ਪੀੜਤਾਂ ’ਤੇ ਮਾਨਸਿਕ ਦਬਾਅ ਪਾਉਣਾ ਗਲਤ, ਇਨਸਾਫ ਲਈ ਪਿਛੇ ਨਹੀਂ ਹਟੇਗੀ ਅਕਾਲੀ ਭਾਜਪਾ -ਮਜੀਠੀਆ, ਸ਼ਵੇਤ ਮਲਿਕ
ਅੰਮ੍ਰਿਤਸਰ, 25 ਅਕਤੂਬਰ (ਪੰਜਾਬ ਪੋਸਟ- ਪ੍ਰੀਤਮ ਸਿੰਘ) – ਦਰਦਨਾਕ ਰੇਲ ਹਾਦਸੇ ਦੌਰਾਨ ਵਿਛੜੀਆਂ ਰੂਹਾਂ ਦੀ ਆਤਮਿਕ ਸ਼ਾਂਤੀ ਅਤੇ ਜਖਮੀਆਂ ਦੀ ਜਲਦ ਸਿਹਤਯਾਬੀ ਲਈ ਸ੍ਰੋਮਣੀ ਅਕਾਲੀ ਦਲ ਅਤੇ ਭਾਜਪਾ ਵਲੋਂ ਸ੍ਰੀ ਅਖੰਡ ਪਾਠ ਦੀ ਆਰੰਭਤਾ ਕੀਤੀ ਗਈ, ਜਿਸ ਦਾ ਭੋਗ ਮਿਤੀ 27 ਨੂੰ ਪਵੇਗਾ।ਗੁਰਦਵਾਰਾ ਨਾਨਕਸਰ ਨੇੜੇ ਜੋੜਾ ਫਾਟਕ ਵਿਖੇ ਪ੍ਰਭਾਵਿਤ ਪਰਿਵਾਰਾਂ ਦੇ ਨਾਲ ਅਕਾਲੀ ਦਲ ਦੇ ਜਨਰਲ ਸਕਤਰ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਅਤੇ ਪੰਜਾਬ ਭਾਜਪਾ ਪ੍ਰਧਾਨ ਸ਼ਵੇਤ ਮਲਿਕ ਸਮੇਤ ਸੀਨੀਅਰ ਆਗੂ ਮੌਜੂਦ ਸਨ ।
ਮਜੀਠੀਆ ਨੇ ਇਸ ਮੌਕੇ ਪਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਹਾਦਸੇ ਦੇ ਪ੍ਰ੍ਰਭਾਵਿਤਾਂ ਪ੍ਰਤੀ ਸ੍ਰੀ ਅਖੰਡ ਪਾਠ ਰੱਖਣ `ਚ ਕਾਂਗਰਸ ਅਤੇ ਸਿੱਧੂ ਜੋੜੀ ਵਲੋਂ ਅੜਿਚਨਾਂ ਲਈ ਉਹਨਾਂ ਦੀ ਸਖਤ ਨਿਖੇਧੀ ਕੀਤੀ।ਉਹਨਾ ਕਿਹਾ ਕਿ ਅਕਾਲੀ ਭਾਜਪਾ ਪੀੜਤਾਂ ਨੂੰ ਇਨਸਾਫ ਦਿਵਾਉਣ ਲਈ ਤਰਾਂ ਸ਼ੰਘਰਸ਼ੀਲ ਰਹੇਗੀ।
ਉਨਾਂ ਸਰਕਾਰ ਵਲੋਂ ਮੈਜਿਸਟਰੇਟੀ ਜਾਂਚ ਨੂੰ ਪੂਰੀ ਤਰਾਂ ਰੱਦ ਕਰਦਿਆਂ ਹਾਈ ਕੋਰਟ ਦੇ ਮੌਜੂਦਾ ਜੱਜ ਤੋਂ ਹਾਦਸੇ ਪ੍ਰਤੀ ਨਿਰਪੱਖ ਜਾਂਚ ਦੀ ਮੰਗ ਕੀਤੀ। ਪ੍ਰੋ: ਸਰਚਾਂਦ ਅਨੁਸਾਰ ਮਜੀਠੀਆ ਅਤੇ ਸ਼ਵੇਤ ਮਲਿਕ ਵਲੋਂ ਆਪਣੇ ਸਾਥੀਆਂ ਸਮੇਤ ਇੰਪਰੂਵਮੈਟ ਟਰੱਸਟ ਦਫਤਰ ਜਿਥੇ ਕਿ ਰਾਜ ਸਰਕਾਰ ਦੀ ਮੈਜੀਟਰੇਟੀ ਜਾਂਚ ਚਲ ਰਹੀ ਸੀ ਵਿਖੇ ਪੀੜਤਾਂ ਦੀ ਹਮਾਇਤ ਲਈ ਪਹੁੰਚੇ।ਪਰ ਜਾਂਚ ਕਮਿਸ਼ਨਰ ਵਲੋਂ ਉਹਨਾਂ ਨੂੰ ਮਿਲਣ ਦਾ ਸਮਾਂ ਨਹੀਂ ਦਿੱਤਾ ਗਿਆ, ਸਗੋਂ ਪੁਲਿਸ ਪ੍ਰਸ਼ਾਸਨ ਵਲੋਂ ਆਗੂਆਂ ਨੂੰ ਇਪਰੂਵਮੈਂਟ ਦਫਤਰ ਵਿਚ ਦਾਖਲ ਹੋਣ ਤੋਂ ਹੀ ਜਬਰੀ ਰੋਕ ਦਿੱਤਾ ਗਿਆ। ਜਦ ਆਗੂ ਇਮਾਰਤ ਵਿਚ ਦਾਖਲ ਹੋਣ ’ਚ ਸਫਲ ਹੋਏ ਤਾਂ ਜਾਂਚ ਅਧਿਕਾਰੀਆਂ ਵਲੋਂ ਕਮਰੇ ਨੂੰ ਅੰਦਰੋ ਚਿਟਕਣੀ ਲਗਾ ਕੇ ਬੰਦ ਕਰ ਦਿੱਤਾ ਗਿਆ।
ਇਥੋਂ ਤਕ ਕਿ ਮੀਡੀਆ ਕਰਮੀਆਂ ਨਾਲ ਵੀ ਬਦਸਲੂਕੀ ਕਰਦਿਆਂ ਅੰਦਰ ਜਾਣ ਤੋਂ ਰੋਕਿਆ ਗਿਆ, ਜਿਸ ਬਾਰੇ ਪੱਤਰਕਾਰਾਂ ਨੇ ਮਜੀਠੀਆ ਨੂੰ ਜਾਣੂ ਕਰਾਇਆ। ਇਸ ਬਾਬਤ ਪ੍ਰਤੀਕਰਮ ਪ੍ਰਗਟ ਕਰਦਿਆਂ ਮਜੀਠੀਆ ਨੇ ਕਿਹਾ ਕਿ ਕਾਂਗਰਸ ਸਰਕਾਰ ਗਰੀਬਾਂ ਨੂੰ ਇਨਸਾਫ ਦੇਣ ਦੀ ਥਾਂ ਸਿੱਧੂ ਜੋੜੀ ਨੂੰ ਬਚਾਉਣ `ਚ ਲੱਗੀ ਹੈ।ਮਜੀਠੀਆ ਤੇ ਮਲਿਕ ਤੀ ਅਗਵਾਈ ’ਚ ਅਕਾਲੀ ਭਾਜਪਾ ਆਗੂਆਂ ਤੇ ਵਰਕਰਾਂ ਵਲੋਂ ਗਰੀਬਾਂ ਨਾਲ ਧਕਾ ਬੰਦ ਕਰੋ, ਇਨਸਾਫ ਦਿਓ ਇਨਸਾਫ ਦਿਓ, ਜਰਨਲ ਡਾਇਰ ਦੀ ਸਰਕਾਰ ਮੁਰਦਾਬਾਦ, ਆਦਿ ਸਰਕਾਰ ਖਿਲਾਫ ਜਬਰਦਸਤ ਨਾਅਰੇਬਾਜੀ ਕੀਤੀ ਗਈ।ਉਨਾਂ ਪੀੜਤਾਂ ਨੂੰ ਇੱਕ ਇੱਕ ਕਰੋੜ ਰੁਪੈ ਮੁਆਵਜਾ ਅਤੇ ਸਰਕਾਰੀ ਨੌਕਰੀਆਂ ਦੇਣ ਦੀ ਮੰਗ ਕੀਤੀ।
ਇਸ ਮੌਕੇ ਗੁਲਜਾਰ ਸਿੰਘ ਰਣੀਕੇ, ਅਕਾਲੀ ਦਲ ਦੇ ਜਨਰਲ ਸਕੱਤਰ ਹਰਮੀਤ ਸਿੰਘ ਸੰਧੂ, ਬੁਲਾਰੇ ਵਿਰਸਾ ਸਿੰਘ ਵਲਟੋਹਾ, ਮਨਜੀਤ ਸਿੰਘ ਮੰਨਾ, ਗੁਰਪ੍ਰਤਾਪ ਸਿੰਘ ਟਿਕਾ, ਰਵੀ ਕਰਨ ਸਿੰਘ ਕਾਹਲੋਂ, ਤਰੁਨ ਚੁੱਘ, ਰਜੇਸ਼ ਹਨੀ, ਰਾਜਿੰਦਰ ਮੋਹਨ ਛੀਨਾ, ਅਨੰਦ ਸ਼ਰਮਾ, ਸ਼ਮਸ਼ੇਰ ਸਿੰਘ ਸ਼ੇਰਾ, ਡਾ ਅਸ਼ਪਾਲ ਸਿੰਘ ਘੁੰਮਣ, ਦਿਲਬਾਗ ਸਿੰਘ ਅਨਗੜ, ਅਵਨਾਸ਼ ਜੌਲੀ, ਅਜੈਬੀਰਪਾਲ ਰੰਧਾਵਾ, ਕਿਰਨਪ੍ਰੀਤ ਸਿੰਘ ਮੋਨੂ, ਹਰਪ੍ਰੀਤ ਸਿੰਘ ਚਾਹਲ, ਇੰਦਰਜੀਤ ਪੰਡੋਰੀ, ਮਲਵਿੰਦਰ ਸਿੰਘ ਖਾਪੜਖੇੜੀ, ਹਰਜਾਪ ਸਿੰਘ ਸੁਲਤਾਨਵਿੰਡ, ਬਾਵਾ ਸਿੰਘ ਗੁਮਾਨਪੁਰਾ ਬਿਕਰਮਜੀਤ ਸਿੰਘ ਵੇਰਕਾ , ਅਨਵਰ ਮਸੀਹ ਅਤੇ ਪ੍ਰੋ: ਸਰਚਾਂਦ ਸਿੰਘ ਆਦਿ ਮੌਜੂਦ ਸਨ ।