ਲਾਇਸੰਸੀ ਹਥਿਆਰ ਤੇ ਅਸਲਾ ਤਿੰਨ ਦਿੰਨਾਂ `ਚ ਜਮਾਂ ਕਰਵਾਉਣ ਦੇ ਆਦੇਸ਼

ਪਠਾਨਕੋਟ, 15 ਸਤੰਬਰ (ਪੰਜਾਬ ਪੋਸਟ ਬਿਊਰੋ) – ਵਧੀਕ ਜਿਲਾ ਮੈਜੀਸਟਰੇਟ ਕੁਲਵੰਤ ਸਿੰਘ ਆਈ.ਏ.ਐਸ ਨੇ ਇੱਕ ਹੁਕਮ ਰਾਹੀਂ ਜਿਲੇ ਅੰਦਰ ਚੋਣਾਂ ਨੂੰ ਸ਼ਾਂਤੀਪੂਰਵਕ ਕਰਵਾਉਣ ਅਤੇ ਕਾਨੂੰਨ ਨੂੰ ਬਣਾਈ ਰੱਖਣ ਲਈ ਜਿਲਾ ਪਠਾਨਕੋਟ ਦੇ ਸਮੂਹ ਲਾਇਸੰਸ ਅਸਲਾ ਧਾਰਕਾਂ ਨੂੰ ਕਿਹਾ ਕਿ ਉਹ ਆਪਣੇ ਲਾਇਸੰਸ ਹਥਿਆਰ ਅਤੇ ਅਸਲਾ ਤਿੰਨ ਦਿੰਨਾਂ ਦੇ ਅੰਦਰ ਅੰਦਰ ਪੁਲਿਸ ਥਾਣਿਆਂ ਅਤੇ ਨੇੜਲੇ ਆਰਮਜ ਹਾਊਸ ਵਿਖੇ ਜਮਾ ਕਰਵਾਉਣ।
ਉਨਾਂ ਆਪਣੇ ਹੁਕਮ ਵਿੱਚ ਇਹ ਵੀ ਸਪੱਟਸ਼ ਕੀਤਾ ਗਿਆ ਹੈ ਕਿ ਕੋਈ ਵੀ ਵਿਅਕਤੀਗਤ ਤੌਰ ‘ਤੇ ਆਪਣੇ ਕੋਲ ਲਾਇਸੰਸ ਹਥਿਆਰ ਰੱਖਣ ਲਈ ਇਸ ਆਦੇ ਵਿਰੁੱਧ ਜਿਲਾ ਮੈਜਿਸਟਰੇਟ ਜਾਂ ਡਿਪਟੀ ਕਮਿਨਰ ਦੇ ਦਫਤਰ ਜਿਲਾ ਪ੍ਰਬੰਧਕੀ ਕੰਪਲੈਕਸ ਪਠਾਨਕੋਟ ਵਿਖੇ ਸਾਰੇ ਕੰਮ ਕਾਜ ਵਾਲੇ ਦਿਨ ਅਪੀਲ ਕਰ ਸਕਦਾ ਹੈ।ਉਨਾਂ ਅੱਗੇ ਹੁਕਮ ਕੀਤਾ ਕਿ ਚੋਣਾਂ ਦੇ ਨਤੀਜੇ ਤੋਂ ਇੱਕ ਹਫਤੇ ਬਾਅਦ ਜਮਾਂ ਕੀਤੇ ਹਥਿਆਰ ਅਤੇ ਅਸਲਾ ਵਾਪਸ ਲਿਆ ਜਾ ਸਕਦਾ ਹੈ।