ਪੰਜਾਬ ਸਰਕਾਰ ਜਰੂਰਤਮੰਦ ਕਲਾਕਾਰਾਂ ਦੀ ਸਾਰ ਨਹੀਂ ਲੈ ਰਹੀ ਹੈ ਸਰਕਾਰ – ਵੰਦਨਾ ਸਿੰਘ, ਮਾਲਵਿੰਦਰ ਨਾਥ

ਲੌਂਗੋਵਾਲ, 7 ਮਈ (ਪੰਜਾਬ ਪੋਸਟ – ਜਗਸੀਰ ਲੌਂਗੋਵਾਲ) – ਪ੍ਰਸਿੱਧ ਗਾਇਕਾ ਵੰਦਨਾ ਸਿੰਘ ਅਤੇ ਵੀਡੀਓ ਡਾਇਰੈਕਟਰ ਮਾਲਵਿੰਦਰ ਨਾਥ ਨੇ ਕਿਹਾ ਕਿ ਕੋਰੋਨਾ ਮਹਾਮਾਰੀ ਦੀ ਮਾੜੀ ਘੜੀ ਵਿੱਚ ਸਭ ਤੋਂ ਜਿਆਦਾ ਪ੍ਰੇਸ਼ਾਨੀ ਦਾ ਸਾਹਮਣਾ ਗਰੀਬ ਪਰਿਵਾਰਾਂ ਦੇ ਕਲਾਕਾਰ ਭਾਈਚਾਰੇ ਦੇ ਸਾਜੀਆਂ, ਮੰਚ ਸੰਚਾਲਕ ਤੇ ਗੀਤਕਾਰਾਂ, ਡੀ.ਜੇ, ਭੰਗੜਾ ਗਰੁੱਪਾਂ ਦੇ ਮੁੰਡੇ ਅਤੇ ਕੁੜੀਆਂ ਤੇ ਜਾਗਰਣ ਦੇ ਕਲਾਕਾਰਾਂ ਨੂੰ ਕਰਨਾ ਪੈ ਰਿਹਾ ਹੈ।ਉਨਾਂ ਕਿਹਾ ਕਿ ਸੰਗੀਤ ਦੇ ਖੇਤਰ ਨਾਲ ਸਬੰਧਤ ਇਹ ਜਰੂਰਤਮੰਦ ਲੋਕ ਹਰ ਰੋਜ਼ ਦੀ ਦਿਹਾੜੀ ਲਾ ਕੇ ਆਪੋ ਆਪਣੇ ਪਰਿਵਾਰਾਂ ਦਾ ਪਾਲਣ ਪੋਸ਼ਣ ਕਰਦੇ ਸਨ।ਪਰੰਤੂ ਅੱਜ ਇਨ੍ਹਾਂ ਲੋਕਾਂ ਦੀ ਸਥਿਤੀ ਬਹੁਤ ਖਰਾਬ ਹੈ ਗਾਇਕਾ ਵੰਦਨਾ ਸਿੰਘ ਅਤੇ ਵੀਡੀਓ ਡਾਇਰੈਕਟਰ ਮਾਲਵਿੰਦਰ ਨਾਥ ਨੇ ਦੱਸਿਆ ਕਿ ਲਗਭਗ 50 ਦਿਨਾਂ ਤੋਂ ਇਹ ਲੋਕ ਆਪਣੇ ਘਰਾਂ ਵਿਚ ਬੰਦ ਹਨ ਇਨ੍ਹਾਂ ਪਰਿਵਾਰਾਂ ਦੀ ਕਿਸੇ ਵੀ ਸਰਕਾਰੀ ਜਾਂ ਗੈਰ ਸਰਕਾਰੀ ਸੰਗਠਨ ਨੇ ਸਾਰ ਨਹੀਂ ਲਈ।

             ਉਨਾਂ ਨੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਪੰਜਾਬ ਦੇ ਪ੍ਰਸਿੱਧ ਕਲਾਕਾਰਾਂ ਨੂੰ ਅਪੀਲ ਕੀਤੀ ਕਿ ਇਨ੍ਹਾਂ ਜਰੂਰਤਮੰਦ ਪਰਿਵਾਰਾਂ ਦੀ ਪਹਿਲ ਦੇ ਆਧਾਰ ‘ਤੇ ਆਰਥਿਕ ਮਦਦ ਕੀਤੀ ਜਾਵੇ, ਤਾਂ ਜੋ ਇਨ੍ਹਾਂ ਪਰਿਵਾਰਾਂ ਦੇ ਬੱਚੇ ਭੁੱਖੇ ਢਿੱਡ ਸੌਣ ਨੂੰ ਮਜ਼ਬਰ ਨਾ ਹੋਣ।