ਅਕਾਲੀ ਦਲ ਅਤੇ ਬਸਪਾ ਦੇ ਸਾਂਝੇ ਉਮੀਦਵਾਰ ਮਾਨ ਵਲੋਂ ਭਰਵੀਆਂ ਮੀਟਿੰਗਾਂ

ਸੰਗਰੂਰ, 29 ਨਵੰਬਰ (ਜਗਸੀਰ ਲੌਂਗੋਵਾਲ) – ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਸਪਾ ਦੇ ਸਾਂਝੇ ਉਮੀਦਵਾਰ ਬਲਦੇਵ ਸਿੰਘ ਮਾਨ ਨੇ ਸੁਨਾਮ ਸਹਿਰ ਵਿਚ ਅੱਧੀ ਦਰਜਨ ਤੋਂ ਵੱਧ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਵਾਰਡ ਨੰ 14 ਵਿੱਚ ਨਰੇਸ਼ ਗੋਇਲ ਦੇ ਨਿਵਾਸ ਸਥਾਨ `ਤੇ ਭਰਵੇਂ ਇਕੱਠ ਨੂੰ ਸੰਬੋਧਨ ਕਰਦਿਆਂ ਮਾਨ ਨੇ ਕਿਹਾ ਕਿ ਸ਼ਹਿਰ ਦੇ ਕਾਰੋਬਾਰੀ ਅਤੇ ਦੁਕਾਨਦਾਰ ਅਨੇਕਾਂ ਮੁਸ਼ਕਿਲਾਂ ਵਿਚੋਂ ਲੰਘ ਰਹੇ ਹਨ।ਵੋਟਾਂ ਲੈ ਕੇ ਕਿ ਕਿਸੇ ਸਿਆਸੀ ਪਾਰਟੀ ਦੇ ਆਗੂ ਨੇ ਸਾਰ ਨਹੀਂ ਲਈ।ਇਸ ਲਈ ਇਸ ਵਾਰ ਬੇਝਿਜਕ ਹੋ ਕੇ ਗਠਜੋੜ ਨੂੰ ਸਹਿਯੋਗ ਦਿਓ। ਅਸੀਂ ਪਰਿਵਾਰਕ ਤੌਰ ਤੇ ਸਾਰਿਆਂ ਨਾਲ ਮਿਲ ਕੇ ਸ਼ਹਿਰ ਅਤੇ ਇਲਾਕੇ ਦੀਆਂ ਮੁਸ਼ਕਿਲਾਂ ਹੱਲ ਕਰਾਂਗੇ।ਅਗਰਵਾਲ ਭਾਈਚਾਰੇ ਨੇ ਬਲਦੇਵ ਸਿੰਘ ਮਾਨ ਨੂੰ ਸਨਮਾਨਿਤ ਕੀਤਾ।
                               ਇਸ ਮੌਕੇ ਹਰਦੇਵ ਸਿੰਘ ਹੰਝਰਾ, ਨਵੀਨ ਗੋਇਲ, ਵਿਜੇ ਕੁਮਾਰ, ਮਨੀ ਗੋਇਲ, ਵਿਜੇ ਗਰਗ, ਵਿਨੋਦ ਕੁਮਾਰ, ਤਰਸੇਮ ਚੰਦ, ਪਵਨ ਕੁਮਾਰ, ਹਰਪ੍ਰੀਤ ਸਿੰਘ, ਰੁਲਦੂ ਰਾਮ, ਬਸੰਤ ਲਾਲ ਹਲਵਾਈ, ਹਰੀ ਰਾਮ, ਸੁਰੇਸ਼ ਕੁਮਾਰ, ਯਸ਼ਪਾਲ ਆਦਿ ਹਾਜ਼ਰ ਸਨ।