ਸ਼ਹਿਰੀ ਵਿਕਾਸ ਦੋਰਾਨ ਕੁਦਰਤੀ ਵਾਤਾਵਰਣ ਦੀ ਸਾਂਭ-ਸੰਭਾਲ ਦੀ ਲੋੜ `ਤੇ ਜੋਰ

ਅੰਮ੍ਰਿਤਸਰ, 21 ਦਸੰਬਰ (ਪੰਜਾਬ ਪੋਸਟ- ਸੁਖਬੀਰ ਸਿੰਘ ਖੁਰਮਣੀਆਂ) – ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਗੁਰੂ ਰਾਮਦਾਸ ਸਕੂਲ ਆਫ ਪਲਾਨਿੰਗ ਵੱਲੋਂ ਸ਼ਹਿਰੀ ਵਿਕਾਸ ਲਈ ਕੁਦਰਤੀ ਵਾਤਾਵਰਣ ਦੀ ਸਾਂਭ ਸੰਭਾਲ ਵਿਸ਼ੇ `ਤੇ ਤਿੰਨ ਦਿਨਾਂ ਸੈਮਿਨਾਰ ਸੰਪਨ ਹੋ ਗਿਆ।ਸੈਮਿਨਾਰ ਯੁਨੀਵਰਸਿਟੀ ਦੇ ਫਕੈਲਟੀ ਡਿਵੈਲਪਮੈਂਟ ਕੇਂਦਰ ਯੂ.ਜੀ.ਸੀ, ਐਚ.ਆਰ.ਡੀ ਕੇਂਦਰ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ।ਇਸ ਵਿੱਚ ਦੇਸ਼ ਦੇ ਵੱਖ-ਵੱਖ ਕੋਨਿਆਂ ਤੋਂ ਵਿਧਵਾਨਾ ਨੇ ਹਿਸਾ ਲਿਆ ਅਤੇ ਸ਼ਹਿਰੀਕਰਨ, ਵਾਤਾਵਰਣ ਅਤੇ ਸਥਾਈਪਣ ਦੀਆਂ ਚੁਣੌਤੀਆਂ ਦੇ ਵੱਖ-ਵੱਖ ਪਹਿਲੂਆਂ ਤੇ ਸ਼ਹਿਰੀ ਅਤੇ ਪੇਂਡੂ ਪੱਧਰ ਦੇ ਮੁੱਦਿਆਂ `ਤੇ ਭਾਸ਼ਣ ਦਿੱਤੇ।
ਸੈਮੀਨਾਰ ਦੇ ਸਮਾਪਨ ਸੈਸ਼ਨ ਦੀ ਪ੍ਰਧਾਨਗੀ ਡਾ. ਪ੍ਰੋਫੈਸਰ ਐਸ.ਐਸ ਬਹਿਲ, ਡੀਨ ਵਿਦਿਆਰਥੀ ਭਲਾਈ ਨੇ ਕੀਤੀ ਅਤੇ ਪ੍ਰੋ. ਏ.ਕੇ ਠੁਕਰਾਲ, ਸਾਬਕਾ ਡਾਇਰੈਕਟਰ ਖੋਜ ਇਸ ਮੋਕੇ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ।ਡਾ. ਆਦਰਸ਼ ਪਾਲ ਵਿਜ, ਡਾਇਰੈਕਟਰ, ਐਚ.ਆਰ.ਡੀ.ਸੀ ਨੇ ਮੁਖ ਮਹਿਮਾਨ ਅਤੇ ਹੋਰਨਾ ਦਾ ਸੁਆਗਤ ਕਰਦੇ ਹੋਏ ਐਚ.ਆਰ.ਡੀ.ਸੀ  ਬਾਰੇ ਜਾਣਕਾਰੀ ਦਿੱਤੀ।ਉਨ੍ਹਾਂ ਨੇ ਦੱਸਿਆ ਕਿ ਅਜਿਹੇ ਸੈਮੀਨਾਰ ਨੂੰ ਸਮੇਂ- ਸਮੇਂ ਵਿਚ ਆਯੋਜਿਤ ਕੀਤਾ ਜਾਣਾ ਚਾਹਿਦਾ ਹੈ ਤਾਂ ਜੋ ਸ਼ਹਿਰੀ  ਵਿਉਂਤਬੰਦੀ ਵਿੱਚ ਸਹਾਈ ਹੋ ਸਕੇ।
ਪ੍ਰੋਫੈਸਰ ਐਸ.ਐਸ ਬਹਿਲ ਨੇ ਸਾਡੇ ਪਵਿੱਤਰ ਗ੍ਰੰਥਾਂ ਦੇ ਨਾਲ ਸਥਿਰਤਾ ਬਾਰੇ ਦੱਸਣ ਦੀ ਲੋੜ ਨੂੰ ਉਜਾਗਰ ਕੀਤਾ।ਉਹਨਾਂ ਇਸ ਗੱਲ `ਤੇ ਜ਼ੋਰ ਦਿੱਤਾ ਕਿ ਇਹ ਸ਼ਹਿਰਾਂ ਅਤੇ ਪੇਂਡੂ ਖੇਤਰਾਂ ਦੇ ਵਿਕਾਸ ਲਈ ਕੁਦਰਤ ਨਾਲ ਛੇੜਛਾੜ ਘੱਟ ਕੀਤੀ ਜਾਵੇ।ਉਹਨਾਂ ਕਿਹਾ ਕਿ ਪਵਿੱਤਰ ਗ੍ਰੰਥਾਂ ਵਿਚ ਸਥਿਰਤਾ ਦੇ ਵੱਖ-ਵੱਖ ਪਹਿਲੂਆਂ ਦੀ ਵਿਆਖਿਆ ਕੀਤੀ ਗਈ ਹੈ, ਜਿਸ ਦੀ ਅੱਜ ਸਖਤ ਲੋੜ ਹੈ ਅਤੇ ਸ਼ਹਿਰਾਂ ਅਤੇ ਪੇਂਡੁ ਯੋਜਨਾਬੰਦੀ ਅਤੇ ਡਿਜ਼ਾਈਨ ਕਰਨ ਦੇ ਦੌਰਾਨ ਅਪਣਾਏ ਜਾਣਾ ਚਾਹਿਦਾ ਹੈ।ਉਸ ਨੇ ਆਪਸ ਵਿਚ ਸੰਬੰਧਾਂ ਬਾਰੇ ਦੱਸਿਆ ਕੁਦਰਤ ਦੇ ਪੰਜ ਤੱਤ ਜਿਵੇਂ ਕਿ ਸੂਰਜ, ਹਵਾ, ਪਾਣੀ, ਮਿੱਟੀ ਅਤੇ ਜਮੀਨ, ਜੋ ਇਕ ਦੂਜੇ ਨਾਲ ਕੰਮ ਕਰ ਰਹੇ ਹਨ ਦੀ ਟਿਕਾਊ ਵਿਕਾਸ ਲਈ ਜਰੂਰੀ ਹਨ। ਹਾਲਾਂਕਿ, ਮਨੁੱਖ ਵੱਲੋਂ ਵਿਕਾਸ ਦੇ ਨਾਂ ਤੇ ਦਖਲਅੰਦਾਜ਼ੀ ਜਿਨ੍ਹਾਂ ਨੇ ਇਨ੍ਹਾਂ ਪੰਜ ਤੱਤਾਂ ਨੂੰ ਪ੍ਰਦੂਸ਼ਿਤ ਕੀਤਾ ਹੈ, ਇਹ ਚਿੰਤਾ ਦਾ ਵਿਸ਼ਾ ਹੈ।  
ਪ੍ਰੋ. ਏ.ਕੇ ਠੁਕਰਾਲ ਨੇ ਸ਼ਹਿਰੀ ਖੇਤਰ ਨਾਲ ਸਬੰਧਤ ਵੱਖ-ਵੱਖ ਮੁੱਦਿਆਂ ਅਤੇ ਸਮੱਸਿਆਵਾਂ ਬਾਰੇ ਚਰਚਾ ਕੀਤੀ, ਜੋ ਕਿ ਗੈਰ-ਟਿਕਾਊ ਰਵਾਇਤਾਂ ਅਤੇ ਲੋੜ ਨੂੰ ਘਟਾਉਣ ਦੀ ਲੋੜ ਹੈ।ਉਹਨਾਂ ਮੀਂਹ ਦੇ ਪਾਣੀ ਯੋਜਨਾ ਨੂੰ ਰੀਚਾਰਜ਼ ਕਰਨ `ਤੇ ਜ਼ੋਰ ਦਿੱਤਾ।ਪ੍ਰੋ. ਅਸ਼ਵਨੀ ਲੁਥਰਾ, ਕੋਆਰਡੀਨੇਟਰ ਸੈਮੀਨਾਰ ਨੇ ਉਚ ਅਧਿਕਾਰੀਆਂ ਦਾ ਸਵਾਗਤ ਕੀਤਾ ਅਤੇ ਉਨ੍ਹਾਂ ਨੂੰ ਸੈਮਿਨਾਰ ਦੇ ਵਿਸ਼ਾ ਤੋਂ ਜਾਣੂ ਕਰਵਾਇਆ ਅਤੇ ਡਾ. ਕਿਰਨ ਸੰਧੂ ਨੇ ਡੈਲੀਗੇਟ ਅਤੇ ਮਹਿਮਾਨ ਦਾ ਧੰਨਵਾਦ ਕੀਤਾ।