ਹਨੀਸ਼ ਸਿੰਗਲਾ ਰੋਟਰੀ ਕਲੱਬ ਸੁਨਾਮ ਸਟਾਰ ਦੇ ਪ੍ਰਧਾਨ ਨਿਯੁੱਕਤ

ਸੰਗਰੂਰ, 5 ਦਸੰਬਰ (ਜਗਸੀਰ ਲੌਂਗੋਵਾਲ) – ਸਥਾਨਕ ਰੋਟਰੀ ਕਲੱਬ ਸੁਨਾਮ (ਸਟਾਰ) ਦੀ ਮੀਟਿੰਗ ਕਲੱਬ ਦੇ ਪ੍ਰਧਾਨ ਸਚਿਨ ਗਰਗ ਦੀ ਅਗਵਾਈ ਹੇਠ ਹੋਈ।ਇਸ ਦੌਰਾਨ ਸਾਲ 2022-23 ਲਈ ਪ੍ਰਧਾਨ ਦੀ ਚੋਣ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਪ੍ਰਧਾਨ ਸਚਿਨ ਗਰਗ ਅਤੇ ਪੁਨੀਤ ਜਿੰਦਲ ਨੇ ਪ੍ਰਧਾਨ ਦੇ ਅਹੁਦੇ ਲਈ ਹਨੀਸ਼ ਸਿੰਗਲਾ ਦੇ ਨਾਮ ਦੀ ਤਜਵੀਜ਼ ਰੱਖੀ।ਜਿਸ `ਤੇ ਸਾਰੇ ਮੈਂਬਰਾਂ ਨੇ ਸਹਿਮਤੀ ਪ੍ਰਗਟਾਉਂਦਿਆਂ ਹਨੀਸ਼ ਸਿੰਗਲਾ ਨੂੰ 2022-23 ਲਈ ਕਲੱਬ ਦਾ ਪ੍ਰਧਾਨ ਚੁਣਿਆ ਗਿਆ।ਪ੍ਰਧਾਨ ਸਚਿਨ ਗਰਗ ਨੇ ਦੱਸਿਆ ਕਿ ਨਵ-ਨਿਯੁੱਕਤ ਪ੍ਰਧਾਨ ਹਨੀਸ਼ ਸਿੰਗਲਾ ਦਾ ਚਾਰਜ਼ ਜੁਲਾਈ 2022 ਤੋਂ ਸ਼ੁੁਰੂ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਰੋਟਰੀ ਕਲੱਬ ਸੁਨਾਮ (ਸਟਾਰ) ਪਿਛਲੇ ਲੰਮੇ ਸਮੇਂ ਤੋਂ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਆਪਣੀ ਅਹਿਮ ਭੂਮਿਕਾ ਨਿਭਾਅ ਰਿਹਾ ਹੈ।ਕਲੱਬ ਵਲੋਂ ਜਿਥੇ ਸਮੇਂ-ਸਮੇਂ `ਤੇ ਲੋਕਾਂ ਲਈ ਮੁਫ਼ਤ ਕੈਂਪ ਲਗਾਏ ਜਾਂਦੇ ਹਨ, ਉਥੇ ਹੀ ਇਹ ਲੋੜਵੰਦ ਲੋਕਾਂ ਦੀ ਮਦਦ ਲਈ ਹਮੇਸ਼ਾਂ ਤਤਪਰ ਰਹਿੰਦਾ ਹੈ।ਉਨ੍ਹਾਂ ਨਵ-ਨਿਯੁੱਕਤ ਪ੍ਰਧਾਨ ਹਨੀਸ਼ ਸਿੰਗਲਾ ਤੋਂ ਆਸ ਪ੍ਰਗਟ ਕੀਤੀ ਕਿ ਉਹ ਆਪਣੀ ਜਿੰਮੇਵਾਰੀ ਨੂੰ ਬਾਖੂਬੀ ਨਿਭਾਉਣਗੇ ਅਤੇ ਕਲੱਬ ਦੇ ਅਹੁਦੇਦਾਰਾਂ ਅਤੇ ਮੈਂਬਰਾਂ ਦੀਆਂ ਉਮੀਦਾਂ `ਤੇ ਖਰਾ ਉਤਰਨਗੇ।ਨਵ-ਨਿਯੁੱਕਤ ਪ੍ਰਧਾਨ ਹਨੀਸ਼ ਸਿੰਗਲਾ ਨੇ ਸਾਰਿਆਂ ਦਾ ਧੰਨਵਾਦ ਕਰਦਿਆਂ ਆਪਣੀ ਜਿੰਮੇਵਾਰੀ ਨੂੰ ਪੂਰੀ ਇਮਾਨਦਾਰੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣ ਦਾ ਵਾਅਦਾ ਕੀਤਾ।
              ਇਸ ਮੌਕੇ ਅਵਿਨਾਸ਼ ਕੁਮਾਰ, ਮਨਦੀਪ ਗੋਇਲ, ਸੌਰਭ ਕੁਮਾਰ, ਜਤਿੰਦਰ ਗੋਇਲ, ਦੀਪਕ ਸਿੰਗਲਾ, ਨਿਤੀਸ਼ ਗਰਗ, ਪੁਨੀਤ ਜਿੰਦਲ, ਰਾਜਨ ਜੈਨ, ਸੁਸ਼ੀਲ ਕੁਮਾਰ, ਰਾਜ ਬਾਂਸਲ, ਮੋਹਿਤ ਜਿੰਦਲ, ਰੋਬਿਨ ਜਿੰਦਲ, ਸਚਿਨ ਗਰਗ ਸੁਨਾਮ, ਪੁਨੀਤ ਜਿੰਦਲ ਆਦਿ ਹਾਜ਼ਰ ਸਨ।