ਥੀਏਟਰ ਗਰੁੱਪ ਵਲੋਂ ‘ਪੂਰਵਾਭਿਆਸ’ ਦਾ ਨਾਟਕ ਦਾ ਮੰਚਨ ‘ਮੰਟੋ ਕੀ ਮੋਜ਼ੇਲ’ 22 ਦਸੰਬਰ ਨੂੰ

ਅੰਮ੍ਰਿਤਸਰ, 20 ਦਸੰਬਰ (ਪੰਜਾਬ ਪੋਸਟ – ਦਵਿੰਦਰ ਸਿੰਘ) – ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਵਲੋਂ ਵਿਰਸਾ ਵਿਹਾਰ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਮੁੰਬਈ ਦੇ ਥੀਏਟਰ ਗਰੁੱਪ ‘ਪੂਰਵਾਭਿਆਸ’ ਦਾ ਨਾਟਕ ‘ਮੰਟੋ ਕੀ ਮੋਜ਼ੇਲ’ 22 ਦਸੰਬਰ ਨੂੰ ਸ਼ਾਮ 6.00 ਵਜੇ ਵਿਰਸਾ ਵਿਹਾਰ ਦੇ ਕਰਤਾਰ ਸਿੰਘ ਦੁੱਗਲ ਆਡੀਟੋਰੀਅਮ ਵਿਖੇ ਪੇਸ਼ ਕੀਤਾ ਜਾਵੇਗਾ।ਇਹ ਜਾਣਕਾਰੀ ਦਿੰਦਿਆਂ ਪੰਜਾਬ ਸੰਗੀਤ ਨਾਟਕ ਅਕਾਦਮੀ ਦੇ ਪ੍ਰਧਾਨ ਅਤੇ ਸ਼੍ਰੋਮਣੀ ਨਾਟਕਕਾਰ ਕੇਵਲ ਧਾਲੀਵਾਲ ਨੇ ਕਿਹਾ ਕਿ ਇਹ ਨਾਟਕ ਸਆਦਤ ਹਸਨ ਮੰਟੋ ਦੀ ਪ੍ਰਸਿੱਧ ਕਹਾਣੀ ‘ਮੋਜ਼ੇਲ’ `ਤੇ ਅਧਾਰਿਤ ਹੈ।ਇਸ ਨਾਟਕ ਵਿੱਚ ਐਨ.ਐਸ.ਡੀ ਨਵੀਂ ਦਿੱਲੀ ਦੇ ਬਹੁਤ ਹੀ ਸੀਨੀਅਰ ਅਦਾਕਾਰ ਪ੍ਰੇਰਣਾ ਅਗਰਵਾਲ, ਸੁਨੀਲ ਕੁਮਾਰ ਚੋਹਾਨ, ਰਕੇਸ਼ ਦੂਬੇ ਅਤੇ ਸ਼ਿਲਪੀ ਸ੍ਰੀਵਾਸਤਵਾ ਕੰਮ ਕਰ ਰਹੇ ਹਨ।ਨਾਟਕ ਦਾ ਨਿਰਦੇਸ਼ਨ ਨਵੀਨ ਅਗਰਵਾਲ ਨੇ ਕੀਤਾ ਹੈ।ਇਸ ਨਾਟਕ ਨੂੰ ਦੇਖਣ ਲਈ ਸਮੂਹ ਰੰਗਕਰਮੀਆਂ, ਨਾਟ ਪ੍ਰੇਮੀਆਂ ਅਤੇ ਦਰਸ਼ਕਾਂ ਨੂੰ ਖੁੱਲਾ ਸੱਦਾ ਹੈ।ਇਸ ਨਾਟਕ ਨੂੰ ਦੇਖਣ ਲਈ ਕੋਈ ਟਿਕਟ ਨਹੀਂ, ਆਪ ਸਭ ਨੂੰ ਖੁੱਲ੍ਹਾ ਸੱਦਾ ਹੈ।