ਹਲਕਾ ਖੇਮਕਰਨ `ਚ ਭੁੱਲਰ ਦੀ ਹੂੰਝਾ ਫੇਰ ਜਿੱਤ ਤੋਂ ਬਾਅਦ ਖੁਸ਼ੀ ਦਾ ਮਾਹੋਲ

ਅਲ਼ਗੋਂ ਕੋਠੀ, 15 ਮਾਰਚ (ਹਰਦਿਆਲ ਭੈਣੀ, ਦਲਜਿੰਦਰ ਰਾਜਪੂਤ) – ਹਲਕਾ ਖੇਮਕਰਨ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਸੁਖਪਾਲ ਸਿੰਘ ਭੁੱਲਰ ਦੀ ਜਿੱਤ ਅਤੇ ਸੂਬੇ ਅੰਦਰ ਕਾਂਗਰਸ ਪਾਰਟੀ ਦੀ ਸਰਕਾਰ ਬਨਣ `ਤੇ ਲਗਾਤਾਰ ਖੁਸ਼ੀ ਦੇ ਜਸ਼ਨ ਮਨਾਏ ਜਾ ਰਹੇ ਹਨ।ਹਲਕੇ ਦੇ ਕਾਂਗਰਸੀ ਆਗੂਆਂ ਰਾਜ ਕੁਮਾਰ ਅਲਗੋਕੋਠੀ, ਗੁਰਜੰਟ ਸਿੰਘ ਵੱਡਾ ਭਗਵਾਨਪੁਰਾ, ਕਰਮ ਸਿੰਘ ਅਲਗੋਂ ਕੋਠੀ, ਸੁਖਰਾਜ ਹਾਂਡਾ ਅਲਗੋਂ ਕੋਠੀ, ਪ੍ਰਿਥੀ ਸ਼ਾਹ ਅਲਗੋਂ ਕੋਠੀ, ਗੁਰਮੀਤ ਸਿੰਘ ਅਲਗੋਂ ਕੋਠੀ ਨੇ ਕਿਹਾ ਕਿ ਅਕਾਲੀ ਦਲ ਨੂੰ ਗਲਤ ਨੀਤੀਆਂ ਕਾਰਨ ਹਾਰ ਦਾ ਮੁੰਹ ਵੇਖਣਾ ਪਿਆ ਹੈ ।ਉਨਾਂ ਕਿਹਾ ਕਿ ਪੰਜਾਬ ਸੂਬੇ ਨੂੰ ਕੈਪਟਨ ਅਮਰਿੰਦਰ ਸਿੰਘ ਵਰਗੇ ਚੰਗੇ ਸਿਆਸਤਦਾਨ ਦੀ ਲੋੜ ਸੀ, ਇਸੇ ਕਰ ਕੇ ਹੀ ਲੋਕਾਂ ਨੇ  ਕਾਂਗਰਸ ਪਾਰਟੀ ਦੇ ਹੱਕ ਵਿਚ ਫਤਵਾ ਦਿਤਾ ਹੈ।ਉਨਾਂ ਕਿਹਾ ਕਿ ਹਲਕੇ ਖੇਮਕਰਨ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਸੁਖਪਾਲ ਸਿੰਘ ਭੁੱਲਰ ਨੇ ਜਿੱਤ ਪ੍ਰਾਪਤ ਇਤਿਹਾਸ ਸਿਰਜਿਆ ਹੈ ਤੇ ਖੇਮਕਰਨ ਹਲਕੇ `ਚ ਬਿਨਾ ਕਿਸੇ ਭੇਦ ਭਾਵ ਦੇ ਵਿਕਾਸ ਕਰਵਾਇਆ ਜਾਵੇਗਾ ।