ਦੀਪ ਦਵਿੰਦਰ ਸਿੰਘ ਰੇਡੀਓ ਤੋਂ ਕਹਾਣੀ ਪੜ੍ਹਣਗੇ

ਅੰਮ੍ਰਿਤਸਰ, 7 ਜਨਵਰੀ (ਜਗਦੀਪ ਸਿੰਘ ਸੱਗੂ)- ਕੇਂਦਰੀ ਪੰਜਾਬੀ ਲੇਖਕ ਸਭਾ ਦੇ ਮੀਤ ਪ੍ਰਧਾਨ ਅਤੇ ਚਰਚਿਤ ਕਥਾਕਾਰ ਦੀਪ ਦਵਿੰਦਰ ਸਿੰਘ ਅਕਾਸ਼ਵਾਣੀ ਜਲੰਧਰ ਤੋਂ ਕਹਾਣੀ ਪੜ੍ਹਣਗੇ। ਜਨਵਾਦੀ ਲੇਖਕ ਸੰਘ ਦੇ ਪ੍ਰਧਾਨ ਸ੍ਰੀ ਦੇਵ ਦਰਦ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ 9 ਜਨਵਰੀ ਸ਼ਨੀਵਾਰ ਰਾਤ 8:00 ਵਜੇ ਅਕਾਸ਼ਵਾਣੀ ਜਲੰਧਰ ਤੋਂ ਪ੍ਰਸਾਰਿਤ ਹੋਣ ਵਾਲੇ ਪ੍ਰੋਗਰਾਮ ‘ਵਗਦੇ ਪਾਣੀ’ ਦੇ ਅੰਤਰਗਤ ‘ਮੇਰੀ ਨਵੀਂ ਕਹਾਣੀ’ ਸਿਰਲੇਖ ਹੇਠ ਚਲਦੀ ਲੜੀ ਤਹਿਤ ਪੇਸ਼ ਕੀਤੇ ਜਾਣ ਵਾਲੇ ਇਸ ਪ੍ਰੋਗਰਾਮ ਵਿੱਚ ਆਪਣੀ ਬਹੁ-ਚਰਚਿਤ ਕਹਾਣੀ ‘ਸੱਕਰ ਹੋਈ ਵਿਸ’ ਪੜ੍ਹਣਗੇ।