ਡੀ.ਏ.ਵੀ ਪਬਲਿਕ ਸਕੂਲ ਵਿਖੇ ਲਿੰਗ ਸੰਵੇਦਨਸ਼ੀਲਤਾ ਵਰਕਸ਼ਾਪ ਦਾ ਆਯੋਜਨ

ਅੰਮ੍ਰਿਤਸਰ, 14 ਮਾਰਚ (ਜਗਦੀਪ ਸਿੰਘ) – ਆਰੀਆ ਰਤਨ ਡਾ. ਪੂਨਮ ਸੂਰੀ ਪਦਮ ਸ੍ਰੀ ਪੁਰਸਕਾਰ ਜੇਤੂ ਪ੍ਰਧਾਨ ਡੀ.ਏ.ਵੀ.ਸੀ.ਐਮ.ਸੀ ਨਵੀਂ ਦਿੱਲੀ ਅਤੇ ਵੀ.ਕੇ ਚੋਪੜਾ ਡਾਇਰੈਕਟਰ (ਪਬਲਿਕ ਸਕੂਲ) ਡੀ.ਏ.ਵੀ.ਸੀ.ਐਮ.ਸੀ ਨਵੀਂ ਦਿੱਲੀ ਦੇ ਆਸ਼ੀਰਵਾਦ ਨਾਲ ਡੀ.ਏ.ਵੀ ਪਬਲਿਕ ਸਕੂਲ ਲਾਰੰਸ ਰੋਡ ਵਿਖੇ `ਲਿੰਗ ਸੰਵੇਦਨਸ਼ੀਲਤਾ` `ਤੇ ਇੱਕ ਵਿਸ਼ੇਸ਼ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਇਸ ਸੈਸ਼ਨ ਦਾ ਸੰਚਾਲਨ ਉਘੇ ਸਰੋਤ ਵਿਅਕਤੀਆਂ ਅਮਿਤ ਅਬਰੋਲ ਅਤੇ ਸ੍ਰੀਮਤੀ ਧਰਵਿੰਦਰ ਕੌਰ ਦੁਆਰਾ ਕੀਤਾ ਗਿਆ।ਅਮਿਤ ਅਬਰੋਲ ਇਸ ਸਮੇਂ ਡਿਵਾਈਨ ਪਬਲਿਕ ਸਕੂਲ ਮਲਿਆਂਵਾਲ (ਗੁਰਦਾਸਪੁਰ) ਵਿਖੇ ਡਾਇਰੈਕਟਰ ਵਜੋਂ ਸੇਵਾ ਨਿਭਾਅ ਰਹੇ ਹਨ।ਉਹ ਇੱਕ ਲਾਈਫ ਕੋਚ, ਪੇਰੇਂਟਿੰਗ ਕੋਚ, ਐਨ.ਐਲ.ਪੀ ਮਾਸਟਰ ਪ੍ਰ਼ੈਕਟੀਸ਼ਨਰ, ਡੀ.ਐਮ.ਆਈ.ਟੀ ਪ੍ਰੈਕਟੀਸ਼ਨਰ, ਮੈਮੋਰੀ ਟੇ੍ਰਨਰ, ਸਕੂਲ ਪ੍ਰਸ਼਼ਸਕ ਅਤੇ ਸੰਗੀਤਕਾਰ ਹਨ ਸ਼੍ਰੀਮਤੀ ਧਰਵਿੰਦਰ ਕੌਰ ਰਾਇਲ ਕੈਂਬਰਿਜ ਸਕੂਲ ਦੀ ਸੰਸਥਾਪਕ, ਪਿ੍ਰੰਸੀਪਲ ਅਤੇ ਇੱਕ ਸੀ.ਬੀ.ਐਸ.ਈ ਰਿਸੋਰਸ ਪਰਸਨ ਹਨ।ਉਹ ਇਤਿਹਾਸ ਦੇ ਵਿਸ਼ੇ ਵਿੱਚ ਪੋਸਟ ਗ੍ਰੈਜੂਏਟ ਹਨ।
ਸਰੋਤ ਵਿਅਕਤੀਆਂ ਨੇ ਵਿੱਦਿਅਕ ਸੰਸਥਾਵਾਂ ਅਤੇ ਸਮਾਜ ਵਿੱਚ ਲਿੰਗ ਸੰਵੇਦਨਸ਼ੀਲਤਾ ਦੀ ਮਹੱਤਤਾ ਬਾਰੇ ਵਿਚਾਰ ਸਾਂਝੇ ਕੀਤੇ।ਉਨ੍ਹਾਂ ਨੇ ਸਤਿਕਾਰ, ਸਮਾਨਤਾ, ਹਮਦਰਦੀ ਅਤੇ ਸਮਾਵੇਸ਼ ਨੂੰ ਉਤਸ਼ਾਹਿਤ ਕਰਨ ਦੀ ਜ਼ਰੂਰਤ `ਤੇ ਜ਼ੋਰ ਦਿੱਤਾ।ਆਪਸੀ ਵਿਚਾਰ ਵਟਾਂਦਰੇ, ਗਤੀਵਿਧੀਆਂ ਅਤੇ ਅਸਲ ਜੀਵਨ ਦੀਆਂ ਉਦਾਹਰਨਾਂ ਰਾਹੀਂ ਬੁਲਾਰਿਆਂ ਨੇ ਭਾਗੀਦਾਰਾਂ ਨੂੰ ਰੂੜ੍ਹੀਵਾਦੀ ਧਾਰਨਾਵਾਂ ਨੂੰ ਚੁਣੌਤੀ ਦੇਣ ਅਤੇ ਲਿੰਗ ਭੂਮਿਕਾਵਾਂ ਦੀ ਡੂੰਘੀ ਸਮਝ ਵਿਕਸਤ ਕਰਨ ਲਈ ਉਤਸ਼ਾਹਿਤ ਕੀਤਾ।ਸੈਸ਼ਨ ਸਾਰੇ ਵਿਅਕਤੀਆਂ ਵਿੱਚ ਨਿਰਪੱਖ ਵਿਵਹਾਰ, ਮਾਣ ਅਤੇ ਆਪਸੀ ਸਤਿਕਾਰ ਬਾਰੇ ਜਾਗਰੂਕਤਾ ਪੈਦਾ ਕਰਨ `ਤੇ ਕੇਂਦਰਿਤ ਸੀ।ਸਰੋਤ ਵਿਅਕਤੀਆਂ ਨੇ ਸਕੂਲ ਅਤੇ ਰੋਜ਼ਾਨਾ ਜੀਵਨ ਵਿੱਚ ਲਿੰਗ ਸਮਾਨਤਾ ਅਤੇ ਸੰਵੇਦਨਸ਼ੀਲਤਾ ਨੂੰ ਉਤਸ਼ਾਹਿਤ ਕਰਨ ਦੇ ਵਿਹਾਰਕ ਤਰੀਕੇ ਵੀ ਸੁਝਾਏ।
ਸਕੂਲ ਪਿ੍ਰੰਸੀਪਲ ਡਾ. ਪੱਲਵੀ ਸੇਠੀ ਨੇ ਸਰੋਤ ਵਿਅਕਤੀਆਂ ਦਾ ਉਨ੍ਹਾਂ ਦੇ ਗਿਆਨਵਰਧਕ ਸੈਸ਼ਨ ਲਈ ਦਿਲੋਂ ਧੰਨਵਾਦ ਕੀਤਾ।