ਜਿਲ੍ਹੇ ‘ਚ ਸਾਹਮਣੇ ਆਏ 4 ਹੋਰ ਪਾਜ਼ਟਿਵ ਮਾਮਲੇ – ਇਕ ਮਰੀਜ਼ ਨੂੰ ਗਿਆਨ ਸਾਗਰ ਤੋਂ ਛੁੱਟੀ

ਐਸ.ਏ.ਐਸ ਨਗਰ (ਮੋਹਾਲੀ), 5 ਜੂਨ (ਪੰਜਾਬ ਪੋਸਟ ਬਿਊਰੋ) – ਜਿਲ੍ਹੇ ਵਿੱਚ ਅੱਜ ਕੋਰੋਨਾ ਵਾਇਰਸ ਦੇ ਚਾਰ ਪਾਜ਼ਟਿਵ ਮਾਮਲੇ ਸਾਹਮਣੇ ਆਏ ਹਨ।ਡਿਪਟੀ ਕਮਿਸ਼ਨਰ ਗਿਰੀਸ਼ ਦਿਆਲਨ ਨੇ ਦੱਸਿਆ ਕਿ ਪਾਜ਼ਟਿਵ ਮਾਮਲਿਆਂ ਵਿੱਚ ਇੱਕ ਸੈਕਟਰ-70 ਮੁਹਾਲੀ ਦਾ 61 ਸਾਲਾ ਵਿਅਕਤੀ ਸ਼ਾਮਲ ਹੈ, ਜਦੋਂ ਕਿ 3 ਹੋਰ ਪਾਜ਼ਟਿਵ ਮਾਮਲੇ ਸੈਕਟਰ-78 ਦੇ ਪਹਿਲਾਂ ਹੀ ਪਾਜ਼ਟਿਵ ਪਾਏ ਗਏ ਮਰੀਜ਼ ਦੇ ਸੰਪਰਕ ਹਨ, ਜੋ ਦਿੱਲੀ ਦੀ ਯਾਤਰਾ ਕਰਕੇ ਆਇਆ ਸੀ।
ਡੇਰਾਬਾਸੀ ਦੇ ਰਹਿਣ ਵਾਲੇ ਇੱਕ 33 ਸਾਲਾ ਐਨ.ਆਰ.ਆਈ ਨੂੰ ਅੱਜ ਗਿਆਨ ਸਾਗਰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ।ਹੁਣ, ਐਕਟਿਵ ਕੇਸਾਂ ਦੀ ਕੁੱਲ ਗਿਣਤੀ 17 ਹੈ ਅਤੇ 107 ਮਰੀਜ਼ ਠੀਕ ਹੋ ਗਏ ਹਨ।