ਜਗਜੀਤਪਾਲ ਸਿੰਘ ਘਨੌਰੀ ਨੇ ਜਿੱਤਿਆ ਅੰਗਰੇਜੀ ਲਿਖਾਈ ਮੁਕਾਬਲਾ

ਸੰਦੌੜ, 11 ਫਰਵਰੀ (ਪੰਜਾਬ ਪੋਸਟ – ਹਰਮਿੰਦਰ ਸਿੰਘ ਭੱਟ) – ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਅਮਰ ਸਿੰਘ ਦੀ ਅਗਵਾਈ ਦੇ ਵਿੱਚ ਹੋਏ ਸੈਂਟਰ ਪੱਧਰੀ ਮੁਕਾਬਲਿਆਂ ਵਿੱਚ ਸੈਂਟਰ ਖੇੜੀ ਕਲਾਂ ਦੇ ਵਿੱਚ ਹੋਏ ਅਧਿਆਪਕ ਸੁੰਦਰ ਲਿਖਾਈ ਮੁਕਾਬਲੇ ਦੇ ਵਿੱਚੋਂ ਸਰਕਾਰੀ ਪ੍ਰਾਇਮਰੀ ਸਕੂਲ ਟਿੱਬਾ ਦੇ ਅਧਿਆਪਕ ਸਮਾਜ ਸੇਵਕ ਤੇ ਵਾਤਾਵਰਣ ਪ੍ਰੇਮੀ ਜਗਜੀਤਪਾਲ ਸਿੰਘ ਟਿੱਬਾ ਨੇ ਅੰਗਰੇਜੀ ਲਿਖਾਈ ਦਾ ਮੁਕਾਬਬਲੇ ਵਿੱਚੋਂ ਪਹਿਲਾ ਸਥਾਨ ਪ੍ਰਾਪਤ ਕੀਤਾ ਹੈ।ਇਸ ਮੌਕੇ ਸਕੂਲ ਮੁਖੀ ਹਰਜਿੰਦਰ ਸਿੰਘ ਨੇ ਇਸ ਪ੍ਰਾਪਤੀ ਤੇ ਬੋਲਿਦਿਆਂ ਕਿਹਾ ਕਿ ਜਗਜੀਤਪਾਲ ਸਿੰਘ ਸਕੂਲ ਦੇ ਮਾਣਮੱਤੇ ਅਧਿਆਪਕ ਹਨ ਜਿਹੜੇ ਰੌਸ਼ਨੀ ਤੇ ਪੰਛੀ ਪਿਆਰੇ ਵਰਗੀਆਂ ਮੁਹਿੰਮਾਂ ਚਲਾ ਕੇ ਵਿਭਾਗ ਤੇ ਬੱਚਿਆਂ ਦੀ ਭਲਾਈ ਲਈ ਜਿੱਥੇ ਤਤਪਰ ਹਨ, ਉਥੇ ਆਪਣੀ ਕਲਮ ਨਾਲ ਵੀ ਪੰਜਾਬੀ ਮਾਂ ਬੋਲੀ  ਦੀ ਸੇਵਾ ਕਰ ਰਹੇ ਹਨ।