ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸੀ: ਸੈ: ਸਕੂਲ ਜੀ.ਟੀ ਦਾ ਵਿਦਿਆਰਥੀ ਜਪਨੀਕ ਸਿੰਘ ਸਨਮਾਨਿਤ

ਅੰਮ੍ਰਿਤਸਰ, 8 ਦਸੰਬਰ (ਜਗਦੀਪ ਸਿੰਘ) – ਚੀਫ਼ ਖ਼ਾਲਸਾ ਦੀਵਾਨ ਦੇ ਮੁੱਖ ਅਦਾਰੇ ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਜੀ.ਟੀ ਰੋਡ ਦੇ ਸਾਲ 2012 ਬੈਚ ਦਾ ਵਿਦਿਆਰਥੀ ਜਪਨੀਕ ਸਿੰਘ ਨੂੰ ਅੱਜ ਸਕੂਲ ਵਿਖੇ ਆਉਣ ਤੇ ਸਨਮਾਨਿਤ ਕੀਤਾ ਗਿਆ।ਜਪਨੀਕ ਸਿੰਘ ਨੇ ਪਹਿਲੀ ਤੋਂ 10+2 ਤੱਕ ਇਸੇ ਸਕੂਲ ‘ਚ ਵਿਦਿਆ ਪ੍ਰਾਪਤ ਕੀਤੀ ਅਤੇ ਉਹ ਸ਼ੁਰੂ ਤੋਂ ਹੀ ਇੱਕ ਹੋਣਹਾਰ ਵਿਦਿਆਰਥੀ ਰਿਹਾ।ਉਸ ਨੇ 2012 ਆਈ.ਆਈ.ਟੀ ਪ੍ਰੀਖਿਆ ਵਿੱਚ 25ਵਾਂ ਰੈਂਕ ਪ੍ਰਾਪਤ ਕਰ ਕੇ ਸਕੂਲ ਦਾ ਨਾਂ ਰੌਸ਼ਨ ਕੀਤਾ ਹੈ।ਜਪਨੀਕ ਸਿੰਘ ਇਸ ਵੇਲੇ ਅਮਰੀਕਾ ਦੇ ਸ਼ਿਕਾਗੋ ਵਿਖੇ ਨਿਊਯਾਰਕ ਸਟਾਕ ਐਕਸਚੇਂਜ ਵਿੱਚ ਡੈਰੀਵੇਟਿਵ ਟਰੇਡਿੰਗ ਕਰ ਰਿਹਾ ਹੈ।ਉਸ ਦੀ ਪਤਨੀ ਨਵਨੀਤ ਕੌਰ ਅਨੈਲਿਟੀਕਲ ਕੈਮਿਸਟਰੀ ਵਿੱਚ ਪੀ.ਐਚਡੀ ਕਰ ਰਹੀ ਹੈ।ਦੋਹਾਂ ਨੂੰ ਸਕੂਲ ਦੇ ਮੈਂਬਰ ਇੰਚਾਰਜ ਪ੍ਰੋ. ਹਰੀ ਸਿੰਘ, ਜਸਪਾਲ ਸਿੰਘ ਢਿੱਲੋਂ, ਪ੍ਰਿੰਸੀਪਲ ਡਾ: ਧਰਮਵੀਰ ਸਿੰਘ, ਗੁਰਭੇਜ ਸਿੰਘ ਅਤੇ ਹੋਰ ਮੈਂਬਰ ਸਾਹਿਬਾਨ ਵੱਲੋਂ ਸਨਮਾਨਿਤ ਕੀਤਾ ਗਿਆ।
                  ਇਸ ਮੌਕੇ ਜਪਨੀਕ ਸਿੰਘ ਦੇ ਪਿਤਾ ਹਰਜੀਤ ਸਿੰਘ ਸਾਬਕਾ ਐਸ.ਡੀ.ਓ ਵੀ ਮੌਜ਼ੂਦ ਸਨ।