ਸ੍ਰੀ ਦੁਰਗਿਆਨਾ ਮੰਦਰ ਵਿਖੇ ਕੱਕੜ ਮਹਾ ਸਭਾ ਵਲੋਂ ਬਣਾਏ ਗਏ ਕਮਿਊਨਿਟੀ ਹਾਲ ਦਾ ਉਦਘਾਟਨ

ਅੰਮ੍ਰਿਤਸਰ, 2 ਸਤੰਬਰ (ਪੰਜਾਬ ਪੋਸਟ – ਸੁਖਬੀਰ ਸਿੰਘ) – ਦੁਰਗਿਆਨਾ ਮੰਦਰ ਕਮੇਟੀ ਵਲੋਂ ਕੱਕੜ ਮਹਾ ਸਭਾ ਦੇ ਸਹਿਯੋਗ ਨਾਲ ਸ਼ਿਵਪੁਰੀ ਨੇੜੇ ਕਮਿਊਨਿਟੀ ਹਾਲ ਬਣਾਇਆ ਗਿਆ ਹੈ।ਇਸ ਕਮਿਊਨਿਟੀ ਹਾਲ ਦਾ ਉਦਘਾਟਨ ਕੈਬਨਿਟ ਮੰਤਰੀ ਓਮ ਪ੍ਰਕਾਸ਼ ਸੋਨੀ ਨੇ ਧਾਰਮਿਕ ਵਿਧੀ ਅਨੁਸਾਰ ਕੀਤਾ। ਮੰਤਰੀ ਸੋਨੀ ਨੇ ਦੱਸਿਆ ਕਿ ਇਹ ਕਮਿਊਨਿਟੀ ਹਾਲ ਫੁਲ ਏ.ਸੀ ਹੈ।ਆਮ ਲੋਕ ਦੁੱਖ ਸੁੱਖ ਦੇ ਪ੍ਰੋਗਰਾਮ 3000 ਹਜ਼ਾਰ ਰੁਪਏ ਇਕ ਦਿਨ ਦਾ ਕਿਰਾਇਆ ਦੇ ਕੇ ਕਰ ਸਕਦੇ ਹਨ।
    ਸੋਨੀ ਨੇ ਕਿਹਾ ਕਿ ਕੱਕੜ ਮਹਾ ਸਭਾ ਅਤੇ ਦੁਰਗਿਆਨਾ ਮੰਦਰ ਕਮੇਟੀ ਆਮ ਲੋਕਾਂ ਦੀਆਂ ਸਹੂਲਤਾਂ ਲਈ ਸਮੇਂ ਸਮੇਂ ’ਤੇ ਸਮਾਜ ਭਲਾਈ ਦੇ ਕੰਮ ਕਰਦੀਆਂ ਰਹਿੰਦੀਆਂ ਹਨ।ਜੋ ਕਿ ਬਹੁਤ ਹੀ ਸਲਾਘਾਯੋਗ ਕਦਮ ਹੈ।ਮੰਦਰ ਕਮੇਟੀ ਦੇ ਪ੍ਰਧਾਨ ਰਮੇਸ਼ ਸ਼ਰਮਾ ਵਲੋਂ ਮੰਤਰੀ ਸੋਨੀ ਅਤੇ ਵਿਧਾਇਕ ਸੁਨੀਲ ਦੱਤੀ ਨੂੰ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ’ਤੇ ਅਰੁਣ ਖੰਨਾ, ਹਰੀਸ਼ ਤਨੇਜਾ, ਕੌਂਸਲਰ ਮਹੇਸ਼ ਖੰਨਾ, ਰਾਜ ਵਧਵਾ, ਪ੍ਰਦੀਪ ਸ਼ਰਮਾ, ਯਸ਼ਪਾਲ ਸੂਰੀ, ਮਨਮੋਹਨ ਕੁੰਦਰਾ ਹਾਜ਼ਰ ਸਨ।