ਸੇਖਵਾਂ ਸਕੂਲ ਸਮੇਤ ਵਾਤਾਵਰਣ ਨੂੰ ਗੰਦਲਾਂ ਹੋਣ ਤੋਂ ਬਚਾਉਣ ਲਈ ਹਰ ਕੋਈ ਦੇਵੇ ਹੋਕਾ

ਪ੍ਰਿੰਸੀਪਲ ਭਾਰਤ ਭੂਸ਼ਨ ਨੇ ਬੂਟਾ ਲਗਾ ਕੇ ਵਾਤਾਵਰਨ ਬਚਾਉਣ ਲਈ ਅਰੰਭੀ ਮੁਹਿੰਮ
ਬਟਾਲਾ, 7 ਜੂਨ (ਪੰਜਾਬ ਪੋਸਟ- ਨਰਿੰਦਰ ਬਰਨਾਲ) – ਵਾਤਾਵਰਣ ਨੂੰ ਸੂੱਧ ਤੇ ਸਾਫ ਰੱਖਣ ਲਈ ਖਾਲੀ ਥਾਵਾਂ `ਤੇ ਵੱਧ ਤੋ ਵੱਧ ਦਰੱਖਤ ਲਗਾਏ ਜਾਣ ਦਾ ਸੁਨੇਹਾ ਸਕੂਲੀ ਬੱਚਿਆਂ ਰਾਹੀ ਘਰ-ਘਰ ਭੇਜਿਆ ਜਾ ਰਿਹਾ ਹੈ।ਸਰਕਾਰੀ ਰਿਹਾਇਸ਼ੀ ਹੋਸਟਰ ਤੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਦੇ ਪ੍ਰਿੰਸੀਪਲ ਭਾਰਤ ਭੂਸ਼ਨ ਨੇ ਦੱਸਿਆ ਕਿ ਇਸ ਸਬੰਧੀ ਸਕੂਲ ਵਿਚ ਬੱਚਿਆਂ ਦੀਆਂ ਕਮੇਟੀ ਬਣਾਈਆਂ ਹਨ, ਜਿਹੜੀਆਂ ਲਗਾਏ ਦਰੱਤਖਾਂ ਦੀ ਸੰਭਾਲ ਵਾਸਤੇ ਵੀ ਦੱਸਦੀਆਂ ਰਹਿੰਦੀਆਂ ਹਨ।ਹਰ ਬੂਟਾ ਇਕ ਵਿਦਿਆਰਥੀ ਨੂੰ ਦੇ ਦਿਤਾ ਗਿਆ ਹੈ, ਤੇ ਉਹੀ ਬੱਚਾ ਆਪਣੇ ਬੂਟੇ ਦੀ ਸਾਂਭ ਸੰਭਾਲ ਦਿਲੋ ਕਰਦਾ ਹੈ। ਜਿਹੜੇ ਬੂਟੇ ਘਰਾਂ ਜਾਂ ਟਿਊਬਵੈਲਾਂ `ਤੇ ਲਗਾਏ ਹਨ, ਉਨਾਂ ਦਾ ਲੇਖਾ ਵਿਦਿਆਰਥੀ ਰੱਖਦੇ ਹਨ।ਉਨਾਂ ਕਿਹਾ ਕਿ ਵਿਦਿਆਰਥੀ ਵਰਗ ਹੀ ਹੈ ਜੋ ਔਕੜਾਂ ਨੂੰ ਸਮਾਜ ਵਿਚ ਵਧੀਆਂ ਤਰੀਕੇ ਨਾਲ ਪੇਸ਼ ਕਰ ਸਕਦਾ ਹੈ । ਸੋ ਵਿਦਿਆਰਥੀ ਵਰਗ ਤੇ ਅਧਿਆਪਕਾਂ ਨੂੰ ਇਕੱਠੇ ਹੋ ਕੇ ਸਮਾਜ ਭਲਾਈ ਤੇ ਖਾਸ ਕਰਕੇ ਵਾਤਾਵਰਨ ਦੀ ਸੰਭਾਲ ਵਾਸਤੇ ਇਕਜੂੱਟ ਹੋਣਾ ਚਾਹੀਦਾ ਹੈ।ਵਿਸਵ ਪੱਧਰੀ ਵਾਤਾਵਰਣ ਬਚਾਉਣ ਲਈ ਮੁਹਿੰਮ ਵਿਚ ਬਲਜਿੰਦਰ ਸਿੰਘ, ਗੁਰਬਚਨ ਸਿੰਘ, ਰੁਪਿੰਦਰ ਕੌਰ, ਜਾਸਮੀਨ, ਪਰਵਿੰਦਰ ਕੌਰ, ਅਸਤਿੰਦਰ ਕੌਰ, ਗੁਰਦੀਪ ਸਿੰਘ, ਰਚਨਾ, ਮਨਦੀਪ ਕੌਰ, ਬਲਵਿੰਦਰ ਪਾਲ, ਪੁਸਪਿੰਦਰ ਕੌਰ, ਸੁਖਪਾਲ , ਕੰਵਲਜੀਤ ਕੌਰ, ਰਾਜਬੀਰ ਕੌਰ, ਗੁਰਵਿੰਦਰ ਕੌਰ, ਪੁਨੀਤ ਕੌਰ, ਲਵਲੀਨ ਕੌਰ, ਮਨਪ੍ਰੀਤ, ਅਭਿਜੋਤ, ਮਲਕੀਅਤ ਸਿੰਘ, ਰਾਕੇਸ਼ ਆਦਿ ਸਕੂਲ ਵਿਖੇ ਹਾਜਰ ਸਨ।