ਮੋਹਾਲੀ ਜਿਲ੍ਹੇ ਵਿੱਚ ਮਿਲੇ ਦੋ ਹੋਰ ਪਾਜ਼ੇਟਿਵ ਮਾਮਲੇ

50 ਸਾਲਾ ਪੁਰਸ਼ ਤੇ 42 ਸਾਲਾ ਮਹਿਲਾ ਦਾ ਟੈਸਟ ਪਾਜ਼ੇਟਿਵ ਆਇਆ

ਐਸ.ਏ.ਐਸ ਨਗਰ (ਮੋਹਾਲੀ) – 1 ਜੂਨ (ਪੰਜਾਬ ਪੋਸਟ ਬਿਊਰੋ) – ਜਿਲ੍ਹੇ ਵਿੱਚ ਅੱਜ ਦੋ ਹੋਰ ਕੋਰੋਨਾ ਵਾਇਰਸ ਪਾਜ਼ੇਟਿਵ ਮਾਮਲੇ ਸਾਹਮਣੇ ਆਏ ਹਨ।ਇੱਕ 50 ਸਾਲਾ ਆਦਮੀ ਅਤੇ ਇੱਕ 42 ਸਾਲਾ ਮਹਿਲਾ ਦੀ ਰਿਪੋਰਟ ਪਾਜ਼ੇਟਿਵ ਪਾਈ ਗਈ ਹੈ।ਦੋਵਾਂ ਨੂੰ ਗਿਆਨ ਸਾਗਰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।
ਡੀ ਸੀ ਗਿਰੀਸ਼ ਦਿਆਲਨ ਨੇ ਦੱਸਿਆ ਕਿ ਦੋਵੇਂ ਸੈਕਟਰ-77 ਦੇ ਪਹਿਲਾਂ ਪਾਜੇਵਿਟ ਪਾਏ ਗਏ ਕੇਸ ਦੇ ਸੰਪਰਕ ਹਨ। ਇਸ ਤੋਂ ਇਲਾਵਾ, ਇਕ ਮਰੀਜ਼, 29 ਸਾਲਾ ਮਹਿਲਾ ਜਿਸ ਨੇ ਹਾਲ ਹੀ ਵਿਚ ਇਕ ਬੱਚੇ ਨੂੰ ਜਨਮ ਦਿੱਤਾ ਸੀ, ਨੂੰ ਅੱਜ ਪੀ.ਜੀ.ਆਈ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ।ਹੁਣ ਤਕ ਜਿਲ੍ਹੇ ਵਿੱਚ 10 ਐਕਟਿਵ ਕੇਸ ਹਨ।ਮੌਤਾਂ ਦੀ ਗਿਣਤੀ 3 ਅਤੇ ਠੀਕ ਹੋਏ ਕੇਸਾਂ ਦੀ ਗਿਣਤੀ 103 ਹੈ।