ਹੈਲਥ ਸੈਂਟਰ ਕੋਲ ਚੈਕਿੰਗ ਲਈ ਨਹੀਂ ਆਏ ਕੋਈ ਆਦੇਸ਼………

ਸੰਦੌੜ, 9 ਅਕਤੂਬਰ (ਪੰਜਾਬ ਪੋਸਟ- ਹਰਮਿੰਦਰ ਸਿੰਘ ਭੱਟ) – ਦੀਵਾਲੀ ਅਤੇ ਹੋਰ ਤਿਉਹਾਰਾਂ ਦੇ ਮੱਦੇਨਜ਼ਰ ਪੰਜਾਬ ਭਰ ਵਿੱਚ ਦੁਕਾਨਾਂ `ਤੇ ਧੜਾਧੜ ਵਿਕ ਰਹੀਆਂ ਮਿਠਾਈਆਂ ਅਤੇ ਸਬਜੀਆਂ, ਫਲ ਫਰੂਟਾਂ ਤੋਂ ਇਲਾਵਾ ਰੇੜੀਆਂ ਆਦਿ ਤੇ ਵੇਚੇ ਜਾ ਰਹੇ ਫਾਸਟ ਫੂਡ ਲਾਇਲਾਜ ਬਿਮਾਰੀਆਂ ਨੰੂ ਸੱਦਾ ਦੇ ਰਹੇ ਪ੍ਰਤੀਤ ਹੋ ਰਹੇ ਹਨ।ਇਨਾਂ ਗੱਲਾਂ ਦੀਆਂ ਕਸਬੇ ਸੰਦੌੜ ਵਿਖੇ ਬੇਅੰਤ ਉਦਾਹਰਨਾਂ ਗਵਾਹੀਆਂ ਭਰਦੀਆਂ ਸੜਕਾਂ ਦੇ ਕਿਨਾਰਿਆਂ `ਤੇ ਲੱਗੀਆਂ ਰੇਹੜੀਆਂ ਆਮ ਦੇਖੀਆਂ ਜਾ ਸਕਦੀਆਂ ਹਨ।ਸੂਝਵਾਨ ਲੋਕਾਂ ਨੇ ਅਪੀਲ ਕੀਤੀ ਹੈ ਕਿ ਮਿਠਾਈਆਂ, ਪਨੀਰ ਅਤੇ ਹੋਰ ਖਾਣ ਵਾਲੀਆਂ ਚੀਜ਼ਾਂ ਵਿਚ ਮਿਲਾਵਟ `ਤੇ ਰੋਕ ਲੱਗੇ।
ਜਦੋਂ ਹੈਲਥ ਸੈਂਟਰ ਪੰਜਗਰਾਈਆਂ ਦੇ ਇੰਸਪੈਕਟਰ ਗੁਲਜਾਰ ਖਾਂ ਨਾਲ ਗੱਲ ਕੀਤੀ ਗਈ ਤਾਂ ਉਨਾਂ ਕਿਹਾ ਕਿ ਅਜੇ ਤੱਕ ਉਨਾਂ ਕੋਲ ਉਪਰੋਂ ਚੈਕਿੰਗ ਕਰਨ ਦੇ ਕੋਈ ਕੋਈ ਆਦੇਸ਼ ਨਹੀਂ ਆਏ।ਇਸ ਸੰਬੰਧੀ ਆਦੇਸ਼ ਆਉਣ ਉਪਰੰਤ ਚੈਕਿੰਗ ਜਰੂਰ ਕੀਤੀ ਜਾਵੇਗੀ।