ਬਿੱਟੂ ਬਹਿਰੀਨ ਵੱਲੋਂ ਸੁਧੀਰ ਪਹਿਲਵਾਨ ਦਾ ਸੋਨੇ ਦੀ ਮੁੰਦੀ ਨਾਲ ਸਨਮਾਨ

ਸਮਰਾਲਾ, 1 ਸਤੰਬਰ (ਪੰਜਾਬ ਪੋਸਟ-ਕੰਗ) – ਇੱਥੋਂ ਨਜਦੀਕੀ ਪਿੰਡ ਹਰਿਓਂ ਕਲਾਂ ਵਿਖੇ ਕਰਵਾਏ ਕੁਸ਼ਤੀ ਦੰਗਲ ਦੌਰਾਨ ਇਸ ਪਿੰਡ ਦੇ ਵਸਨੀਕ ਬਿੱਟੂ ਜੋ ਕਿ ਅੱਜਕਲ ਬਹਿਰੀਨ ਵਿਖੇ ਰਹਿ ਰਿਹਾ ਹੈ ਅਤੇ ਆਪਣੇ ਸਮੇਂ ਵਿੱਚ ਚੋਟੀ ਦਾ ਕਬੱਡੀ ਖਿਡਾਰੀ ਹੁੰਦਾ ਸੀ ਨੇ, ਵੱਖ ਵੱਖ ਕੁਸ਼ਤੀ ਦੰਗਲਾਂ ਵਿੱਚ ਜਾ ਕੇ ਇਸ ਪਿੰਡ ਦਾ ਨਾਂਓ ਚਮਕਾ ਰਹੇ ਇਸ ਪਿੰਡ ਦੇ ਵਸਨੀਕ ਅਤੇ ਪਹਿਲਵਾਨ ਸੁਧੀਰ ਦੀ ਹੌਸਲਾ ਅਫਜਾਈ ਲਈ ਸਮਰਾਲਾ ਦੇ ਹਲਕਾ ਵਿਧਾਇਕ ਅਮਰੀਕ ਸਿੰਘ ਢਿੱਲੋਂ ਰਾਹੀਂ ਸੋਨੇ ਦੀ ਮੁੰਦਰੀ ਪਾ ਕੇ ਉਸ ਦਾ ਸਨਮਾਨ ਕੀਤਾ ਗਿਆ।ਜਿਕਰਯੋਗ ਹੈ ਕਿ ਬਿੱਟੂ ਬਹਿਰੀਨ ਨੇ ਪਹਿਲਾਂ ਹੋਏ ਕੁਸ਼ਤੀ ਦੰਗਲਾਂ ਦੌਰਾਨ ਸੁਧੀਰ ਪਹਿਲਵਾਨ ਸਮੇਤ ਕਈ ਹੋਰ ਪਹਿਲਵਾਨਾਂ ਨੂੰ ਦੇਸੀ ਘਿਓ ਦੇ ਪੀਪੇ ਦੇ ਕੇ ਸਨਮਾਨਿਤ ਕੀਤਾ ਗਿਆ ਸੀ।