ਭਾਰਤੀ ਸਟੇਟ ਬੈਂਕ ਅਧਿਕਾਰੀਆਂ ਨੇ 300 ਬੂਟੇ ਲਗਾ ਕੇ ਵਾਤਾਵਰਨ ਸ਼ੁੱਧਤਾ ਦਾ ਦਿੱਤਾ ਸੰਦੇਸ਼

ਸੰਗਰੂਰ, 11 ਜੁਲਾਈ (ਜਗਸੀਰ ਲੌਂਗੋਵਾਲ) – ਭਾਰਤੀ ਸਟੇਟ ਬੈਂਕ ਵਲੋਂ ਅੱਜ ਸੀ.ਐਸ.ਆਰ ਗਤੀਵਿਧੀ ਅਧੀਨ “ਇਕ ਪੇੜ ਮਾਂ ਦੇ ਨਾਂ” ਸਕੀਮ ਦੇ ਤਹਿਤ ਭਾਰਤੀ ਸਟੇਟ ਬੈਂਕ ਦੇ ਉਪ ਮਹਾ ਪ੍ਰਬੰਧਕ ਅਭਿਸ਼ੇਕ ਸ਼ਰਮਾ ਅਤੇ ਭਾਰਤੀ ਸਟੇਟ ਬੈਂਕ ਦੇ ਖੇਤਰੀ ਪ੍ਰਬੰਧਕ ਵਿਪਿਨ ਕੌਸ਼ਲ ਦੀ ਅਗਵਾਈ ਹੇਠ ਅੱਜ ਮੂਨਕ ਸ਼ਾਖਾ ਵਲੋਂ ਸਰਕਾਰੀ ਸਿਖਲਾਈ ਕੇਂਦਰ ਮਹਿਲਾ ਮੂਣਕ ਵਿਖੇ 300 ਬੂਟੇ ਲਗਾਏ ਗਏ।ਇਸ ਮੌਕੇ ਮੂਨਕ ਸ਼ਾਖਾ ਦੇ ਚੀਫ ਮੈਨੇਜਰ ਤਰਸੇਮ ਚੰਦ, ਸਰਕਾਰੀ ਸਿਖਲਾਈ ਕੇਂਦਰ ਮਹਿਲਾ ਮੂਣਕ ਦੇ ਪ੍ਰਿੰਸੀਪਲ ਗਗਨਦੀਪ ਸਿੰਗਲਾ, ਸਟਾਫ਼ ਮੈਂਬਰਾਂ, ਬੱਚਿਆਂ, ਸੰਗਰੂਰ ਦੇ ਲੀਡ ਬੈਂਕ ਮੈਨੇਜਰ ਸੰਜੀਵ ਅਗਰਵਾਲ, ਖੇਤਰੀ ਦਫ਼ਤਰ ਸੰਗਰੂਰ ਸਟਾਫ਼ ਵਿਕਾਸ ਚੋਪੜਾ, ਸੰਜੇ ਛਾਬੜਾ ਆਦਿ ਨੇ ਭਾਗ ਲਿਆ।