ਵਿਸ਼ਵ ਗਲੋਕੋਮਾ ਹਫਤੇ ਦੋਰਾਨ ਸਿਵਲ ਹਸਪਤਾਲ ਵਿਖੇ ਸੈਮੀਨਾਰ

ਪਠਾਨਕੋਟ, 16 ਮਾਰਚ (ਪੰਜਾਬ ਪੋਸਟ ਬਿਊਰੋ) – ਜਿਲਾ ਪਠਾਨਕੋਟ `ਚ ਵਿਸ਼ਵ ਗਲੋਕੋਮਾ ਹਫਤਾ 10 ਤੋਂ 16 ਮਾਰਚ ਤੱਕ ਨੈਸ਼ਨਲ ਪ੍ਰੋਗਰਾਮ ਫਾਰ ਕੰਟਰੋਲ ਆਫ ਬਲਾਇੰਡਨੈਸ ਅਧੀਨ ਸਿਵਲ ਸਰਜਨ ਡਾ: ਨੈਨਾ ਸਲਾਥੀਆਂ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸਿਵਲ ਹਸਪਤਾਲ ਪਠਾਨਕੋਟ ਵਿਖੇ ਸੀਨੀਅਰ ਮੈਡੀਕਲ ਅਫਸਰ ਇੰਸਪੈਕਟਰ ਡਾ. ਭੁਪਿੰਦਰ ਸਿੰਘ ਦੀ ਪ੍ਰਧਾਨਗੀ ਹੇਠ ਮਨਾਇਆ ਗਿਆ ।ਕਾਲੇ ਮੋਤੀਏ ਤੋਂ ਬਚਾਉਣ ਲਈ ਸਿਵਲ ਹਸਪਤਾਲ ਵਿਖੇ ਲੋਕਾਂ ਦੀਆਂ ਅੱਖਾਂ ਦਾ ਮੁਫਤ ਨਿਰੀਖਣ ਅਤੇ ਇਲਾਜ ਕੀਤਾ ਜਾ ਰਿਹਾ ਹੈ।ਇਸ ਲਈ ਵੱਧ ਤੋਂ ਵੱਧ ਲੋਕ ਸਿਵਲ ਹਸਪਤਾਲ ਪਠਾਨਕੋਟ ਵਿਖੇ ਆ ਕੇ ਆਪਣੀਆਂ ਅੱਖਾਂ ਦੀ ਜਾਂਚ ਅੱਖਾਂ ਦੇ ਮਾਹਿਰ ਡਾਕਟਰ ਡਾ: ਰਮੇਸ਼ ਡੋਗਰਾ ਅਤੇ ਡਾ: ਸ਼ੇੈਲੀ ਤੋਂ ਕਰਵਾਉਣ।ਅੱਖਾਂ ਦੇ ਮਾਹਿਰ ਡਾ: ਰਮੇਸ਼ ਡੋਗਰਾ ਨੇ ਦੱਸਿਆ ਕਿ ਸਾਲ ਵਿੱਚ ਇੱਕ ਵਾਰ ਅੱਖਾਂ ਦੀ ਜਾਂਚ ਜਰੂਰ ਕਰਵਾਉਣੀ ਚਾਹੀਦੀ ਹੈ। ਕਿਉਕਿ ਚਿੱਟੇ ਮੋਤੀਏ ਦਾ ਇਲਾਜ ਆਸਾਨੀ ਨਾਲ ਕੀਤਾ ਜਾ ਸਕਦਾ ਹੈ, ਲੇਕਿਨ ਇੱਕ ਵਾਰ ਕਾਲਾ ਮੋਤੀਆਂ ਹੋ ਜਾਵੇ ਤਾਂ ਇਸ ਦਾ ਆਪਰੇਸ਼ਨ ਅਤੇ ਇਲਾਜ ਬਹੁਤ ਮੁਸ਼ਕਿਲ ਹੈ ਅਤੇ ਕਾਲੇ ਮੋਤੀਏ ਨਾਲ ਜਿਹੜੀ ਰੋਸ਼ਨੀ ਇੱਕ ਵਾਰ ਚਲੀ ਜਾਦੀ ਹੈ, ਉ੍ਹ ਦੁਬਾਰਾ ਵਾਪਿਸ ਨਹੀਂ ਆ ਸਕਦੀ।ਇਸ ਲਈ ਸਮੇਂ ਸਮੇਂ ਤੇ ਆਪਣੀਆਂ ਅੱਖਾਂ ਦੀ ਜਾਂਚ ਕਰਵਾਉਣੀ ਬਹੁਤ ਜਰੂਰੀ ਹੈ, ਜੋ ਕਿ ਸਰਕਾਰੀ ਹਸਪਤਾਲਾਂ ਵਿੱਚ ਮੁਫਤ ਕੀਤੀ ਜਾਦੀ ਹੈ।ਸਕਰੀਨਿੰਗ ਕੈਂਪਾਂ ਵਿੱਚ ਪਾਏ ਗਏ ਗਲੋਕੋਮਾ ਦੇ ਮਰੀਜ਼ਾਂ ਦਾ ਇਲਾਜ ਸਿਵਲ ਹਸਪਤਾਲ ਵਿੱਚ ਮੁਫਤ ਕੀਤਾ ਜਾ ਰਿਹਾ ਹੈ। ਇਸ ਸੈਮੀਨਾਰ ਵਿੱਚ ਡਾ: ਮੋਹਨ ਲਾਲ ਅੱਤਰੀ, ਡਾ: ਸ਼ੇੈਲੀ, ਮਾਸ ਮੀਡੀਆ ਅਫਸਰ ਸ਼੍ਰੀਮਤੀ ਗੁੵਰਿੰਦਰ ਕੌਰ, ਡਾਟਾ ਐਂਟਰੀ ਉਪਰੇਟਰ ਮਨਜਿੰਦਰ ਕੌਰ ਆਦਿ ਹਾਜਰ ਸਨ।