ਪੁਲਿਸ ਚੌਕੀ ਰਾਣੀ ਕਾ ਬਾਗ ਦੀ ਇਮਾਰਤ ਦੇ ਉਦਘਾਟਨ ਉਪਰੰਤ ਕੀਤੀ ਪੁਲਿਸ ਪਬਲਿਕ ਮੀਟਿੰਗ

ਅੰਮ੍ਰਿਤਸਰ, 5 ਫਰਵਰੀ (ਪੰਜਾਬ ਪੋਸਟ- ਸੁਖਬੀਰ ਸਿੰਘ) – ਪਬਲਿਕ ਅਤੇ ਕਮਰਚਾਰੀਆਂ ਦੇ ਬੈਠਣ ਲਈ ਜਗ੍ਹਾ ਦੇ ਸਹੀ ਪ੍ਰਬੰਧ ਨੂੰ ਦੇਖਦਿਆਂ ਥਾਣੇ ਅਤੇ ਚੌਕੀਆਂ ਦੀਆਂ ਇਮਾਰਤਾਂ ਦੀ ਉਸਾਰੀ ਤੇ ਸਹੀ ਰੱਖ-ਰਖਾਵ ਤਹਿਤ ਪੁਲਿਸ ਚੌਕੀ ਰਾਣੀ ਕਾ ਬਾਗ ਦੀ ਇਮਾਰਤ ਨੂੰ ਸਹੀ ਢੰਗ ਨਾਲ ਬਣਾਇਆ ਗਿਆ ਹੈ।ਜਿਸ ਵਿੱਚ ਦਫ਼ਤਰ ਕਰਮਚਾਰੀਆਂ ਲਈ ਬੈਰਕ, ਚੌਕੀ ਦੀ ਚਾਰਦਵਾਰੀ ਅਤੇ ਪਬਲਿਕ ਦੇ ਬੈਠਣ ਲਈ ਵਿਜ਼ਟਰ ਹਾਲ ਬਣਾਇਆ ਗਿਆ।ਇਸ ਦਾ ਉਦਘਾਟਨ ਏ.ਡੀ.ਪੀ ਸਿਟੀ-2 ਲਖਬੀਰ ਸਿੰਘ,ਪੀ.ਪੀ.ਐਸ ਵਲੋ ਕੀਤਾ ਗਿਆ ਅਤੇ ਚੌਕੀ ਵਿੱਚ ਪੁਲਿਸ ਪਬਲਿਕ ਮੀਟਿੰਗ ਵੀ ਕੀਤੀ ਗਈ।ਮੀਟਿੰਗ ਵਿੱਚ ਇਲਾਕੇ ਦੇ ਮੋਹਤਬਰ ਵਿਅਕਤੀ ਤੋਂ ਇਲਾਵਾ ਏ.ਸੀ.ਪੀ ਪੱਛਮੀ ਵਿਸ਼ਾਲਜੀਤ ਸਿੰਘ, ਜਸਪ੍ਰੀਤ ਸਿੰਘ ਪੀ.ਪੀ.ਐਸ, ਮੁੱਖ ਅਫ਼ਸਰ ਥਾਣਾ ਕੈਂਟ ਇੰਸ: ਪ੍ਰਵੇਸ ਚੋਪੜਾ ਅਤੇ ਏ.ਐਸ.ਆਈ ਸ਼ਾਮ ਸੁੰਦਰ ਇੰਚਾਂਰਜ ਪੁਲਿਸ ਚੌਕੀ ਰਾਣੀ ਕਾ ਬਾਗ ਸਮੇਤ ਸਮੂਹ ਕਰਮਚਾਰੀ ਹਾਜਰ ਸਨ। ਇਸ ਮੀਟਿੰਗ ਦੌਰਾਨ ਮੋਹਤਬਰ ਵਿਅਕਤੀਆਂ ਵਲੋਂ ਪੁਲਿਸ ਦੇ ਇਸ ਸੁਚੱਜੇ ਕੰਮ ਦੀ ਸ਼ਲਾਘਾ ਕੀਤੀ ਗਈ ਅਤੇ ਪੁਲਿਸ ਨੂੰ ਹਰ ਤਰ੍ਹਾਂ ਦੇ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ।