ਤਹਿਸੀਲਦਾਰ ਵੱਲੋ ਅਜ਼ਾਦੀ ਦਿਹਾੜੇ ਮੌਕੇ ਵੰਡੇ ਗਏ ਸੱਦਾ ਪੱਤਰ ਉਪਰ ਛਪਿਆ ਨੀਲੇ ਰੰਗ ਦਾ ਤਿਰੰਗਾ

ਤਹਿਸੀਲਦਾਰ ਵੱਲੋ ਜੁੰਮੇਵਾਰੀ ਲੈਣ ਤੋ ਕੀਤੀ ਆਨਾ ਕਾਨ੍ਹੀ

ਪੱਟੀ, 13 ਅਗਸਤ (ਅਵਤਾਰ ਸਿੰਘ ਢਿੱਲੋ, ਰਣਜੀਤ ਮਾਹਲਾ) – ਅਜ਼ਾਦੀ ਦਿਹਾੜੇ ਨੂੰ ਸਮਰਪਿਤ ਪੱਟੀ ਵਿਖੇ ਸਵਤੰਤਰਾ ਦਿਵਸ ਸਿਵਲ ਪ੍ਰਸ਼ਾਸ਼ਨ ਵੱਲੋ ਮਨਾਇਆ ਜਾ ਰਿਹਾ ਹੈ।ਜਿਸ ਵਿੱਚ ਪ੍ਰਸ਼ਾਸ਼ਨ ਵੱਲੋ ਸਮਾਜਿਕ, ਰਾਜਨੀਤਿਕ ਅਤੇ ਸ਼ਹਿਰ ਵਾਸੀਆ ਨੂੰ ਸਮਾਗਮ ਵਿੱਚ ਸ਼ਾਮਿਲ ਹੋਣ ਲਈ ਸੱਦੇ ਪੱਤਰ ਭੇਜੇ ਗਏ ਹਨ।ਪਰ ਹੈਰਾਨੀ ਜਨਕ ਗੱਲ ਇਹ ਹੈ ਕਿ ਜੋ ਸੱਦਾ ਪੱਤਰ ਤਹਿਸੀਲਦਾਰ ਵੱਲੋ ਭੇਜਿਆ ਗਿਆ ਹੈ ਉਸ ਉਪਰ ਦੇਸ਼ ਦੇ ਕੌਮੀ ਝੰਡੇ ਤਿਰੰਗੇ ਦਾ ਰੰਗ ਨੀਲਾ ਛਪਿਆ ਹੈ।ਇਸ ਮੌਕੇ ਜਦੋਂ ਤਹਿਸੀਲਦਾਰ ਹਰਫੂਲ ਸਿੰਘ ਗਿੱਲ ਦਾ ਗੱਲਬਾਤ ਕੀਤੀ ਗਈ ਤਾ ਉਹਨਾ ਵੱਲੋ ਕਿਹਾ ਕਿ ਇਹ ਲਾਪਰਵਾਹੀ ਪ੍ਰਿੰਟਿੰਗ ਪ੍ਰੈਸ ਵੱਲੋ ਕੀਤੀ ਗਈ ਹੈ।ਇਹ ਪੁੱਛਣ ‘ਤੇ ਕਿ ਸੱਦਾ ਪੱਤਰ ਭੇਜਣ ਤੋਂ ਪਹਿਲਾ ਆਪਜੀ ਵੱਲੋਂ ਚੈਂਕ ਨਹੀ ਕੀਤੇ ਗਏ ਤਾ ਤਹਿਸੀਲਦਾਰ ਵੱਲੋ ਇਸ ਦਾ ਜਵਾਬ ਦੇਣ ਦੀ ਥਾ ਟੈਲੀਫੋਨ ਨੂੰ ਬੰਦ ਕਰ ਦਿੱਤਾ ਗਿਆ।ਪ੍ਰਸ਼ਾਸ਼ਨਿਕ ਅਧਿਾਰੀਆ ਵੱਲੋ ਦੇਸ਼ ਦੇ ਕੌਮੀ ਝੰਡੇ ਦਾ ਨਿਰਾਦਰ ਕਰਨ ‘ਤੇ ਆਮ ਨਾਗਰਿਕਾ ਦੇ ਦਿਲਾ ਨੂੰ ਜਿਥੇ ਠੇਸ ਪਹੁੰਚੀ ਹੈ, ਉਥੇ ਇਹਨਾਂ ਵਿੱਰੁਧ ਸਰਕਾਰ ਵੱਲੋ ਕੀ ਕਾਰਵਾਈ ਕੀਤੀ ਜਾਂਦੀ ਹੈ।