਿ ਅੱਜ ਦੁਪਹਿਰ ਦੇ ਖਾਣ ਦੇ ਬਾਅਦ ਵਾਲੰਟਿਅਰਾਂ ਨੂੰ ਪਹਿਲਾਂ ਆਸਫਵਾਲਾ ਸ਼ਹੀਦੀ ਸਮਾਰਕ ਉੱਤੇ ਨਤਮਸਤਕ ਹੋਣ ਲਈ ਬੱਸਾਂ ਦੁਆਰਾ ਲਿਜਾਇਆ ਗਿਆ ਅਤੇ ਸਾਦਕੀ ਬਾਰਡਰ ਉੱਤੇ ਝੰਡਾ ਉਤਾਰਣ ਦੀ ਰਸਮ ਨੂੰ ਪੂਰੀ ਤਰ੍ਹਾਂ ਜਾਣੂ ਕਰਵਾਉਣ ਲਈ ਸ਼ਾਮਿਲ ਕੀਤਾ ਗਿਆ ਤਾਂਕਿ ਵਾਲੰਟਿਅਰਾਂ ਵਿੱਚ ਦੇਸ ਭਗਤੀ ਦੀ ਭਾਵਨਾਂ ਨੂੰ ਮਜਬੂਤੀ ਨਾਲ ਪ੍ਰਗਟ ਕੀਤਾ ਜਾ ਸਕੇ।ਵਾਲੰਟਿਅਰਾਂ ਨੇ ਇਸਦਾ ਭਰਪੂਰ ਆਨੰਦ ਮਾਣਿਆ ਅਤੇ ਬਾਰਡਰ ਉੱਤੇ ਤੈਨਾਤ ਬੀਐਸਐਫ ਦੇ ਨੋਜਵਾਨਾਂ ਨੂੰ ਕੜਾਕੇ ਦੀ ਠੰਡ ਵਿੱਚ ਡਿਊਟੀ ਕਰਦੇ ਵੇਖ ਉਨ੍ਹਾਂਨੂੰ ਦੇਸਭਗਤੀ ਲਈ ਸਲਾਮ ਵੀ ਕੀਤੀ ਅਤੇ ਮੌਕੇ ਮਿਲਣ ਉੱਤੇ ਫੌਜ ਵਿੱਚ ਭਰਤੀ ਹੋਕੇ ਦੇਸ਼ ਲਈ ਕੁੱਝ ਕਰ ਗੁਜਰਨ ਦੀ ਗੱਲ ਵੀ ਕਹੀ।ਇਸ ਮੌਕੇ ਦੋਨਾਂ ਸਕੂਲਾਂ ਦੇ ਕੈਂਪ ਕਮਾਂਡਰ ਸ਼ਸ਼ੀ ਸ਼ਰਮਾ ਅਤੇ ਸਹਾਇਕ ਪਰੋਗਰਾਮ ਅਫਸਰ ਸਰਬਜੀਤ ਸਿੰਘ ਮੌਜੂਦ ਸਨ ।