ਸਰਕਾਰੀ ਹਸਪਤਾਲ ਵਿਖੇ ਡਾ. ਸ਼ਰਮਾ ਦੀ ਮੁੜ ਤੈਨਾਤੀ ਦੀ ਮੰਗ

ਭੀਖੀ, 9 ਮਈ (ਪੰਜਾਬ ਪੋਸਟ – ਕਮਲ ਜ਼ਿੰਦਲ) – ਸਥਾਨਕ ਸਰਕਾਰੀ ਹਸਪਤਾਲ ਦੇ ਸਰਜਨ ਡਾ. ਹਰਦੀਪ ਸ਼ਰਮਾ ਦੀ ਇੱਥੇ ਤਿੰਨ ਰੋਜ਼ਾ ਡਿਊਟੀ ਕੱਟਣ ‘ਤੇ ਇਲਾਕੇ ਦੇ ਲੋਕਾਂ ਵਿੱਚ ਕਾਫੀ ਰੋਸ ਹੈ।ਨਗਰ ਪੰਚਾਇਤ ਦੇ ਪ੍ਰਧਾਨ ਵਿਨੋਦ ਕੁਮਾਰ ਸਿੰਗਲਾ ਨੇ ਇਸ ਦਾ ਸਖ਼ਤ ਵਿਰੋਧ ਕਰਦੇ ਹੋਏ ਕਿਹਾ ਹੈ ਕਿ ਕੋਰੋਨਾ ਦੀ ਬਿਮਾਰੀ ਦੇ ਚੱਲਦਿਆਂ ਜਦੋਂ ਨਿੱਜੀ ਡਾਕਟਰਾਂ ਦੀਆ ਸੇਵਾਵਾਂ ਨਾਹ ਦੇ ਬਰਾਬਰ ਹਨ। ਅਜਿਹੇ ਸਮੇਂ ਵਿੱਚ ਡਾ. ਸ਼ਰਮਾ ਦੀ ਡਿਊਟੀ ਕੱਟਣਾ ਨਿੰਦਣਯੋਗ ਕਾਰਵਾਈ ਹੈ।ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਸਿਵਲ ਸਰਜਨ ਨੂੰ ਬੇਨਤੀ ਕੀਤੀ ਜਾ ਚੁੱਕੀ ਹੈ ਞ।ਜੇਕਰ ਜਿਲ੍ਹਾ ਸਿਹਤ ਪ੍ਰਸ਼ਾਸਨ ਕੋਈ ਤਵੱਜੋ ਨਹੀ ਦਿੰਦਾ ਤਾਂ ਸਮੱਸਿਆ ਦੇ ਹੱਲ ਲਈ ਹਲਕਾ ਵਿਧਾਇਕ ਤੋਂ ਇਲਾਵਾ ਸਿਹਤ ਮੰਤਰੀ ਤੱਕ ਪਹੁੰਚ ਕੀਤੀ ਜਾਵੇਗੀ।ਦੱਸਣਯੋਗ ਹੈ ਕਿ ਨਗਰ ਭੀਖੀ ਦਾ ਸਰਕਾਰੀ ਹਸਪਤਾਲ ਆਲੇ-ਦੁਆਲੇ ਦੇ 30 ਪਿੰਡਾਂ ਦੇ ਲੋਕਾਂ ਦੇ ਇਲਾਜ਼ ਕਰਦਾ ਹੈ।ਕਿਉਂ ਇਸ ਖਿੱਤੇ ਵਿੱਚ ਕੋਈ ਵੱਡਾ ਨਿੱਜੀ ਹਸਪਤਾਲ ਵੀ ਨਹੀ ਹੈ।