ਚੈਂਪੀਅਨ ਸਪੋਰਟਸ ਕਲੱਬ ਵਲੋਂ ਡਾਇਰੈਕਟਰ ਸਪੋਰਟਸ ਡਾ. ਸੁਖਦੇਵ ਸਿੰਘ ਸਨਮਾਨਿਤ

ਅੰਮ੍ਰਿਤਸਰ, 19 ਮਈ (ਪੰਜਾਬ ਪੋਸਟ- ਸੰਧੂ) – ਅੰਮ੍ਰਿਤਸਰ ਦੀ ਨਾਮਵਰ ਖੇਡ ਸੰਸਥਾ ਚੈਂਪੀਅਨ ਸਪੋਰਟਸ ਕਲੱਬ ਰਜਿ: ਅੰਮ੍ਰਿਤਸਰ ਦੇ ਵੱਲੋਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਨਵਨਿਯੁੱਕਤ ਡਾਇਰੈਕਟਰ ਸਪੋਰਟਸ ਪ੍ਰੋ. ਡਾ. ਸੁਖਦੇਵ ਸਿੰਘ ਨੂੰ ਉਚੇਚੇ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।ਸਨਮਾਨਿਤ ਕਰਨ ਦੀ ਰਸਮ ਸਬ ਜੂਨੀਅਰ ਤੇ ਜੂਨੀਅਰ ਮਹਿਲਾ ਬਾਕਸਿੰਗ ਚੈਂਪੀਅਨਸ਼ਿਪ ਦੀਆਂ ਤਿੰਨ ਚੈਂਪੀਅਨ ਬਾਕਸਰਾਂ ਐਨਮ ਸੰਧੂ, ਦੀਕਸ਼ਾ ਰਾਜਪੂਤ, ਕੋਮਲਪ੍ਰੀਤ ਤੋਂ ਇਲਾਵਾ ਬਾਕਸਿੰਗ ਖੇਡ ਖੇਤਰ ਦੇ ਕੱਦਵਾਰ ਕੋਚ ਬਲਕਾਰ ਸਿੰਘ, ਹਾਕੀ ਖੇਡ ਖੇਤਰ ਦੇ ਰਾਸ਼ਟਰੀ ਕੋਚ ਤੇ ਡੀ.ਪੀ.ਈ ਸਲਵਿੰਦਰ ਸਿੰਘ ਅਤੇ ਅੰਤਰਰਾਸ਼ਟਰੀ ਹਾਕੀ ਖਿਡਾਰੀ/ਸਾਬਕਾ ਏ.ਈ.ਓ ਕੁਲਜਿੰਦਰ ਸਿੰਘ ਮੱਲ੍ਹੀ ਨੇ ਸਾਂਝੇ ਤੌਰ ਤੇ ਅਦਾ ਕੀਤੀ।
ਰਾਸ਼ਟਰੀ ਬਾਕਸਿੰਗ ਕੋਚ ਬਲਕਾਰ ਸਿੰਘ ਨੇ ਕਿਹਾ ਕਿ ਉਨ੍ਹਾਂ ਦੀ ਕਲੱਬ ਦੇ ਸਮਹ ਅਹੁੱਦੇਦਾਰਾਂ ਤੇ ਮੈਂਬਰਾਂ ਦੇ ਵੱਲੋਂ ਬਾਕਸਿੰਗ ਖੇਡ ਖੇਤਰ ਦੀਆਂ ਤਿੰਨ ਚੈਂਪੀਅਨ ਮੈਰੀਕੋਮਾ ਦੇ ਕੋਲੋਂ ਜੀ.ਐਨ.ਡੀ.ਯੂ ਡਾਇਰੈਕਟਰ ਸਪੋਰਟਸ ਪ੍ਰੋ. ਡਾ. ਸੁਖਦੇਵ ਸਿੰਘ ਨੂੰ ਸਨਮਾਨਿਤ ਕਰਵਾ ਕੇ ਇੱਕ ਨਵੀਂ ਪਿਰਤ ਸ਼ੁਰੂ ਕੀਤੀ ਹੈ ਜਿਸ ਦੇ ਨਾਲ ਲੜਕੀਆਂ ਦੇ ਮਾਨ-ਸਨਮਾਨ ਦੇ ਵਿੱਚ ਹੋਰ ਵੀ ਵਾਧਾ ਹੋਇਆ ਹੈ।ਉਨ੍ਹਾਂ ਕਿਹਾ ਜੀ.ਐਨ.ਡੀ.ਯੂ ਡਾਇਰੈਕਟਰ ਸਪੋਰਟਸ ਪ੍ਰੋ. ਡਾ. ਸੁਖਦੇਵ ਸਿੰਘ ਦੇ ਵੱਲੋਂ ਖੇਡ ਖੇਤਰ ਨੂੰ ਦਿੱਤੇ ਗਏ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਪੱਧਰ ਦੇ ਖਿਡਾਰੀਆਂ ਵਿੱਚ ਵੀ ਵੱਡੀ ਗਿਣਤੀ ਲੜਕੀਆਂ ਦੀ ਹੈ।ਉਨ੍ਹਾਂ ਕਿਹਾ ਕਿ ਆਸ ਕੀਤੀ ਜਾਂਦੀ ਹੈ ਕਿ ਡਾ. ਸੁਖਦੇਵ ਸਿੰਘ ਦੀ ਅਗੁਵਾਈ ਦੇ ਵਿੱਚ ਦੇਸ਼ ਦੀ ਸੱਭ ਤੋਂ ਵੱਡਾ ਸਨਮਾਨ ਅਬੁਲ ਕਲਾਮ ਟ੍ਰਾਫੀ ਇਸ ਵਾਰ ਜੀ.ਐਨ.ਡੀ.ਯੂ ਜਿੱਤੇਗੀ। ਇਸ ਮੌਕੇ ਡੀ.ਪੀ.ਈ. ਸਲਵਿੰਦਰ ਸਿੰਘ, ਸਾਬਕਾ ਏ.ਈ.ਓ ਕੁਲਜਿੰਦਰ ਸਿੰਘ ਮੱਲ੍ਹੀ, ਪੋ੍ਰ. ਡਾ. ਬਲਜਿੰਦਰ ਸਿੰਘ ਬੱਲ, ਪ੍ਰੋ. ਅਮਨਦੀਪ ਸਿੰਘ, ਐਨਮ ਸੰਧੂ, ਦੀਕਸ਼ਾ, ਕੋਮਲਪ੍ਰੀਤ, ਕੋਚ ਰਣਜੀਤ ਸਿੰਘ, ਮਨਦੀਪ ਸਿੰਘ, ਸਿਮਰਤਪਾਲ ਸਿੰਘ, ਹਰਜੀਤ ਕੌਰ ਬੁੁੱਟਰ ਆਦਿ ਹਾਜ਼ਰ ਸਨ।