ਮਲਟੀਨੈਸ਼ਨਲ ਆਈ.ਟੀ ਕੰਪਨੀ ਵਲੋਂ ਯੂਨੀਵਰਸਿਟੀ `ਚ ਵਿਦਿਆਰਥੀਆਂ ਦੀ ਕੈਂਪਸ ਪਲੇਸਮੈਂਟ

ਅੰਮ੍ਰਿਤਸਰ, 1 ਫਰਵਰੀ (ਪੰਜਾਬ ਪੋਸਟ- ਸੁਖਬੀਰ ਸਿੰਘ ਖੁਰਮਣੀਆ) – ਬੰਗਲੌਰ ਤੋਂ ਇਕ ਮਲਟੀਨੈਸ਼ਨਲ ਆਈ.ਟੀ ਕੰਪਨੀ, ਸਾਫਟਵੇਅਰ ਏ.ਜੀ ਨੇੇ ਈ.ਸੀ.ਈ ਅਤੇ ਸੀ.ਐਸ.ਈ ਵਿਭਾਗ ਦੇ ਵਿਦਿਆਰਥੀਆਂ ਦੀ ਕੈਂਪਸ ਪਲੇਸਮੈਂਟ ਲਈ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦਾ ਦੌਰਾ ਕੀਤਾ।ਕੰਪਨੀ ਨੇ ਬੀ.ਟੈਕ ਸੀ.ਐਸ.ਈ ਦੇ 8 ਵਿਦਿਆਰਥੀਆਂ ਤਨਖਾਹ ਪੈਕੇਜ `ਤੇ 5.35 ਲੱਖ ਪ੍ਰਤੀ ਸਾਲ ‘ਤੇ ਚੋਣ ਕੀਤੀ।
ਇਕ ਹੋਰ ਯੂ.ਐਸ.ਏ ਅਧਾਰਤ ਬਹੁਰਾਸ਼ਟਰੀ ਕੰਪਨੀ ਹਾਸ਼ਮੈਪ ਨੇ ਬੀ.ਟੈਕ ਲਈ ਕੈਂਪਸ ਪਲੇਸਮੈਂਟ ਪ੍ਰਕਿਰਿਆ ਦਾ ਆਯੋਜਨ ਕੀਤਾ।ਬੀ.ਟੈਕ, ਸੀ.ਐਸ.ਈ, ਐਮ.ਟੇਕ, ਈ.ਸੀ.ਈ, ਐਮ.ਟੇਕ, ਸੀ.ਐਸ.ਈ ਅਤੇ ਐਮ.ਸੀ.ਏ ਵਿਦਿਆਰਥੀ ਦੀ ਪ੍ਰੀਖਿਆ ਅਤੇ ਇੰਟਰਵਿਊ ਤੋਂ ਬਾਅਦ ਕੰਪਨੀ ਨੇ 7 ਵਿਦਿਆਰਥੀਆਂ ਦੀ ਚੋਣ ਕੀਤੀ।ਕੰਪਨੀ ਨੇ 2 ਵਿਦਿਆਰਥੀਆਂ ਨੂੰ 5 ਲੱਖ ਰੁਪਏ ਸਾਲਾਨਾ ਅਤੇ 5 ਵਿਦਿਆਰਥੀਆਂ ਨੂੰ 4.5 ਲੱਖ ਰੁਪਏ ਸਾਲਾਨਾ ਦੀ ਪੇਸ਼ਕਸ਼ ਕੀਤੀ।
ਚੋਣ ਪ੍ਰਕਿਰਿਆ ਵਿੱਚ ਅਨੁਕੂਲਤਾ ਅਤੇ ਤਕਨੀਕੀ ਟੈਸਟ ਤੋਂ ਬਾਅਦ ਤਕਨੀਕੀ ਅਤੇ ਐੱਚ.ਆਰ ਇੰਟਰਵਿਊ ਸ਼ਾਮਲ ਸੀ।ਅੰਮ੍ਰਿਤਸਰ, ਜਲੰਧਰ, ਗੁਰਦਾਸਪੁਰ ਅਤੇ ਸਠਿਆਲਾ ਦੇ ਲਗਭਗ 100 ਵਿਦਿਆਰਥੀ ਟੈਸਟ ਅਤੇ ਇੰਟਰਵਿਊ ਵਿੱਚ ਆਏ।ਜੂਨ 2018 ਵਿੱਚ ਨਵੇਂ ਭਰਤੀ ਹੋਣ ਵਾਲੇ ਸਾਫਟਵੇਅਰ ਏ.ਜੀ ਵਿਚ ਸ਼ਾਮਲ ਹੋਣਗੇ।ਹਸ਼ਾਮਪ ਦੁਆਰਾ ਚੁਣੇ ਵਿਦਿਆਰਥੀ ਅਪ੍ਰੈਲ, 2018 ਨੂੰ ਪੁਣੇ ਦੇ ਦਫਤਰ ਵਿਚ ਸ਼ਾਮਲ ਹੋਣਗੇ।
ਡਾ. ਹਰਦੀਪ ਸਿੰਘ, ਪ੍ਰੋਫੈਸਰ ਇੰਚਚਾਰਜ, ਪਲੇਸਮੈਂਟ ਅਤੇ ਡਾ. ਅਮਿਤ ਚੋਪੜਾ, ਅਸਿਸਟੈਂਟ, ਪਲੇਸਮੈਂਟ ਅਫਸਰ ਨੇ ਵਿਦਿਆਰਥੀਆਂ ਨੂੰ ਇਸ ਸ਼ਾਨਦਾਰ ਸਫਲਤਾ `ਤੇ ਵਧਾਈ ਦਿੱਤੀ।