ਖੇਤੀਬਾੜੀ ਵਿਭਾਗ ਨੇ ‘ਚ 2 ਏਕੜ ਅਗੇਤਾ ਬੀਜਿਆ ਝੋਨਾ ਵਾਹਿਆ

ਫਾਜਿਲਕਾ,  30  ਮਈ  (ਵਿਨੀਤ ਅਰੋੜਾ)-  ਪੰਜਾਬ ਸਰਕਾਰ ਵੱਲੋਂ ਸੂਬੇ ਅੰਦਰ ਪਾਣੀ ਦੇ ਡਿੱਗ ਰਹੇ ਪੱਧਰ ਨੂੰ ਉੱਚਾ ਚੁੱਕਣ ਲਈ 10 ਜੂਨ ਤੋਂ ਪਹਿਲਾ ਝੋਨੇ ਦੀ ਬਿਜਾਈਂ ‘ਤੇ ਲਗਾਈ ਪਾਬੰਦੀ ਦੇ ਮੱਦੇਨਜ਼ਰ ਸਥਾਨਕ ਖੇਤੀਬਾੜੀ ਵਿਭਾਗ ਨੇ ਹਿੰਦ ਪਾਕਿਸਤਾਨ ਅੰਤਰਰਾਸ਼ਟਰੀ ਸਰਹੱਦ ਨਾਲ ਲਗਦੇ ਪਿੰਡ ਤੇਜਾ ਰੁਹੇਲਾ ਵਿਖੇ ਦੋ ਕਿਸਾਨਾਂ ਵੱਲੋਂ ਲਗਾਏ ਗਏ ਕਰੀਬ 2 ਏਕੜ ਝੋਨੇ ਦੀ ਫ਼ਸਲ ਨੂੰ ਵਾਹ ਦਿੱਤਾ। ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ ਨੂੰ ਸੂਚਨਾ ਮਿਲੀ ਕਿ ਪਿੰਡ ਗੱਟੀ ਨੰਬਰ 3 ਤੇਜਾ ਰੁਹੇਲਾ ਵਿਖੇ ਕਿਸਾਨ ਦੀਵਾਨ ਸਿੰਘ ਤੇ ਮੁਨਸ਼ਾ ਸਿੰਘ ਵੱਲੋਂ ਦੋ ਏਕੜ ਝੋਨੇ ਦੀ ਅਗੇਤੀ ਬਿਜਾਈ ਕੀਤੀ ਗਈ ਹੈ। ਜਿਸ ‘ਤੇ ਸਥਾਨਕ ਖੇਤੀਬਾੜੀ ਵਿਭਾਗ ਦੇ ਅਧਿਕਾਰੀਆਂ, ਜਿਨ੍ਹਾਂ ਏ.ਡੀ.ਓ. ਡਾ. ਬਲਦੇਵ ਸਿੰਘ ਦੀ ਅਗਵਾਈ ਹੇਠ ਮੌਕੇ ‘ਤੇ ਪੁੱਜੀ ਟੀਮ ਨੇ ਦੀ ਪੰਜਾਬ ਪਰੀਜਰਵੇਸ਼ਨ ਆਫ ਸਬ ਸੁਇਲ ਵਾਟਰ ਐਕਟ 2009 ਅਧੀਨ ਬੀਜਿਆਂ ਝੋਨਾ ਵਾਹ ਦਿੱਤਾ। ਉਨ੍ਹਾਂ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਪੰਜਾਬ ਦੇ ਭਵਿੱਖ ਲਈ ਸੂਬੇ ਅੰਦਰ ਪਾਣੀ ਦੇ ਡਿਗ ਰਹੇ ਪੱਧਰ ਨੂੰ ਮੁੱਖ ਰੱਖਦੇ ਹੋਏ 15 ਜੂਨ ਤੋਂ ਪਹਿਲਾ ਝੋਨੇ ਦੀ ਬਿਜਾਈਂ ਨਾ ਕਰਨ ਤੇ 5 ਜੁਲਾਈ ਤੋਂ ਪਹਿਲਾ ਬਾਸਮਤੀ ਦੀ ਬਿਜਾਈ ਨਾ ਕਰਨ।