ਅੰਮ੍ਰਿਤਸਰ ਵਿੱਚ ਸ਼ਾਂਤੀਪੂਰਨ ਰਿਹਾ ਭਾਰਤ ਬੰਦ

ਅੰਮ੍ਰਿਤਸਰ, 13 ਅਗਸਤ (ਪੰਜਾਬ ਪੋਸਟ ਬਿਊਰੋ) – ਦਿੱਲੀ ਦੇ ਤੁਗਲਕਾਬਾਦ ਵਿੱਚ ਸ੍ਰੀ ਰਵਿਦਾਸ ਮੰਦਰ ਢਾਹੇ ਜਾਣ ਦੇ ਵਿਰੋਧ ਵਿੱਚ ਭਾਰਤ ਬੰਦ ਦੇ ਸੱਦੇ ਤਹਿਤ ਅੰਮ੍ਰਿਤਸਰ ਵਿੱਚ ਬਜਾਰ ਤੇ ਵਪਾਰਕ ਅਦਾਰੇ ਬੰਦ ਰਹੇ।ਪੁਲਿਸ ਵਲੋਂ ਸੁੱਰਖਿਆ ਦੇ ਸਖਤ ਇੰਤਜ਼ਾਮ ਕੀਤੇ ਗਏ ਅਤੇ ਬੰਦ ਅਮਨ ਅਮਾਨ ਨਾਲ ਸੰਪਨ ਹੋਇਆ। ਬੰਦ ਦੇ ਹੱਕ ਵਿੱਚ ਸੜਕਾਂ `ਤੇ ਨਿਕਲੇ ਵਾਲਮੀਕਿ ਤੇ ਰਵੀਦਾਸ ਭਾਈਚਾਰੇ ਦੇ ਲੋਕਾਂ ਨੇ ਦੁਕਾਨਦਾਰਾਂ ਨੂੰ ਕਾਰੋਬਾਰ ਬੰਦ ਰੱਖ ਦੀ ਅਪੀਲ ਕੀਤੀ ਅਤੇ ਭੰਡਾਰੀ ਪੁੱਲ `ਤੇ ਧਰਨਾ ਵੀ ਲਾਇਆ। ਉਨਾਂ ਨੇ ਮੰਗ ਕੀਤੀ ਕਿ ਢਾਹਿਆ ਗਿਆ ਮੰਦਰ ਮੁੜ ਉਸਾਰਿਆ ਜਾਵੇ ਨਹੀਂ ਤਾਂ ਸੰਘਰਸ਼ ਹੋਰ ਤਿੱਖਾ ਕੀਤਾ ਜਾਵੇਗਾ।ਵੱਖ-ਵੱਖ ਸਿਆਸੀ ਪਾਰਟੀਆਂ ਵਲੋਂ ਬੰਦ ਦੀ ਹਮਾਇਤ ਕੀਤੀ ਗਈ।